Иоан 12:32 - Коми Библия 2023

³² Му вылысь Менӧ кыпӧдӧм бӧрын Ме ставнысӧ Ас дінӧ сибӧда».

Иоан 12:32 Kruisverwysings

Ӧксыяслӧн 2 небӧг 18:9

Авессалом рӧдтіс аслас мул вылын, кор паныдасис Давидлӧн йӧзкӧд. Рӧдтігас сылӧн кузь юрсиыс гартчис ыджыд тупу вожйӧ. Мулыс котӧртіс водзӧ, а ачыс Авессалом коли ӧшавны енэжа-муа костас.

Сьылан 1:4

Ерусалимса нывъяс! Менам кучикӧй кедарсаяслӧн чом кодь мугов, но ме Соломонлӧн дӧраыс кодь мича.

Исай 11:10

Сійӧ лунӧ Ессейлӧн вужйыс лоӧ дӧрапасӧн войтыръяслы, найӧ шыасясны Ессейлӧн вужйыс дінӧ, и сылысь шойччанінсӧ вевттяс дзирдлун.

Исай 49:6

– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.

Осий 11:4

Муслуныслӧн кӧвъясӧн морт моз Ме кыски найӧс Ас дінӧ. Ме босьтлі на вылысь сийӧссӧ, копыртчӧмӧн пуктывлі на водзӧ сёян.

Лыд 21:9

Мӧисей вӧчис ыргӧн змейӧс да кыпӧдіс сійӧс майӧг йылӧ. Кор змейӧн чушкӧм морт видзӧдліс ыргӧн змей вылӧ, ловйӧн кольліс.

Иоан 1:7

Сійӧ локтіс висьтавны Югыдыс йылысь, медым быдӧн эскис Югыдыслы.

Иоан 12:34

Йӧзыс шуисны Сылы: «Ми тӧдам Индӧдысь, мый Кристос помтӧг олӧ. Сідзкӧ, мыйла Тэ шуан, Морт Пиӧс пӧ кыпӧдасны? Коді сійӧ Морт Пиыс?»

Иоан 18:32

Тадзи инісны Исуслӧн кывъясыс, кутшӧм ногӧн Сійӧ кулас.

Иоан 19:17

Крестсӧ нуигтыр Исус кайис Юр лы нима керӧсӧ, еврей ногӧн Голгопа керӧсӧ.

Иоан 3:14

Кыдзи овтӧминын Мӧисей вывлань кыпӧдіс змейӧс, тадзи лоӧ кыпӧдӧма тшӧтш Морт Пиӧс,

Иоан 6:44

Некод оз вермы локны Ме дінӧ, оз кӧ вайӧд сійӧс Менӧ мӧдӧдысь Батьӧй. Ме дінӧ локтысьӧс Ме ловзьӧда медбӧръя лунӧ.

Иоан 8:28

Исус шуис налы: «Морт Пиӧс кыпӧдӧм бӧрын ті тӧдмаланныд, мый Ме збыльысь Сійӧ, кодӧн шуа Ачымӧс. Ме нинӧм ог вӧч Ассянь, Ме висьтала сӧмын сійӧ, мыйӧ велӧдіс Менӧ Батьӧй.

Галатӧ 3:13

Кристос ньӧбис миянӧс Индӧдыслӧн ёрӧм улысь, кор Сійӧс вӧлі ёрӧма миян пыдди. Ӧд гижӧма: «Ёрӧма быдӧнӧс, кодӧс ӧшӧдӧма пу вылӧ».

1 Тимофейлы 2:6

Сійӧ сетіс Асьсӧ, медым ньӧбны став йӧзсӧ. Тайӧ петкӧдлӧ, мый мездана кадыс воис нин.

Еврейяслы 2:9

Но ми аддзам Исусӧс, кодӧс дженьыд кад кежлӧ вӧлі улӧджык пуктӧма анделъяс дорысь. Енлӧн буралӧмыс вӧсна Сійӧ куліс став йӧзыс понда. Тайӧ сьӧкыда кулӧм вӧснаыс Исусӧс ӧні мичмӧдӧма дзирдлунӧн да нимӧдӧмӧн.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

1 Петыр 3:18

Кристос ӧтчыдысь нуис сьӧкыдсӧ миян мыжъяс вӧсна, медым вайӧдны миянӧс Ен дінӧ. Сійӧ, веськыда олысь, куліс лёкнога олысьяс вӧсна. Сылысь вир-яйсӧ вӧлі виӧма, но Ловсянь Сійӧ ловзис,

1 Иоан 2:2

Сійӧ – миянлысь мыжнымӧс вештысь, и абу сӧмын миянлысь, а став муюгыдыслысь.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.