Иоан 15:18 - Коми Библия 2023

¹⁸ «Муюгыдыс кӧ мустӧмтӧ тіянӧс, тӧдӧй, мый тіянысь водзджык на сійӧ мустӧмтіс Менӧ.

Иоан 15:18 Kruisverwysings

Ӧксыяслӧн 3 небӧг 22:8

Израильса ӧксы вочавидзис Иосафатлы: «Эм нӧшта ӧти морт, код пыр ми вермам юавны Господьлысь. Тайӧ Микей, Имлайлӧн пиыс. Но ме мустӧмта тайӧ мортсӧ. Сійӧ некор оз пророкав меным бурсӧ, а сӧмын лёксӧ». Иосафат шуис: «Ӧксыӧй, тэныд оз позь тадзи сёрнитны».

Шусьӧгъяс 29:27

Веськыда олысь зывӧктӧ лёк вӧчысьӧс, а лёк вӧчысь – веськыда олысьӧс.

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Исай 53:3

Йӧзыс Сійӧс увтыртісны-ӧтдортісны, Сійӧ нуис уна сьӧкыдлун да висьӧм, а ми бергӧдім Сыысь ассьыным чужӧмнымӧс. Сійӧс увтыртісны, и ми нинӧм туйӧ пуктім Сійӧс.

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Закар 11:8

Ӧти тӧлысьӧн ме вӧтлі куим видзысьӧс, дӧзми тшӧтш ыжъяс вылӧ, и найӧ мустӧмтісны менӧ.

Матвей 10:22

Менам ним вӧсна унаӧн мустӧмтасны тіянӧс, но сьӧкыдсӧ помӧдз нуысь мездмас.

Матвей 24:9

Тіянӧс пондасны дзескӧдны да унаӧс виасны. Менам ним вӧсна став войтыръяс мустӧмтасны тіянӧс.

Матвей 5:11

Ті шудаӧсь, Ме вӧсна кӧ тіянӧс лёкӧдӧны, вӧтлӧны да быд ногыс омӧльтӧны-суклялӧны.

Марк 13:13

Менам ним вӧсна унаӧн мустӧмтасны тіянӧс, но сьӧкыдсӧ помӧдз нуысь мездмас».

Лука 6:22

Ті шудаӧсь, Морт Пи вӧсна кӧ йӧзыс тіянӧс мустӧмтӧны, вӧтлӧны, лёкӧдӧны да няйтӧсьтӧны тіянлысь нимнытӧ.

Иоан 16:1

«Тайӧс висьталі тіянлы, медым ті энӧ эновтчӧй эскӧмысь.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Иоан 3:20

Лёксӧ вӧчысь мустӧмтӧ югыдсӧ. Сійӧ оз лок югыдас, медым сылӧн лёк уджъясыс эз йӧзасьны.

Иоан 7:7

Тіянӧс йӧзыс оз мустӧмтны, а Менӧ мустӧмтӧны, ӧд Ме висьтала, мый налӧн уджъясыс лёкӧсь.

Ап. уджъяс 14:22

Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Еврейяслы 12:2

да видзӧдны Исус вылӧ. Сійӧ – миянлы эскӧмсӧ Сетысьыс да тырвыйӧ эскӧмас Вайӧдысьыс. Локтана нимкодьлун понда Сійӧ нуис крест вылын дойсӧ, нинӧм туйӧ пуктіс лёкӧдӧмсӧ да пуксис Ен пуклӧс веськыдладорӧ.

Яков 4:4

Гозъякост олӧм пежалысьяс, ті ӧмӧй онӧ тӧдӧй, мый мувывсакӧд ӧтувтчысь Енлы паныд сувтӧ? Сідзкӧ, коді кӧсйӧ ӧтувтчыны мувывсакӧд, сійӧ Енлы паныд сувтӧ.

1 Иоан 3:1

Видзӧдӧй, кутшӧм мусаӧсь ми Батьлы: Сійӧ сетіс миянлы лоны да шусьыны Енлӧн ныв-пиӧн. Муюгыдсаыс оз тӧд миянӧс, Сійӧс оз тӧд да.

1 Иоан 3:13

Энӧ шензьӧй, вокъясӧй, муюгыдсаыс кӧ мустӧмтӧ тіянӧс.

1 Иоан 3:3

Сы вылӧ татшӧм лача кутысь сӧстӧммӧдӧ асьсӧ, мед лоны Сы кодь сӧстӧмӧн.