Иоан 10:18 - Коми Библия 2023

¹⁸ Менсьым олӧмӧс некод оз вермы мырддьыны, Ме Ачым сета сійӧс. Ме верма сетны сійӧс, и верма бӧр босьтны. Тадзи тшӧктіс вӧчны Менам Батьӧй».

Иоан 10:18 Kruisverwysings

Иоан 10:11

Ме эм ыжъяслы бур видзысь. Бур видзысь сетӧ ассьыс олӧмсӧ ыжъясыс вӧсна.

Иоан 10:15

Кыдзи Батьӧй тӧдӧ Менӧ, сідзи Ме тӧда Батьӧс. Ассьым олӧмӧс Ме сета ыжъясӧй вӧсна.

Иоан 10:17

Батьӧйлы Ме муса, ӧд Ме сета Ассьым олӧмӧс, медым бӧр босьтны сійӧс.

Иоан 14:31

Но медым муюгыдыс тӧдіс, мый Батьӧй Меным муса, Ме ставсӧ вӧча Батьлӧн тшӧктӧм серти. Чеччӧй, мунамӧй татысь».

Иоан 15:10

Ме ставсӧ вӧча Батьлӧн тшӧктӧм серти да ола Сылӧн муслун пытшкын. Ті кӧ вӧчанныд Менам тшӧктӧм серти, сэки тшӧтш кутанныд овны Менам муслун пытшкын.

Иоан 19:11

Исус вочавидзис: «Тэ эськӧ нинӧм эн вермы вӧчны Мекӧд, эз кӧ вӧв сетӧма тэныд вылісянь. Та вӧсна Менӧ вузалысь ёнджыка на мыжа».

Иоан 5:26

Батьыс сетӧ олӧм быдӧнлы, Пиыслы Сійӧ тшӧтш сетіс вын – сетны олӧм быдӧнлы.

Иоан 5:30

Ме нинӧм ог вӧч Ассянь. Ме мыжда сы серти, мый кыла Батьсянь, та вӧсна Менам мыждӧмӧй веськыд. Ӧд Ме ог Ас кӧсйӧм серти вӧч, а Менӧ мӧдӧдысь Батьлӧн кӧсйӧм серти вӧча».

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.

Ап. уджъяс 2:24

Но Енмыс ловзьӧдіс Сійӧс да мездіс кулӧмыслӧн вын улысь. Кулӧмыс эз вермы Сійӧс кутны.

Ап. уджъяс 2:32

Дзик тайӧ Исусӧс Енмыс ловзьӧдіс, и ми ставным тайӧс аддзылім.

Ап. уджъяс 3:15

Ті олӧм Сетысьӧс виинныд, но Енмыс ловзьӧдіс Сійӧс. Тайӧс ми аддзылім да висьталам та йылысь.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 2:9

Но ми аддзам Исусӧс, кодӧс дженьыд кад кежлӧ вӧлі улӧджык пуктӧма анделъяс дорысь. Енлӧн буралӧмыс вӧсна Сійӧ куліс став йӧзыс понда. Тайӧ сьӧкыда кулӧм вӧснаыс Исусӧс ӧні мичмӧдӧма дзирдлунӧн да нимӧдӧмӧн.