Иоан 11:43 - Коми Библия 2023

⁴³ Та бӧрын Исус гораа горӧдіс: «Лазар, пет сэтысь!»

Иоан 11:43 Kruisverwysings

Марк 4:41

Найӧ ыджыд полӧмӧн тырисны, ӧта-мӧдныслысь пондісны юасьны: «Коді Сійӧ? Весиг тӧлыс да ваыс кывзысьӧны Сылысь».

Иоан 11:42

Ме тӧда, мый Тэ век кылан Менӧ. Но тайӧс Ме шуи тані сулалысь йӧзыс вӧсна, медым найӧ эскисны, мый Тэ Менӧ мӧдӧдін».

Иоан 11:44

Кулӧм Лазар петіс. Сылысь ки-коксӧ вӧлі гартлӧма дзебан дӧраясӧн, чужӧмсӧ гартыштӧма чышъянӧн. Исус шуис: «Разьӧй дӧраяссӧ, мед мунас».

Иоан 12:1

Ыджыд лунӧдз квайт лунӧн водзджык Исус воис Вифания сиктӧ. Сэні оліс Лазар, кодӧс Исус ловзьӧдіс.

Иоан 12:9

Иудейясысь унаӧн тӧдмалісны Исуслӧн Вифания сиктӧ воӧм йылысь. Найӧ локтісны сэтчӧ эз сӧмын Исус понда, но медым аддзывны тшӧтш Лазарӧс, кодӧс Исус ловзьӧдіс кулӧмысь.

Ап. уджъяс 3:12

Петыр аддзис тайӧс да шуис йӧзыслы: «Израиль войтыр, мый ті шензьӧмӧн видзӧданныд миян вылӧ? Чайтанныд, ми ас вынӧн тайӧс вӧчим да миян вежавидзӧм понда сійӧ ветлӧдлӧ?

Ап. уджъяс 3:6

Петыр шуис: «Эзысь-зарни менам абу, но мый эм, сета тэныд. Назаретса Исус Кристос нимӧн чеччы да ветлӧдлы».

Ап. уджъяс 9:34

Петыр шуис сылы: «Эней, Исус Кристос бурдӧдӧ тэнӧ. Чеччы да лӧсьӧд вольпасьтӧ». Сійӧ дзик пыр чеччис.

Ап. уджъяс 9:40

Петыр тшӧктіс петны ставныслы, ачыс пидзӧс вылас сувтӧмӧн кутіс кевмысьны. Сэсся шойланьыс бергӧдчӧмӧн шуис: «Тавита, чеччы!» Тавита восьтіс синсӧ, видзӧдліс Петыр вылӧ да пуксис.