Иоан 11:40 - Коми Библия 2023

⁴⁰ Исус шуис Марпалы: «Эг ӧмӧй тэныд шулы, мый эскан кӧ, аддзан Енлысь дзирдлунсӧ?»

Иоан 11:40 Kruisverwysings

2 Каднебӧг 20:20

Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

Псалтыр 63:2

Енмӧй, кыв менсьым гӧлӧс шыӧс, кор ме кевмыся, видз менсьым олӧмӧс мустӧмтысьлӧн повзьӧдлӧмысь.

Псалтыр 90:16

Ме нюжӧда сылысь олан лунъяссӧ, петкӧдла сылы Ассьым мездӧмӧс». Ошкӧм.

Петӧм 16:7

а асывнас ті аддзанныд Господьлысь дзирдлунсӧ. Ӧд Господь кыліс, кыдзи ті ропканныд Сы вылӧ. А ми нӧ кодъяс? Миян вылӧ мый ропканныд?»

Матвей 17:20

Исус шуис: «Онӧ эскӧй да. Веськыда висьтала тіянлы: лоас кӧ тіян эскӧмныд горчица тусь ыджда, верманныд шуны тайӧ керӧсыслы: ”Вешйы татысь эстчӧ” – и сійӧ вешъяс. Тіянлы нинӧм вермытӧмыс оз ло.

Марк 9:23

Исус шуис сылы: «Эскан кӧ, эскысьлы ставыс вермана».

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 11:4

Тайӧс кылӧм бӧрын Исус шуис: «Тайӧ висьӧмыс абу кулӧм вылӧ, но Енмӧс ошкӧм вылӧ. Та пыр воссяс Ен Пилӧн дзирдлуныс».

Иоан 12:41

Исай шуис тайӧ кывъяссӧ, ӧд сійӧ аддзыліс Исуслысь дзирдлунсӧ да висьталіс Сы йылысь.

Иоан 9:3

Исус вочавидзис: «Сійӧ абу мыжа, бать-мамыс тшӧтш абу мыжаӧсь. Сійӧ синтӧм, медым сы пыр тыдовтчасны Енлӧн уджъясыс.

Римӧ 6:4

Пыртчӧмнаным ми кулім Кристоскӧд да миянӧс вӧлі гуалӧма Сыкӧд. Но Батьыслӧн дзирдлунӧн Кристосӧс вӧлі ловзьӧдӧма, та вӧсна ми тшӧтш вермам овны выль олӧмӧн.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.