Индӧд 8:15 - Коми Библия 2023

¹⁵ Нуӧдіс тіянӧс ыджыд да повзьӧдана овтӧминӧд, яда змейяс да скорпионъяс пӧвстӧд, косінті да ватӧминті, петкӧдіс тіянлы изкыртаысь ва.

Индӧд 8:15 Kruisverwysings

Псалтыр 105:41

Сійӧ сетіс найӧс войтыръяслӧн киӧ, мустӧмтысьяс ыджыдалісны на вылын.

Псалтыр 114:8

Господьӧй, Тэ мездін менӧ кулӧмысь, менсьым синмӧс – синваысь, менсьым кокӧс – крукасьӧмысь. Ловъяяслӧн му вылын ме кута овны Господь водзын. Ошкӧм.

Исай 30:6

Негев овтӧминса пемӧсъяс йылысь водзвыв висьталӧм. Шогнас да сьӧкыднас тырӧм му вывті, кӧні олӧны левъяс, гадюкаяс да лэбалысь змейяс, иудаса юралысьяс нуӧны осёлъяс вылын ассьыныс озырлунсӧ, верблюдъяс вылын – ассьыныс эмбурсӧ сійӧ войтырлы, коді оз вермы налы отсавны.

Исай 35:7

Пӧсь лыа лоас тыӧн, косьмӧм му – ва петанінӧн. Шакалъяслӧн оланінын кутас быдмыны эжӧр да юсьпӧлян.

Исай 43:19

Со, Ме вӧча выльӧс, ӧні сійӧ тыдовтчас – онӧ ӧмӧй тайӧс казялӧй? Ме лӧсьӧда овтӧминын туй, кушинын юяс.

Еремей 2:6

Найӧ эз корсьны Господьӧс, коді петкӧдіс миянӧс Египетысь, нуӧдіс миянӧс овтӧминӧд, куш да гурана муӧд, кос да сап пемыд муӧд, муӧд, кыті некод эз ветлы, кӧні морт эз овлы.

Осий 13:5

Ме тӧждыси тэ вӧсна овтӧминын, ватӧм муын.

Лыд 20:11

Мӧисей кыпӧдіс кисӧ да кыкысь вачкис бедьнас изкыртаӧ, и сэтысь ыльӧбтіс ва. Войтырыс да налӧн ыж-мӧсныс пӧттӧдзныс юисны.

Лыд 21:6

Господь мӧдӧдіс Израиль войтыр вылӧ чушкысь змейясӧс. Налӧн чушкалӧмысь унаӧн кулісны.

1 Коринфӧ 10:4

ставныс юисны ӧти ва – Ловсянь ва. Ӧд найӧ юисны Ловсянь сетӧм изйысь, коді ветлӧдліс накӧд. Тайӧ изйыс вӧлі Кристос.

Индӧд 1:19

Хорив керӧссянь ми мӧдӧдчим водзӧ, мунім паськыд да повзьӧдана овтӧминӧд. Сійӧс ті аддзылінныд, кор ми мунім аморейяслӧн керӧсвыв мулань асланым Господь Енлӧн тшӧктӧм серти. Сэсся ми воим Кадеш-Варниӧ.

Индӧд 32:13

Сійӧ кыпӧдіс найӧс керӧсъяс вылӧ, вердіс мувыв быдтасӧн, изкыртаысь визувтысь маӧн, изъяинын быдмысь олив пуяслӧн выйӧн,