Иоан 10:14 - Коми Библия 2023

¹⁴ Ме эм ыжъяслы бур видзысь. Ассьым ыжъясӧс Ме тӧда, и Менам ыжъясӧй тӧдӧны Менӧ.

Иоан 10:14 Kruisverwysings

Псалтыр 1:6

Господь тӧдӧ веськыда олысьяслысь туйсӧ, а лёк вӧчысьяслӧн туйыс нуӧдӧ кулӧмӧ.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Наум 1:7

Господь – бур, Сійӧ дорйӧ сьӧкыд кадӧ, Сійӧ тӧдӧ Сы вылӧ лача кутысьясӧс.

Иоан 10:11

Ме эм ыжъяслы бур видзысь. Бур видзысь сетӧ ассьыс олӧмсӧ ыжъясыс вӧсна.

Иоан 10:13

Меда морт пышйӧ, ӧд сійӧс сӧмын медалӧма, сылы веськодь, мый лоӧ ыжъясыскӧд.

Иоан 10:27

Менам ыжъясӧй кылӧны Менсьым гӧлӧс шыӧс. Ме тӧда найӧс, и найӧ локтӧны Ме бӧрся.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Иоан 17:8

Ме висьталі налы Тэнсьыд кывъястӧ. Найӧ сибӧдісны тайӧ кывъяссӧ да збыльысь тӧдӧны, мый Ме Тэсянь локті. Найӧ эскӧны, мый Тэ Менӧ мӧдӧдін.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Ефесӧ 1:17

Ме кора, мед миян Господь Исус Кристослӧн Ен, дзирдлуныслӧн Бать, сетас тіянлы мывкыдлуныслысь да восьтӧмыслысь Ловсӧ, медым ті верминныд тӧдны Сійӧс.

Ефесӧ 3:19

да гӧгӧрвоны Сылысь вежӧрӧ тӧртӧм муслунсӧ. Сэки тіян пытшкын лоӧ Енлӧн став тыр-бурыс.

Филипӧ 3:8

Ставсӧ тайӧс пукта нинӧм туйӧ, ӧд Исус Кристосӧс, ассьым Господьӧс, тӧдӧм дорысь нинӧм абу ыджыдджыкыс. Кристос вӧсна эновті ставсӧ, ставсӧ лыддя ёгӧн, медым ме озырми Кристосӧн

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Восьтӧм 2:13

Ме тӧда тэнсьыд уджъястӧ. Тэ олан сэні, кӧні сӧтаналӧн юралан пуклӧсыс, но тэ зумыда кутчысян Менам нимӧ. Тэ эн соссьы Меным эскӧмысь весиг сэки, кор тіянын, сӧтана оланінын, виисны Антипаӧс – Менсьым эскана висьталысьӧс.

Восьтӧм 2:19

Ме тӧда тэнсьыд уджъястӧ, муслунтӧ, кесъялӧмтӧ, эскӧмтӧ да зумыдлунтӧ. Тӧда, мый воддза дорысь тэ ӧні ёнджыка на уджалан.

Восьтӧм 2:2

Ме тӧда тэнсьыд уджъястӧ, мырсьӧмтӧ да зумыдлунтӧ. Тӧда, тэ он терпит лёк йӧзӧс. Тэ тӧдмалін найӧс, кодъяс нимтӧны асьнысӧ апостолъясӧн, но збыльвылас найӧ абу апостолъяс. Тэ аддзин, мый найӧ – пӧръясьысьяс.

Восьтӧм 2:9

Ме тӧда тэнсьыд уджъястӧ, сьӧкыдалӧмтӧ да гӧльлунтӧ, но тэ – озыр! Тӧда, кыдзи тэнӧ лёкӧдӧны найӧ, кодъяс шуӧны асьнысӧ иудейясӧн, но найӧ абу иудейяс, а сӧтаналӧн йӧз чукӧр.

Восьтӧм 3:1

«Сардис вичкоса анделлы тадзи гиж: Со мый висьталӧ Сійӧ, кодлӧн эм Енлӧн сизим лолыс да сизим кодзув. Ме тӧда тэнсьыд уджъястӧ. Тэнӧ лыддьӧны ловъяӧн, но тэ кулӧмыд.

Восьтӧм 3:15

Ме тӧда тэнсьыд уджъястӧ. Тэ абу пӧсь ни абу кӧдзыд. Мед эськӧ вӧлін пӧсь либӧ кӧдзыд!

Восьтӧм 3:8

”Ме тӧда тэнсьыд уджъястӧ. Со, Ме восьті тэ водзын ӧдзӧс, и некод оз вермы тупкыны сійӧс. Дерт, тэ жеб, но видзин Менсьым кывъясӧс да эн соссьы Менам нимысь.