Индӧд 7:9 - Коми Библия 2023

⁹ Тӧдӧй, мый Господь, тіян Енныд, эм Ен. Сійӧ эскана Ен. Сійӧ видзӧ [Ассьыс] йитӧдсӧ сюрс чужанвужйӧдз. Сійӧ оз босьт Ассьыс буралӧмсӧ на дінысь, кодъяс радейтӧны Сійӧс да олӧны Сылӧн тшӧктӧмъяс серти.

Индӧд 7:9 Kruisverwysings

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Олӧм 28:15

Ме лоа тэкӧд. Ме видза тэнӧ быдлаын, кытчӧ тэ мунан, да бӧр вайӧда тэнӧ тайӧ муас. Ме ог коль тэнӧ, а вӧча сійӧ, мый кӧсйыси тэныд».

Олӧм 9:15

сэки Ме уськӧда тӧд вылӧ Ассьым йитӧдӧс, мый Ме кӧрталі тіянкӧд да став ловъя олысьыскӧд. Сэсся став олӧмсӧ бырӧдысь ойдӧмыс оз нин ло.

Ӧксыяслӧн 3 небӧг 8:23

да шуис: «Господьӧй, Израильлӧн Енмӧй! Тэ кодь мӧд енмыс абу енэжас ни му вылас! Тэ видзан кӧрталӧм йитӧдтӧ да буралӧмтӧ Аслад кесйӧгъясыд дінӧ, кодъяс став сьӧлӧмсяньыс олӧны Тэнад кӧсйӧм серти.

1 Каднебӧг 16:15

Некор энӧ вунӧдӧй Сылысь тіянкӧд кӧрталӧм йитӧдсӧ, Сылысь кывсӧ, мый Сійӧ пыр кежлӧ сетіс водзӧ чужысьяслы.

2 Каднебӧг 6:14

Соломон шуис: «Господьӧй, Израильлӧн Енмӧй! Тэ кодь мӧд енмыс абу енэжас ни му вылас! Тэ видзан кӧрталӧм йитӧдтӧ да буралӧмтӧ Аслад кесйӧгъясыд дінӧ, кодъяс став сьӧлӧмсяньыс олӧны Тэнад кӧсйӧм серти.

Неемий 1:5

Ме шуи: «Господьӧй, енэжвывса Енмӧй, Тэ ыджыд да повзьӧдана Ен! Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Неемий 9:32

Миян Енмӧй, Тэ ыджыд, вына да повзьӧдана Ен, Тэ видзан Ассьыд йитӧдтӧ да буралӧмтӧ! Видзӧдлы став сьӧкыдлуныс вылӧ, мый суис миянӧс, миянлысь ӧксыясӧс да юралысьясӧс, попъясӧс да пророкъясӧс, батьяснымӧс да Тэнсьыд став войтыртӧ ассурса ӧксыяслӧн веськӧдлан кадсянь да талунъя лунӧдз.

Псалтыр 103:18

Джуджыд керӧс вылӧ овмӧдчӧны кӧзаяс, изкыртаӧ овмӧдчӧны даманъяс.

Псалтыр 105:8

Но Аслас нимыс вӧсна Господь мездіс найӧс, петкӧдліс Ассьыс ыджыд вынсӧ.

Псалтыр 146:6

Рам сьӧлӧмаӧс Господь кыпӧдӧ, а лёк вӧчысьӧс уськӧдӧ муӧдзыс.

Псалтыр 36:6

Тэнсьыд мыжтӧмлунтӧ Сійӧ петкӧдас югыдас, тэнад веськыдлуныд кутас дзирдавны луншӧрся шонді моз.

Петӧм 20:6

А налы, кодъяс радейтӧны Менӧ да олӧны Менам тшӧктӧмъяс серти, Ме петкӧдла Ассьым буралӧмӧс сюрс чужанвужйӧдз.

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Еремей 32:18

Сюрсъяслы Тэ петкӧдлан Ассьыд буралӧмтӧ, а батьяслӧн лёк вӧчӧмысь Тэ мынтысян налӧн ныв-пилы. Тэ – ыджыд да вына Ен, Тэнад нимыд – Господь Саваоф.

Бӧрданкыв 3:23

Господьлӧн буралӧмыс быд асыв выльмӧ, Сійӧ – эскана Ен.

Даниил 9:4

Ме кевмыси Господьлы, аслам Енлы, да висьтаси Сылы: «Господьӧй Енмӧй, Тэ ыджыд да повзьӧдана, Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Лыд 14:18

”Ме, Господь – дыр терпитысь, буралысь [да эскана]. Ме прӧстита лёк вӧчӧм да мыж, но мыжаӧс ог коль мыждытӧг. Батьяслӧн мыж вӧсна Ме водзӧс перъя челядьныслысь коймӧд да нёльӧд чужанвужйӧдз”.

