Индӧд 8:10 - Коми Библия 2023

¹⁰ Кор ті пӧттӧдзныд сёянныд, ошкӧй Господьӧс, ассьыныд Ентӧ, тайӧ бур мусьыс, мый Сійӧ сетіс тіянлы.

Индӧд 8:10 Kruisverwysings

1 Каднебӧг 29:14

Коді ме да менам войтырӧй, медым вайны Тэныд татшӧм сетӧмторъяс. Но ставыс Тэсянь, и ми сетам Тэныд сійӧ, мый сибӧдім Тэсянь.

Псалтыр 103:2

Тэ пасьтасьӧмыд югыднас, вонйӧс моз Тэ шевкнитӧмыд енэжъяс,

Шусьӧгъяс 3:9

Пыдди пукты Господьӧс – сет аслад эмбурысь, вай Сылы ассьыд медводдза няньтӧ да вотӧстӧ,

Исай 5:1

Ме сьыла муса Ёрт йылысь, тайӧ сьыланкывйыс менам Ёртӧй да Сылӧн виноград йӧр йылысь. Бур муа керӧс вылын быдмис менам Ёртлӧн виноградыс.

Йоиль 2:26

Ті понданныд пӧттӧдзныд сёйны, понданныд ошкыны Господьӧс, ассьыныд Ентӧ, коді вӧчис тіянлы шензьӧданаторъяс. Менсьым войтырӧс некор оз ло янӧдӧма.

Матвей 14:19

Сійӧ тшӧктіс йӧзыслы пуксявны турун вылӧ. Ачыс босьтіс вит няньсӧ да кык черисӧ, видзӧдліс енэжӧ да Енмӧс аттьӧалӧмӧн чегъяліс няньсӧ, сэсся сетіс велӧдчысьясыслы. Велӧдчысьяс разӧдісны йӧзыслы.

Иоан 6:23

Тиверия карсянь локтісны пыжаяс да сувтісны сэтчӧ, кӧні Енмӧс аттьӧалӧмӧн Господь водзынджык вердіс йӧзсӧ.

Римӧ 14:6

Лунъяс торйӧдысь – Господь понда найӧс торйӧдӧ, коді оз торйӧд – Господь понда оз торйӧд. Быдтор сёйысь – Господь понда сёйӧ да Енсӧ аттьӧалӧ, коді оз сёй быдторсӧ – Господь понда оз сёй да тшӧтш Енсӧ аттьӧалӧ.

1 Коринфӧ 10:31

Та вӧсна сёянныд-ӧ, юанныд-ӧ али нӧшта мыйкӧ вӧчанныд – ставсӧ вӧчӧй Енмӧс ошкӧм могысь.

Индӧд 31:20

Ме вайӧда найӧс [бур] муӧ, мый йылысь кыв сеті налӧн батьяслы, муӧ, кӧні визувтӧ йӧв да ма. Сэні найӧ кутасны пӧттӧдзныс сёйны да тшӧгасны. Та бӧрын найӧ бергӧдчасны мукӧд енъяслань да кутасны юрбитны налы. А Менӧ найӧ эновтасны да торкасны йитӧдӧс, мый Ме кӧрталі накӧд.

Индӧд 8:9

Сэні ті онӧ кутӧй овны тшыг нисьӧ пӧт, тіян ставыс лоӧ тырмана. Сэтчӧс изкыртаысь перъянныд кӧрт, керӧсъясысь – ыргӧн.

1 Фессалоникаӧ 5:18

Ставсьыс аттьӧалӧй Енсӧ, ӧд татшӧмъясӧн Енмыс кӧсйӧ аддзыны тіянӧс, Исус Кристослы эскысьясӧс.