Иоан 12:5 - Коми Библия 2023

⁵ «Мыйла тайӧ выйсӧ эз вузавны куимсё динарысь? Сьӧмсӧ эськӧ позис гӧльяслы сетны».

Иоан 12:5 Kruisverwysings

Ездра 4:14

Ми, тэнад кесйӧгъяс, огӧ вермӧй видзӧдны, кыдзи ӧксынымӧс нинӧм туйӧ пуктӧны. Та вӧсна, ӧксыӧй, ми ыстам тэныд тайӧ гижӧдсӧ.

Петӧм 5:17

Но фараон вочавидзис налы: «Ті дзикӧдз дышминныд, та вӧсна кӧсъянныд мунны да вайны Господьлы вись.

Петӧм 5:8

А кирпичсӧ мед вӧчаласны воддза мындаыс. Дышнысла найӧ шуалӧны, мунам пӧ асланым Енлы вись вайны.

Амос 8:5

Ті шуанныд: «Кор нин помасяс выль тӧлысь пасйӧмыс, медым вермим бара вузавны нянь? Кор нин помасяс шойччан луныс, медым вермим восьтны нянь видзанінъяс? Сэки ичӧтджык мурталан доз босьтам, а донсӧ содтам, вескиӧн пӧръялам.

Матвей 18:28

Ывлаӧ петӧм бӧрын кесйӧг аддзис уджъёртсӧ. Ёртыс вӧлі уджйӧза сылы сё динар. ”Мынты уджйӧзтӧ”, – ёртсӧ джагӧдӧмӧн шуаліс кесйӧг.

Матвей 20:2

Уджалысьяскӧд сёрнитчас лунысь динар мынтыны, сэсся мӧдӧдас найӧс виноград йӧрӧ.

Лука 12:33

Вузалӧй ассьыныд овмӧстӧ, сьӧмсӧ сетӧй гӧльяслы. Лӧсьӧдӧй аслыныд важмытӧм видзанінъяс да чӧжӧй бырлытӧм озырлун енэжӧ. Сэтчӧ гусясьысь оз пыр да сэні воз оз сёй.

Лука 18:22

Тайӧс кылӧм бӧрын Исус шуис сылы: «Ӧтитор оз тырмы тэныд: вузав ставсӧ, мый тэнад эм, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

Лука 6:41

Кыдзи тэ верман вокыдлӧн синмысь ёгторсӧ аддзыны, аслад синмысь кӧ керсӧ он казяв?

Иоан 12:4

Велӧдчысьяс пӧвстын вӧлі Иуда, Симон-Искариотлӧн пиыс, коді сэсся вузалас Исусӧс. Сійӧ шуис:

Иоан 12:6

Дерт, Иуда эз тӧждысь гӧльяс вӧсна. Сійӧ шуис тадзи, ачыс вӧлі гусясьысь да. Сы ордын вӧлі ӧтувъя сьӧм кудйыс, кытысь сійӧ босьтлывліс аслыс.

Иоан 13:29

Кодсюрӧ чайтісны, мый Исус тшӧктіс ньӧбны коланаторсӧ Ыджыд лун кежлӧ либӧ сетны мыйкӧ гӧльяслы, ӧд сьӧм кудйыс вӧлі Иуда ордын.

Иоан 6:7

Филип вочавидзис: «Кыксё динар вылӧ ньӧбӧм няньыс этша лоӧ, весиг ичӧтиктор оз вичмы быдӧнлы».