Индӧд 9:12 - Коми Библия 2023

¹² Господь шуис меным: ”Лэччы татысь ӧдйӧджык, ӧд тэнад войтырыд, кодӧс тэ петкӧдін Египетысь, сетчис пежас. Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс бӧлбанӧс”.

Индӧд 9:12 Kruisverwysings

Петӧм 13:3

Мӧисей шуис войтырыслы: «Энӧ вунӧдӧй сійӧ лунсӧ, кор Господь вына кинас петкӧдіс тіянӧс Египетысь, и ті мынінныд нартитӧм улысь. Тайӧ лунӧ энӧ сёйӧй шоммӧдӧм нянь.

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Осий 6:4

– Мый Меным вӧчны тэкӧд, Ефрем, мый Меным вӧчны тэкӧд, Иуда? Ме дінӧ тіян муслунныд асъя ру кодь, ӧдйӧ бырысь лысва кодь.

Галатӧ 1:6

Ме шензя: ті сэтшӧм ӧдйӧ кежинныд Сыысь, коді Кристослӧн буралӧмнас корис тіянӧс. Кутшӧм тэрыба ті сибӧданныд мӧдпӧлӧс бур юӧрсӧ.

Индӧд 31:29

Ме тӧда, мый менам кулӧм бӧрын ті сетчанныд лёкас, кежанныд туйсьыс, кытчӧ ме веськӧді тіянӧс. Локтана кадӧ тіянӧс суасны шогъяс, ӧд ті кутанныд вӧчны Господь [Ен] водзын шогмытӧмсӧ. Асланыд уджъясӧн ті дӧзмӧданныд Господьӧс».

Индӧд 32:5

Но тайӧ войтырыс мыж вӧчӧ Господьлы паныд, асланыс мыж вӧсна найӧ абу нин Сылӧн ныв-пи, найӧ – ылӧдчысьяс, пежас вӧйӧмаяс.

Индӧд 4:16

медым энӧ сетчӧй пежас да энӧ вӧчӧй аслыныд некутшӧм бӧлбан, энӧ серпасалӧй идолӧс, кӧні петкӧдлӧма айловӧс либӧ аньӧс,

Индӧд 5:15

Эн вунӧд, мый Египетын тэ ачыд вӧлін кесйӧг туйын, но Господь, тэнад Енмыд, петкӧдіс тэнӧ сэтысь Ассьыс вына кисӧ да ён сойсӧ лэптӧмӧн. Та вӧсна Господь, тэнад Енмыд, тшӧктіс видзны шойччан лунсӧ [мед сійӧ лоас тэныд вежа].

Индӧд 9:16

Ме аддзи тіянлысь сывдӧм бӧлбан-ӧшкӧс. Сійӧс вӧчӧмнаныд ті асланыд Господь Енлы паныд мыж вӧчинныд. Ті ӧдйӧ кежинныд Господьлӧн туйысь, вунӧдінныд Сылысь тшӧктӧмъяссӧ.

Индӧд 9:26

Ме кевмыси Господьлы: ”Господьӧй Ыджыдӧй, [енъяслӧн Ӧксы,] эн бырӧд Ассьыд войтыртӧ. Ӧд Тэ мездін найӧс Аслад ыджыд вынӧн, петкӧдін Египетысь вына кинад [да ён сойнад].

Индӧд 9:29

Но ӧд тайӧ войтырыс – Тэнад войтырыд, кодӧс Тэ петкӧдін Египет муысь Аслад ыджыд выннад да Ассьыд вына китӧ лэптӧмӧн”».

Иуда 1:10

Тайӧ йӧзыс лёкӧдӧны сійӧ, мый асьныс оз гӧгӧрвоны. А мый вежӧртӧм пемӧсъяс моз кылӧны асланыс вир-яйын, сійӧ кыскӧ найӧс бырӧдӧмӧ.

Ёрдысьяс 2:17

Но и ёрдысьясӧс Израиль войтыр эз кывзы, кырсалысь ань моз сетчис мукӧд енъяслы да юрбитіс налы. [Тадзи скӧрмӧдіс Господьӧс.] Батьяслӧн туй вылысь найӧ ӧдйӧ кежисны. Налӧн батьясныс олісны Господьлӧн тшӧктӧмъяс серти, а тайӧяс – эз.