Римӧ 8:28

Ми тӧдам, мый Енсӧ радейтысьяслы, Сылӧн шуӧм сертиыс корӧмаяслы, Сійӧ ставсӧ бергӧдӧ бур вылӧ.

1 Коринфӧ 1:9

Енмыс эскана, Сійӧ корис ӧтувтчыны тіянӧс Аслас Пиыскӧд – миян Господь Исус Кристоскӧд.

1 Коринфӧ 10:3

Найӧ ставныс пӧткӧдчисны ӧти сёянӧн – Ловсянь сёянӧн,

1 Коринфӧ 8:3

Но мортыслы кӧ Енмыс муса, Енмыс тӧдӧ сійӧс.

2 Коринфӧ 1:18

Ен тӧдӧ, мый тайӧ збыль: ме некор эг шулы ӧтпырйӧ ”сідз” и ”абу сідз”.

Индӧд 32:39

Видзӧдӧй, тайӧ – Ме, Ме – Енмыс, Меысь кындзи мӧд Енмыс абу. Ме виа и олӧм сета, Ме дойдала и бурдӧда. Менам киысь некод оз мезды.

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Индӧд 4:35

Тіянлы сетӧма тайӧс аддзывны, медым ті тӧдінныд, мый Господь эм Ен, и Сыысь кындзи мӧдыс абу.

Индӧд 4:39

Тӧдӧй да гӧгӧрвоӧй, мый Господь [тіян Енныд] эм енэжас и му вылас Ен, и [Сыысь кындзи] мӧдыс абу.

Индӧд 5:10

А налы, кодъяс радейтӧны Менӧ да олӧны Менам тшӧктӧмъяс серти, Ме петкӧдла Ассьым буралӧмӧс сюрс чужанвужйӧдз.

1 Фессалоникаӧ 5:24

Сійӧ, коді корис тіянӧс, эскана. Сідзкӧ, вӧчас шуӧм сертиыс.

2 Фессалоникаӧ 3:3

Но Господь эскана, Сійӧ ёнмӧдас тіянӧс да видзас омӧльысь.

2 Тимофейлы 2:13

Ми кӧ эновтам Сійӧс, Сійӧ оз эновт миянӧс, ӧд Ачыс Ассьыс соссьыны оз вермы.

Титлы 1:2

да помтӧм олӧм вылӧ лачаӧн. Помтӧм олӧмсӧ Ен кӧсйысис му пуксьытӧдзыс на, и Ассьыс кывсӧ Сійӧ оз веж.

Еврейяслы 10:23

Зумыда кутчысямӧй лачаас да сы йылысь восьсӧн висьтасьӧмас, ӧд миянлы Кӧсйысьысьыс эскана.

Еврейяслы 11:11

Сарра эз вермы вайны кага, но эскӧм вӧсна сійӧ пондіс нӧбасьны да ыджыд арлыдыс вылӧ видзӧдтӧг чужтіс кага. Сійӧ тӧдіс, мый сылы Кӧсйысьысьыс эскана.

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

Яков 1:12

Шуда сійӧ, коді вермӧ венны ыштӧдӧмсӧ, ӧд та бӧрти сылы лоӧ сетӧма Олӧмыслысь юркытш. Тайӧ юркытшсӧ Господь кӧсйысис сетны Сійӧс радейтысьяслы.

1 Иоан 1:9

А висьтасям кӧ мыж вӧчӧмысь, сэки веськыд да эскана Ен прӧститӧ мыжнымӧс да весалӧ миянӧс быд лёкысь.

Ёрдысьяс 2:1

Господьлӧн андел Галгалсянь локтіс Бокимӧ [да Вефильӧ Израиль войтыр дінӧ] да шуис: «[Господь тадзи висьталӧ:] Ме петкӧді тіянӧс Египетысь да вайӧді муӧ, мый йылысь кыв сетӧмӧн кӧсйыси тіян батьяслы [мый сета тіянлы]. Ме шуи: ”Ассьым йитӧдӧс, мый кӧрталі тіянкӧд, некор ог торк.

Ёрдысьяс 5:31

Господьӧй, тадзи мед бырасны Тэнӧ мустӧмтысьяс. Но Господьӧс радейтысьяс мед лоасны шонді кодьӧсь, аслас вынӧн кыпӧдчысь шонді кодьӧсь. Та бӧрын нелямын во чӧж Израиль муын эз вӧвны тышъяс.