Иоан 13:34 - Коми Библия 2023

³⁴ Выль тшӧктӧм сета тіянлы: радейтӧй ӧта-мӧднытӧ! Кыдзи Ме радейта тіянӧс, сідзи ті радейтӧй ӧта-мӧднытӧ.

Иоан 13:34 Kruisverwysings

Псалтыр 16:3

Тэ видзӧдлан менам сьӧлӧмӧ, видлан менӧ войся кадӧ, тӧдмалан менӧ, но нинӧм лёксӧ он аддзы, ӧд менам мӧвпъясӧй оз торъявны кывъясысь.

Левит 19:18

Водзӧс эн перйы да эн скӧрав аслад войтырысь морт вылӧ, но радейт матыссатӧ асьтӧ моз. Ме – Господь [тіян Енныд].

Левит 19:34

Йӧз муысь локтысьясӧс, кодъяс олӧны тіян пӧвстын, лыддьӧй вужвойтырӧн. Радейтӧй найӧс асьнытӧ моз. Ӧд Египетын ті асьныд вӧлінныд локтысь войтырӧн. Ме – Господь, тіян Енныд.

Матвей 5:44

Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна.

Иоан 15:17

Ме тшӧкта тіянлы: радейтӧй ӧта-мӧднытӧ».

Иоан 17:21

Кевмыся, мед найӧ ставныс лоасны ӧтвыв. Кыдзи Тэ, Батьӧй, Ме пытшкын, а Ме – Тэ пытшкын, тадзи мед найӧ лоасны ӧтвыв Миян пытшкын. Сэки муюгыдыс эскас, мый Тэ Менӧ мӧдӧдін.

Римӧ 12:10

Радейтӧй ӧта-мӧднытӧ чой-вокӧс моз, пуктӧй ӧта-мӧднытӧ ассьыд вылӧджык.

Римӧ 13:10

Муслуныс оз вай лёксӧ матыссаыдлы. Муслуныс – тайӧ Индӧдсӧ тырвыйӧ олӧмӧ пӧртӧм.

Римӧ 13:8

Энӧ кольӧй некодлы уджйӧзаӧн, ӧта-мӧдтӧ радейтӧм кындзи. Ӧд мӧдӧс радейтӧмнад тэ тырвыйӧ пӧртан олӧмӧ Индӧдсӧ.

Галатӧ 5:22

Ловлӧн вотӧсыс – муслун, нимкодьлун, лӧньлун, терпитӧм, мелілун, бурлун, эскӧм,

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

Галатӧ 6:10

Эм кӧ на позянлун, вӧчамӧй бурсӧ быдӧнлы, торъя нин эскысь чой-воклы.

Галатӧ 6:2

Нуӧй ӧта-мӧдныдлысь сьӧкыдсӧ, тадзи пӧртанныд олӧмӧ Кристослысь тшӧктӧмсӧ.

Ефесӧ 5:2

Кристослы ми мусаӧсь, ті тшӧтш лоӧй мусаӧсь ӧта-мӧдныдлы. Кристос сетіс Ассьыс олӧмсӧ миян вӧсна да вайис Асьсӧ Енлы чӧскыда ӧвтан вись пыдди.

Колосӧ 1:4

Ми кывлім став вежа войтыр дінӧ муслунныд йылысь да Исус Кристослы эскӧмныд йылысь.

1 Фессалоникаӧ 3:12

Господь мед уна пӧв содтас ӧта-мӧдныд дінӧ да став йӧзыс дінӧ муслуннытӧ. Тіян муслунныд мед лоӧ сэтшӧм жӧ вына, кутшӧм вына тіян дінӧ миян муслунным.

2 Фессалоникаӧ 1:3

Вокъяс, миянлы быд кадӧ колӧ аттьӧавны Енсӧ тіянысь, ӧд тіян эскӧмныд лунысь-лун ёнмӧ да тіян костын ӧта-мӧд дінад муслунныд ёнджыка на содӧ.

Еврейяслы 13:1

Тіян костын мед пыр лоӧ муслун.

Яков 2:8

Ті кӧ збыльысь оланныд Гижӧдыслӧн медыджыд Индӧд серти: «Радейт матыссатӧ асьтӧ моз», – бура вӧчанныд.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

2 Петыр 1:7

вежавидзӧманыд – воктӧ радейтӧм, воктӧ радейтӧманыд – муслун.

1 Иоан 3:11

Миянлы колӧ радейтны ӧта-мӧднымӧс. Тайӧ юӧрсӧ ті кывлінныд водзысяньыс.

1 Иоан 3:23

А Сійӧ тшӧктіс, медым ми эским Сылӧн Пилы, Исус Кристослы, да тшӧктӧмыс серти радейтім ӧта-мӧднымӧс.

1 Иоан 4:21

Миян эм Енсянь тшӧктӧм: «Енмӧс радейтысь, радейт тшӧтш ассьыд воктӧ».

2 Иоан 1:5

Ӧні менам татшӧм корӧм, дона аньӧй, медым ми радейтім ӧта-мӧднымӧс. Тайӧ тшӧктӧмыс абу выль, сійӧ миян водзысяньыс нин вӧлі.