Иоан 13:17 - Коми Библия 2023

¹⁷ Тайӧс кӧ тӧданныд да та серти оланныд, ті шудаӧсь.

Иоан 13:17 Kruisverwysings

Олӧм 6:22

Ной вӧчис ставсӧ сідзи, кыдзи тшӧктіс сылы [Господь] Ен.

Петӧм 40:16

Мӧисей ставсӧ вӧчис Господьлӧн тшӧктӧм серти.

Шусьӧгъяс 29:18

Войтырыс лэдзчысьӧ, абу кӧ Енсянь восьтӧмыс, но Индӧд серти олысьяс – майбырӧсь.

Еремей 11:6

Господь шуис меным: «Иудаса каръясын да ерусалимса уличьяс вылын юӧрт тайӧ кывъяссӧ: кывзӧй, мый тшӧктӧма-шуӧма йитӧдас, да олӧй сы серти.

Езекиль 36:27

Ассьым лолӧс пукта тіян пытшкӧ да вӧча сідз, мый ті кутанныд овны Менам индӧд-тшӧктӧмъяс серти.

Матвей 12:50

Енэжвыв Батьлӧн кӧсйӧм серти олысь – Меным вок, чой да мам».

Лука 11:28

Исус шуис: «Шудаӧсь Енлысь кывсӧ кылысьяс да Ен кыв серти олысьяс!»

Иоан 15:14

Оланныд кӧ Менам тшӧктӧм серти, ті – Менам ёртъяс.

Римӧ 2:13

Ен водзын веськыдӧсь абу Индӧдсӧ кывлысьяс, а сы серти олысьяс.

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

Яков 1:25

Но коді видзӧдӧ мездлунсӧ сетысь тыр-бур Индӧд вылӧ да оз вунӧд кывлӧмасӧ, а олӧ Индӧдыс серти, сійӧс лоӧ бурсиӧма уджъясыс пыр.

Яков 4:17

Сідзкӧ, коді тӧдӧ, мый колӧ бурсӧ вӧчны, но оз вӧч, сійӧ мыжмӧ.

Восьтӧм 22:14

Шудаӧсь найӧ, кодъяс олӧны Енлӧн тшӧктӧм серти, ӧд Енмыс сетас налы пӧткӧдчыны Олӧмыслӧн пуысь да пырны тайӧ карас дзиръяӧдыс.