Иоан 1:18 - Коми Библия 2023

¹⁸ Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Иоан 1:18 Kruisverwysings

Олӧм 16:13

Агар шуис сыкӧд сёрнитысь Господьлы: «Тэ – Эл-Рои, менӧ аддзысь Ен», ӧд мӧвпыштіс, аслам синмӧн пӧ збыльысь аддзылі Сійӧс, коді аддзӧ менӧ.

Олӧм 18:33

Тайӧс шуӧм бӧрын Господь муніс Ӧвраам дінысь. Ӧвраам бӧр бергӧдчис аслас оланінӧ.

Петӧм 23:21

Видзчысьӧй сыысь да кывзысьӧй сылысь. Энӧ дӧзмӧдӧй сійӧс, ӧд сійӧ тіянлы тайӧс оз прӧстит. Менам нимӧй олӧ сы пытшкын.

Петӧм 24:10

Сэні найӧ аддзисны Израильлысь Енсӧ. Сылӧн кок улыс вӧлі сапфир кодь, дзик енэжыс кодь югыд.

Шусьӧгъяс 8:30

Сэки Ен дорын ме киподтуя вӧчасьысьнас вӧлі, быд лун нимкодьлун вайи, Сы водзын дугдывтӧг гажӧдчи,

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Бӧрданкыв 2:12

Мамныслы шуӧны: «Сёйны кӧсъям! Юны кӧсъям!» Карса изэрдъяс вылын тышын доймалӧмаяс моз найӧ кулӧны, мам ки выланыс ловнысӧ лэдзӧны.

Лыд 12:8

Ме сёрнита сыкӧд ог нӧдкывъяс пыр, а воча чужӧмӧн да восьсӧн, и сійӧ аддзӧ Менсьым пертасӧс. Кыдзи ті лысьтанныд шуасьны Менам Мӧисей кесйӧг вылӧ?»

Матвей 11:27

Ставсӧ сетіс Меным Батьӧй. Сӧмын Батьыс тӧдӧ Писӧ, и сӧмын Пиыс тӧдӧ Батьсӧ. Тӧдӧ нӧшта сійӧ, кодлы Пиыс кӧсйӧ восьтны Батьсӧ.

Лука 10:22

Исус висьталіс велӧдчысьясыслы: «Ставсӧ сетіс Меным Батьӧй. Сӧмын Батьыс тӧдӧ, коді Пиыс, и сӧмын Пиыс тӧдӧ, коді Батьыс. Тӧдӧ нӧшта сійӧ, кодлы Пиыс кӧсйӧ восьтны Батьсӧ».

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 12:41

Исай шуис тайӧ кывъяссӧ, ӧд сійӧ аддзыліс Исуслысь дзирдлунсӧ да висьталіс Сы йылысь.

Иоан 13:23

Велӧдчысьяс пиысь ӧти, коді вӧлі муса Исуслы, нёровтчӧмӧн пукаліс Исус бердын.

Иоан 14:9

Исус вочавидзис: «Он ӧмӧй тӧд Менӧ, Филип? Ме сы дыра нин тіянкӧд! Менӧ аддзылысь Батьӧс аддзыліс. Мыйла тэ шуан, петкӧдлы пӧ миянлы Батьтӧ?

Иоан 17:26

Ме велӧді найӧс тӧдны Тэнсьыд нимтӧ да нӧшта на велӧда, медым Ме вӧлі на пытшкын, и медым на пытшкын вӧлі сэтшӧм жӧ муслун, кутшӧм Тэнад муслуныд Ме дінӧ».

Иоан 17:6

Ме восьті Тэнсьыд нимтӧ йӧзыслы, кодъясӧс Тэ сетін Меным муюгыдсьыс. Найӧ – Тэнадӧсь, Тэ Меным сетін найӧс. Найӧ видзисны Тэнсьыд кывтӧ.

Иоан 3:11

Веськыда, веськыда висьтала тэныд: ми сёрнитам сы йылысь, мый тӧдам, висьталам сы йылысь, мый аддзылім, но ті миян висьталӧмӧ онӧ эскӧй.

Иоан 6:46

Йӧзыс эз аддзывлыны Батьӧс, сӧмын Енсянь Локтысь аддзыліс Батьсӧ.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

Индӧд 4:12

[Керӧсвывса] би пытшсянь тіянкӧд сёрнитіс Господь. Ті кылінныд Сылысь кывъяссӧ, но энӧ аддзылӧй Сійӧс.

Колосӧ 1:15

Сійӧ – тыдавтӧм Енмыслӧн пертас, чужӧма став вӧчӧмторсьыс медводз.

1 Тимофейлы 1:17

Помтӧг ыджыдалысь Ӧксылы, пыр олысь, тыдавтӧм, ыджыд мывкыда ӧти Енлы ошкӧм-нимӧдӧмыс нэмъяс чӧж! Аминь.

1 Тимофейлы 6:16

Сійӧ ӧтнас кувлытӧм, олӧ югыдас, кытчӧ матыстчыны он вермы. Морт Сійӧс эз аддзыв, и аддзыны оз вермы. Сійӧс нимӧдӧмыс, Сылӧн ыджыдалӧмыс помтӧм. Аминь.

Нав Исус 5:13

Ерикон кар дорын Исус аддзис ас водзас сулалысь мортӧс. Сійӧ вӧлі перйӧма шыпуртсӧ. Исус матыстчис сы дінӧ да юаліс: «Тэ миян дор али миянлы паныд?»

1 Иоан 4:12

Енсӧ некод некор эз аддзыв. Но ми кӧ радейтам ӧта-мӧднымӧс, сідзкӧ, Енмыс миян пытшкын да Сылӧн муслуныс тыр-бурӧдз воис сьӧлӧманым.

1 Иоан 4:20

Коді шуӧ, ме пӧ радейта Енсӧ, но мустӧмтӧ ассьыс воксӧ, сійӧ пӧръясьӧ. Оз кӧ радейт воксӧ, кодӧс аддзӧ, вермас-ӧ радейтны Енсӧ, кодӧс оз аддзы?

1 Иоан 4:9

Енмыс мӧдӧдіс тайӧ муюгыдас Ассьыс ӧтка Писӧ, медым Сы пыр сетны миянлы олӧм. Тадзи Сійӧ петкӧдліс миян дінӧ Ассьыс муслунсӧ.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.