Иоан 10:28 - Коми Библия 2023

²⁸ Ме сета налы помтӧм олӧм, и найӧ некор оз вошны. Некод оз мырддьы найӧс Менам киысь.

Иоан 10:28 Kruisverwysings

Иов 17:9

Но веськыда олысь оз кеж аслас туй вылысь, сӧстӧм киа морт вынсялас-зумыдмас.

Псалтыр 31:5

Но ме восьті Тэныд ассьым мыжӧс, эг дзеб ассьым лёк вӧчӧмӧс. Ме шуи: «Висьтася Господьлы аслам лёк вӧчӧмысь», и Тэ прӧститін менсьым мыжӧс.

Шусьӧгъяс 24:16

Веськыда олысь сизимысь усьлас, но бӧр чеччас, а мыж вӧчысь лёкас крукасяс.

Шусьӧгъяс 4:18

Веськыда олысьлӧн туйыс – асъя югӧр кодь, сійӧ ӧтарӧ югдӧ луншӧра югыдӧдз.

Исай 27:3

Ме, Господь, видза сійӧс, пыр киськала сійӧс. Ме лун и вой видза сійӧс, медым некод эз вӧч сылы лёксӧ.

Исай 45:17

Но Господь мездас Израильӧс, сійӧс лоӧ мездӧма пыр кежлӧ! Тіянӧс оз ло янӧдӧма, тіянлы некор оз ло юръяндзим.

Исай 54:17

Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.

Еремей 23:4

Ме бӧръя да сувтӧда налы видзысьясӧс, кодъяс кутасны тӧждысьны на вӧсна, и найӧ оз нин кутны повны-тіравны да оз нин кутны вошны, – висьталӧ Господь».

Еремей 31:3

Ылісянь Господь петкӧдчис меным да шуис: – Ме радейта тэнӧ, Израиль, помтӧм муслунӧн, та вӧсна Ме петкӧдла тэныд Ассьым буралӧмӧс.

Еремей 31:34

Сэки некод оз кут велӧдны матыссасӧ, вокыс оз понды велӧдны воксӧ, оз шу: ”Тӧдмав Господьӧс!” Ӧд ставныс, ичӧтсянь ыджыдӧдз, кутасны тӧдны Менӧ, – висьталӧ Господь. – Ме прӧстита налысь лёк вӧчӧмсӧ, налысь мыжъяссӧ водзӧ ог нин казьтыв».

Еремей 32:40

Ме кӧртала накӧд пыр кежлӧ йитӧд: Ме ог бергӧдчы наысь, а пыр кута вӧчны налы бурсӧ. Ме пукта налӧн сьӧлӧмӧ вежавидзӧм, медым найӧ эз кежны Меысь.

Марк 13:22

Ӧд ылӧгкристосъяс да ылӧгпророкъяс локтасны да пондасны вӧчны шензьӧданаторъяс, медым ылӧдны, позяс кӧ, весиг бӧрйӧмаясӧс.

Лука 23:46

Исус ыджыд шыӧн горӧдіс: «Батьӧй, Тэнад киӧ сета Ассьым лолӧс!» Тайӧс шуӧм бӧрын лолыс петіс.

Иоан 10:29

Менам Батьӧй, коді сетіс Меным найӧс, ставсьыс медыджыд. Некод оз вермы мырддьыны найӧс Менам Батьлӧн киысь.

Иоан 11:25

Исус шуис: «Ме эм Ловзьӧдысьыс да Олӧмыс. Меным эскысь весиг кулӧм бӧрас кутас овны.

Иоан 14:19

Регыд муюгыдыс оз нин аддзы Менӧ, а ті кутанныд аддзыны Менӧ. Ме ола, та вӧсна ті тшӧтш кутанныд овны.

Иоан 17:2

Тэ индін Питӧ ыджыдавны быдӧн вылын. Сійӧ сетас помтӧм олӧм быдӧнлы, кодӧс Тэ сетін Сылы.

Иоан 18:9

Исус шуис тадзи, медым инісны Сылӧн кывъясыс: «Меным сетӧмаясысь весиг ӧтикӧс эг вошты».

Иоан 3:36

Коді эскӧ Пиыслы, сылӧн эм помтӧм олӧм. Коді оз эскы Пиыслы, сылӧн оз ло олӧмыс, но Енлӧн скӧрлуныс лоӧ сы вылын.

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Иоан 5:24

Веськыда, веськыда висьтала тіянлы: коді кывзӧ Менсьым кывъясӧс да эскӧ Менӧ Мӧдӧдысьлы, сылӧн эм помтӧм олӧм. Сійӧс оз кутны мыждыны, кулӧмсьыс сійӧ вуджис нин олӧмас.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Иоан 6:37

Быдӧн, кодӧс сетӧ Меным Бать, локтас Ме дінӧ. Ме дінӧ локтысьӧс ог вӧтлы.

