Иоан 10:27 - Коми Библия 2023

²⁷ Менам ыжъясӧй кылӧны Менсьым гӧлӧс шыӧс. Ме тӧда найӧс, и найӧ локтӧны Ме бӧрся.

Иоан 10:27 Kruisverwysings

Ӧксыяслӧн 3 небӧг 18:21

Илля матыстчис войтырыс дінӧ да шуис: «Дыр-ӧ на ті кутанныд чотны кыкнан кокнаныд? Господь кӧ эм Ен, кывзысьӧй Сылысь, Ваал кӧ енмыс, сылысь кывзысьӧй». Войтырыс чӧв оліс.

Исай 66:22

Кыдзи выль енэжыс да выль муыс, кодъясӧс Ме вӧча, пыр лоӧны Ме водзын, тадзи тіянсянь чужысьяс да тіян нимныд пыр лоӧны Ме водзын, – висьталӧ Господь. –

Матвей 16:24

Исус шуис велӧдчысьясыслы: «Коді кӧсйӧ мунны Ме бӧрся, мед вунӧдас асьсӧ, мед босьтас ассьыс крестсӧ да локтас Ме бӧрся.

Матвей 17:5

Петырлӧн сёрнитігкості югыд кымӧр вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн. Сійӧс кывзӧй».

Матвей 25:12

Сійӧ вочавидзас: ”Веськыда висьтала тіянлы: ог тӧд тіянӧс”.

Матвей 7:23

Сэки Ме вочавидза налы: ”Ог тӧд тіянӧс. Мунӧй Ме дінысь, лёксӧ вӧчысьяс!”»

Марк 10:21

Исус видзӧдліс сы вылӧ мусапырысь да шуис: «Ӧтитор оз тырмы тэныд: мун, вузав ставсӧ, мый тэнад эм, а сьӧмсӧ сет гӧльяслы. Сэки тэныд енэжын озырлуныс вичмас. Сэсся босьт кресттӧ да лок Ме бӧрся».

Марк 8:34

Исус чукӧстіс йӧзсӧ да велӧдчысьяссӧ да шуис налы: «Коді кӧсйӧ мунны Ме бӧрся, мед вунӧдас асьсӧ, мед босьтас ассьыс крестсӧ да локтас Ме бӧрся.

Лука 13:27

Сійӧ шуас: ”Висьтала тіянлы: ог тӧд тіянӧс. Ог тӧд, кытысьӧсь ті. Мунӧй Ме дінысь, ставныд ті лёк вӧчысьяс!”

Лука 9:23

Исус шуис ставныслы: «Коді кӧсйӧ мунны Ме бӧрся, мед вунӧдас асьсӧ, мед босьтас ассьыс крестсӧ да локтас Ме бӧрся.

Иоан 10:14

Ме эм ыжъяслы бур видзысь. Ассьым ыжъясӧс Ме тӧда, и Менам ыжъясӧй тӧдӧны Менӧ.

Иоан 10:16

Тайӧ йӧрас кындзи Менам эмӧсь мукӧд ыжъяс, найӧс Меным тшӧтш колӧ вайӧдны. Найӧ кыласны Менсьым гӧлӧс шыӧс, сэки лоас ӧти чукӧр да ӧти видзысь.

Иоан 10:8

Меӧдз волысьяс – ставныс гусясьысьяс да лёк вӧчысьяс. Ыжъяс найӧс эз кывзыны.

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Иоан 21:22

Исус шуис Петырлы: «Ме кӧ кӧсъя, медым сійӧ оліс Менам локтӧдз, мый тэ майшасян та вӧсна? Тэ лок Ме бӧрся».

Иоан 5:25

Веськыда, веськыда висьтала тіянлы: воас кад да воис нин, кор кулӧмаяс кыласны Ен Пилысь гӧлӧс шысӧ. Сэки Сійӧс кылысьяс ловзясны.

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Иоан 8:43

Мыйла ті онӧ гӧгӧрвоӧй Менсьым висьталӧмӧс? Ті онӧ гӧгӧрвоӧй, ӧд онӧ сибӧдӧй Менсьым кывъясӧс.

Ап. уджъяс 3:23

Коді оз кывзы тайӧ Пророксӧ, сійӧс лоӧ бырӧдӧма аслас войтыр пӧвстысь”.

1 Коринфӧ 8:3

Но мортыслы кӧ Енмыс муса, Енмыс тӧдӧ сійӧс.

Галатӧ 4:9

Но ӧні ті тӧданныд Енсӧ, бурджык шуны, Енмыс тӧдӧ тіянӧс. Сідзкӧ, мыйла ті бӧр бергӧдчанныд муюгыдса ковтӧм жеб вынъяс дінӧ да важ мозыс бара кӧртасянныд сэтчӧ?

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».

Еврейяслы 3:7

Вежа Лов висьталӧ: – Талун, гӧлӧс шыӧс кылігӧн,

Восьтӧм 14:4

Тайӧ йӧзыс эз пежавны асьнысӧ аньяскӧд узьлӧмӧн, найӧ сӧстӧмӧсь. Найӧ мунӧны Баля бӧрся быдлаӧ, кытчӧ Сійӧ мунӧ. Найӧс ньӧбӧма мувывса йӧз пӧвстысь, найӧ – медводдза вайӧмтор Енмыслы да Балялы.

Восьтӧм 3:20

Со, Ме сулала ӧдзӧс дорад да игӧдча. Коді кылас Менсьым гӧлӧс шыӧс да восьтас Меным, сы ордӧ Ме пыра, и ми кутам ӧтвыв сёйны.