Иоан 11:55 - Коми Библия 2023

⁵⁵ Матыстчис иудейяслӧн Ыджыд лун. Сиктъясысь унаӧн локтісны Ерусалимӧ, медым сӧстӧммӧдчыны Ыджыд лун водзвылын.

Иоан 11:55 Kruisverwysings

Олӧм 35:2

Яков шуис гортсаыслы да аслас йӧзлы: «Эновтчӧй мукӧд енъясысь! Сӧстӧммӧдчӧй да вежӧй паськӧмнытӧ.

Иов 1:5

Кор став сизимнан пи ордас вӧлі пасйӧма гажсӧ, Иов корліс пиянсӧ ас ордас, медым вежӧдны-сӧстӧммӧдны найӧс. Сійӧ чеччыліс водз асывнас да быдӧн вӧсна торйӧн вайліс сотан вись. [Нӧшта ӧти ӧшкӧс вайліс ставныслӧн мыж вӧсна.] Иов мӧвпаліс, гашкӧ пӧ, пиянӧй гажӧдчиганыс мыжмисны да сьӧлӧманыс сералісны Енсӧ. Иов быд пӧрйӧ тадзи вӧчліс.

Псалтыр 26:6

Сэки ме лэпта юрӧс, ог кут повны менӧ кытшалысь вӧрӧгысь. Господьлӧн крамын вая Сылы висьяс, нимкодясьӧмӧн понда сьывны Сылы ошкӧм.

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Лыд 9:10

«Висьтав Израиль пиянлы: коді тіян пӧвстысь либӧ тіянсянь чужысьясысь пежасяс шой дінӧ инмӧдчылӧм вӧсна либӧ коді лоас ылі туйын, сійӧ мед тшӧтш пасйӧ Господьлы сиӧм Ыджыд лун.

Лыд 9:6

Израиль войтыр пӧвстын вӧліны йӧз, кодъяс морт шой дінӧ инмӧдчылӧм вӧсна вӧліны пежӧсь и индӧм лунӧ эз вермыны пасйыны Ыджыд лунсӧ. Найӧ локтісны Мӧисей да Аарон дінӧ

Матвей 26:1

Тайӧс ставсӧ висьталӧм бӧрын Исус шуис велӧдчысьясыслы:

Матвей 26:2

«Кык лун мысти, ті тӧданныд, Ыджыд лун лоӧ. Тайӧ кадӧ Морт Пиӧс вузаласны да крестӧ тувъяласны».

Марк 14:1

Ыджыд лунӧдз, Шомтӧм нянь сёян лунъясӧдз, кык лун на вӧлі. Аркирейяс да Индӧдӧ велӧдысьяс корсисны, кыдзи эськӧ ылӧдлӧмӧн босьтны Исусӧс да вины Сійӧс.

Лука 22:1

Матыстчисны Шомтӧм нянь сёян лунъяс, мӧд ногӧн кӧ, Ыджыд лун.

Иоан 12:1

Ыджыд лунӧдз квайт лунӧн водзджык Исус воис Вифания сиктӧ. Сэні оліс Лазар, кодӧс Исус ловзьӧдіс.

Иоан 13:1

Тайӧ вӧлі Ыджыд лун водзвылын. Исус тӧдіс нин, мый Сылы воис кад мунны тайӧ муюгыдсьыс Батьыс дінӧ. Исуслы вӧлі мусаӧсь найӧ, кодъяс эскисны Сылы, Сійӧ помӧдзыс петкӧдліс на дінӧ Ассьыс муслунсӧ.

Иоан 18:28

Асывводзнас Каиафсянь Исусӧс нуӧдісны римса юралысьлӧн керкаӧ. Иудейяслӧн веськӧдлысьяс эз пырны керка пытшкас, медым эз пежасьны да вермисны сёйны ыджыдлунся сёян.

Иоан 2:13

Матыстчис иудейяслӧн Ыджыд лун. Исус локтіс Ерусалимӧ.

Иоан 2:6

Сэні вӧлі изйысь вӧчӧм квайт ва доз, быд дозйӧ ваыс вӧлі тӧрӧ сё литра гӧгӧр. Тайӧ дозъяснас иудейяс вӧдитчисны сӧстӧммӧдчӧм могысь.

Иоан 5:1

Исус мӧдӧдчис Ерусалимӧ, сэки вӧлі иудейяслӧн гажӧдчан кад.

Иоан 6:4

Матыстчис Ыджыд лун, иудейяслӧн гажӧдчан кад.

Ап. уджъяс 21:24

Босьт найӧс аскӧдыд да сӧстӧммӧдчы накӧд. Мынтысь на вӧсна, мед шырасны юрнысӧ. Сэки ставныс тӧдмаласны, мый тэ кутчысян Индӧдӧ, и тэ йылысь кывлӧмторйыс абу збыль.

Ап. уджъяс 21:26

Сэки Павел босьтіс аскӧдыс тайӧ йӧзсӧ да мӧд луннас сӧстӧммӧдчис накӧд. Сэсся муніс крамӧ да висьталіс, кор помасясны налӧн сӧстӧммӧдчан лунъясыс да кор лоӧ вайӧма быдӧн вӧсна вись.

Ап. уджъяс 24:18

Менӧ аддзылісны крамысь сӧстӧммӧдчӧм бӧрын. Йӧз чукӧрыс да шызьӧмыс сэні матӧ эз вӧв.

1 Коринфӧ 11:28

Быдӧн мед асьсӧ тӧдмалӧ, сэсся сёйӧ тайӧ няньсӧ да юӧ тайӧ чашасьыс.

Яков 4:8

Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!

Ӧксыяслӧн 1 небӧг 16:5

Самуил вочавидзис: «Бурӧн. Ме локті Господьлы вись вайны. Вежӧдӧй-сӧстӧммӧдӧй асьнытӧ да мунамӧй мекӧд тшӧтш вись вайны». Самуил вежӧдіс Ессейӧс, сылысь пиянсӧ да корис найӧс сёйны.