Иоан 6:47

Веськыда, веськыда висьтала тіянлы: Меным эскысьлӧн эм помтӧм олӧм.

Иоан 6:68

Симон-Петыр вочавидзис: «Господьӧй, код дінӧ миянлы муннысӧ? Ӧд Тэнад кывъясыд сетӧны помтӧм олӧмсӧ.

Ап. уджъяс 7:59

Кор Степанӧс изъялісны, сійӧ кевмысис: «Исусӧй, Господьӧй, босьт менсьым лолӧс».

Римӧ 5:17

Ӧтилӧн мыж вӧчӧм вӧсна кӧ пондіс ыджыдавны кулӧм, сэки, дерт нин, ӧти морт пыр, Исус Кристос пыр, Енсянь ыджыд буралӧмсӧ да веськыдлунсӧ босьтысьяс пондасны ыджыдавны олӧмас.

Римӧ 5:2

Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.

Римӧ 5:21

Кыдзи мыжыс ыджыдаліс да кыскис кулӧмас, тадзи буралӧмыс тшӧтш ыджыдалӧ веськыдлуннас да вайӧдӧ миянӧс Исус Кристос Господьным пыр помтӧм олӧмас.

Римӧ 5:9

Ӧні Кристослӧн вирыс пыр миянӧс шуӧма веськыдӧн, сідзкӧ, дерт нин, Кристос пыр ми мынам локтана скӧрлунысь.

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

Римӧ 8:1

Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

Римӧ 8:29

Сідзкӧ, кодъясӧс Енмыс водзысяньыс тӧдіс, найӧс и лӧсьӧдіс лоны Аслас Пи кодьӧн, медым Пиыс вӧлі медводдза чужысьӧн уна вок пӧвстын.

Индӧд 33:3

Збыльысь Сійӧ радейтӧ Ассьыс войтырсӧ, став вежа войтырыс Сылӧн киын. Сылӧн кок дорын найӧ велӧдчӧны Сылӧн кывъясӧ.

Филипӧ 1:6

Енмыс панӧма нин бур уджсӧ тіян пытшкын, и ме эска, мый Исус Кристослӧн локтан лунӧдз Сійӧ вайӧдас уджсӧ помӧдз.

2 Фессалоникаӧ 2:13

Вокъяс, ті мусаӧсь Господьлы. Миянлы дугдывтӧг колӧ аттьӧавны Енсӧ тіянысь, ӧд Сійӧ водзысяньыс бӧрйис тіянӧс мездмӧм вылӧ. Тайӧ мездмӧмсӧ Сійӧ сетӧ тіянлы Ловлӧн вежӧдӧмыс пыр да збыльыслы эскӧм пыр.

1 Тимофейлы 1:16

Енмыс вӧлі бур сьӧлӧма ме дінӧ, медым ме пыр, медся мыжаыслӧн олӧм пыр, Исус Кристос петкӧдліс Ассьыс терпитӧмсӧ налы, кодъяс эскасны Сылы да босьтасны помтӧм олӧмсӧ.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

1 Петыр 1:5

Эскӧм вӧсна Енлӧн выныс видзӧ тіянӧс мездмӧм вылӧ, и тайӧ мездмӧмыс воссяс бӧръя кадас.

1 Иоан 1:2

Олӧмыс петкӧдчис, и ми аддзылім Сійӧс. Ӧні висьталам Сы йылысь, юӧртам тіянлы помтӧм Олӧмыс йылысь. Сійӧ вӧлі Батьыскӧд, ӧні Сійӧс восьтӧма миянлы.

1 Иоан 2:19

Найӧ петісны миян пӧвстысь, но найӧ эз вӧвны миянкӧд ӧтув. Вӧліны кӧ миянкӧд ӧтув, кольччисны эськӧ миянкӧд. Но налӧн петӧмыс висьталӧ, мый найӧ абу миянкӧд.

1 Иоан 2:25

А Пиыс кӧсйысис сетны миянлы помтӧм олӧм.

1 Иоан 5:11

А висьталӧмыс татшӧм: Ен сетӧма миянлы помтӧм олӧм, и тайӧ олӧмыс Пиыс пытшкын.

Иуда 1:1

Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.

Иуда 1:21

Видзӧй асьнытӧ Ен муслунас. Виччысьӧй сійӧ кадсӧ, кор миян Господь Исус Кристос Аслас буралӧмнас вайӧдас миянӧс помтӧм олӧмӧ.

Иуда 1:24

Енмыс вына видзны тіянӧс усьӧмысь да вайӧдны тіянӧс Аслас дзирдлунӧ нимкодясьысь да сӧстӧм войтырӧн.

Ӧксыяслӧн 1 небӧг 2:9

Господь видзӧ кывзысьысьяслысь воськовъяссӧ, а лёк вӧчысьяс вошӧны пемыдас, ӧд мортлы оз отсав аслас выныс.