Иоан 15:14 - Коми Библия 2023

¹⁴ Оланныд кӧ Менам тшӧктӧм серти, ті – Менам ёртъяс.

Иоан 15:14 Kruisverwysings

Ӧксыяслӧн 3 небӧг 4:5

Нафанлӧн Азарий пиыс веськӧдліс ӧксыув муясын юралысьясӧн. Завуд поп, Нафанлӧн пиыс, вӧлі ӧксыӧс туйдӧдысь.

Ӧксыяслӧн 4 небӧг 18:6

Езекей кутчысис Господь дінӧ, эз кежлыв Сыысь, оліс Сылӧн тшӧктӧмъяс серти, мый Сійӧ сетліс Мӧисей пыр.

2 Каднебӧг 20:7

Миян Енмӧй, Тэ вӧтлін тайӧ муас олысьясӧс Аслад Израиль войтыр водзысь да пыр кежлӧ сетін тайӧ мусӧ Аслад Ӧвраам ёртсянь чужысьяслы.

Петӧм 7:6

Мӧисей да Аарон вӧчисны Господьлӧн тшӧктӧм серти.

Шусьӧгъяс 18:24

Гӧль мортыд кевмӧ-корӧ, озырыд чорыда вочавидзӧ.

Сьылан 5:1

– Аслам сад йӧрӧ локті ме, чоюкӧй-гӧтырпуӧй, чӧскыд турун да смирна чукӧрті, вина-йӧв ме юи, мазі позйысь ма сёйи. (Мукӧдъяс:) – Сёйӧй, ёртъяс! Коддзымӧнныд юӧй, радейтчысьяс! (Ныв:)

Исай 41:8

Израиль, тэ – Менам кесйӧгӧй, Яков, тэ – Менам Ӧвраам ёртсянь чужысь, Ме бӧрйи тэнӧ.

Еремей 32:23

Найӧ локтісны да босьтісны тайӧ мусӧ, но найӧ эз кывзысьны Тэнсьыд, эз овны Тэнад Индӧдыд серти. Найӧ эз вӧчны сійӧ, мый Тэ тшӧктін вӧчны налы, та вӧсна Тэ мӧдӧдін налы став тайӧ шогсӧ.

Езекиль 12:7

Ме ставсӧ вӧчи сідзи, кыдзи меным вӧлі тшӧктӧма. Луннас ме петкӧді ассьым кӧлуйӧс, кутшӧмӧс босьтӧны пленӧ мунігӧн. Рытнас аслам киӧн вӧчи керка стенмам петан розь, и пемдігас петкӧді нопйӧс да ставныслӧн син водзын босьті сійӧс пельпом вылам.

Матвей 12:50

Енэжвыв Батьлӧн кӧсйӧм серти олысь – Меным вок, чой да мам».

Лука 12:4

«Ёртъясӧй, висьтала тіянлы: энӧ полӧй вир-яйтӧ виысьясысь, унджыксӧ найӧ сэсся вӧчны оз вермыны.

Иоан 13:17

Тайӧс кӧ тӧданныд да та серти оланныд, ті шудаӧсь.

Иоан 14:15

«Ме кӧ муса тіянлы, олӧй Менам тшӧктӧмъяс серти.

Иоан 14:21

Коді видзӧ сьӧлӧмас Менсьым тшӧктӧмъясӧс да олӧ на серти, сійӧ радейтӧ Менӧ. Коді Менӧ радейтӧ, сійӧс Менам Батьӧй радейтӧ. Ме сійӧс тшӧтш радейта да восся сылы».

Иоан 14:28

Ті ӧд кывлінныд Менсьым кывъясӧс: ”Ме муна да бӧр локта тіян дінӧ”. Ме кӧ муса тіянлы, ті эськӧ нимкодясинныд Бать дінӧ Менам мунӧмысь, ӧд Батьӧй Меысь ыджыдджык.

Иоан 2:5

Сэки мамыс шуис кесйӧгъяслы: «Ставсӧ вӧчӧй Сылӧн шуӧм серти».

Яков 2:23

Тадзи инісны Гижӧдысь кывъясыс: «Ӧвраам эскис Енлы, та вӧсна Енмыс шуис сійӧс веськыдӧн». Сійӧс шуӧма тшӧтш Енлӧн ёртӧн.

1 Иоан 5:3

Тшӧктӧмъяс серти олӧмыс – тайӧ Енсӧ радейтӧм, а Сылӧн тшӧктӧмъясыс абу сьӧкыдӧсь.

Руфа 3:6

Руфа муніс гумла вылӧ да вӧчис энькаыслӧн тшӧктӧм серти.