Индӧд 7:6 - Коми Библия 2023

⁶ Ӧд ті – Господь Енлӧн вежа войтырыс. Господь, тіян Енныд, бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Индӧд 7:6 Kruisverwysings

Ӧксыяслӧн 3 небӧг 3:8

Тэнад бӧрйӧм войтырлӧн лыдыс сы мында, мый некод оз вермы лыддьыны-артавнысӧ, а Ме, тэнад кесйӧг – налӧн веськӧдлысь.

Ездра 9:2

Тайӧ войтыръясысь найӧ босьтісны аслыныс да пияныслы гӧтыръясӧс. Тадзи вежа войтыр сорласис мукӧд войтыркӧд. Татшӧм мыж вӧчӧмыс петіс юралысьяссянь да веськӧдлысьяссянь».

Псалтыр 114:2

Сійӧ копыртіс мелань пельсӧ, та вӧсна став олӧм чӧж кута шыасьны Сы дінӧ.

Псалтыр 135:4

Ошкӧй Сійӧс, коді вӧчӧ ыджыд шензьӧданаторъяс, Сылӧн буралӧмыс оз помасьлы.

Псалтыр 50:5

Ӧд ме тӧда ассьым лёк вӧчӧмъясӧс, менам мыжӧй пыр син водзын.

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Исай 41:8

Израиль, тэ – Менам кесйӧгӧй, Яков, тэ – Менам Ӧвраам ёртсянь чужысь, Ме бӧрйи тэнӧ.

Исай 41:9

Ме босьті тэнӧ му помсьыс, чукӧсті тэнӧ медылі муясысь. Ме шуи тэныд: «Тэ – Менам кесйӧгӧй, Ме бӧрйи тэнӧ и ог ӧтдорт тэнӧ!»

Исай 6:13

Весиг коляс кӧ тані олысьяс пӧвстысь дасӧд юкӧныс, найӧс тшӧтш лоӧ бырӧдӧма. Кыдзи кералӧм бӧртиыс тупулӧн да ыджыд пулӧн кольӧ вужйыс, сідзи тайӧ войтырлӧн кольӧ вежа петасыс».

Исай 62:12

Найӧс шуасны Вежа войтырӧн, Господьлӧн мездмӧм йӧзӧн, а тэнӧ шуасны Мусаӧн, Карӧн, мый оз ло эновтӧма.

Еремей 2:3

Израиль – Господьлӧн вежаторйыс, Сылӧн медводдза вотӧсыс. Ставнысӧ, кодъяс ньылыштісны сійӧс, вӧлі мыждӧма, ыджыд шог суис найӧс, – висьталӧ Господь.

Езекиль 20:5

Шу налы, мый Господь Ыджыдыс тадзи висьталӧ: сійӧ лунӧ, кор Ме бӧрйи Израиль войтырӧс, Ме восьті Ачымӧс Яков рӧдлы Египет муын да киӧс лэптӧмӧн кыв сеті налы, мый Ме – Господь, налӧн Ен.

Левит 20:24

А тіянлы Ме шуи, мый ті босьтанныд налысь мусӧ. Ме сета тіянлы му, кӧні визувтӧ йӧв да ма. Ме – Господь, тіян Енныд. Ме торйӧді тіянӧс мукӧд войтыръясысь.

Левит 20:26

Лоӧй вежаӧсь Ме водзын, ӧд Ме вежа. Ме – Господь [тіян Енныд]. Ме торйӧді тіянӧс мукӧд войтыръясысь, медым ті вӧлінныд Менам.

Амос 3:2

– Сӧмын тіянӧс Ме бӧрйи мувывса войтыръяс пӧвстысь, та вӧсна Ме мыжда тіянӧс мыжъяссьыныд.

Малакий 3:17

Менам индӧм лунӧ найӧ лоӧны Менам войтырӧн, – висьталӧ Господь Саваоф. – Ме лоа на дінӧ бур сьӧлӧма, кыдзи бать бур сьӧлӧма аслас кывзысьысь пи дінӧ.

Ап. уджъяс 13:17

Израиль войтырлӧн Ен бӧрйис миянлысь батьяснымӧс, рӧдмӧдіс тайӧ войтырсӧ Египет муын да вына кинас петкӧдіс найӧс сэтысь.

Римӧ 9:4

Израиль войтырӧс ӧд шуӧма Ен пиянӧн, восьтӧма налы Ен дзирдлунсӧ, кӧрталӧма накӧд йитӧдъяс, сетӧма налы Индӧд, сувтӧдӧма найӧс кесъявны Енлы, налы уна кӧсйысьӧма,

Индӧд 14:2

Ӧд ті – Господь Енлӧн вежа войтырыс. Господь бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Индӧд 14:21

Энӧ сёйӧй пемӧс-лэбачлысь шойсӧ. Сетӧй сійӧс либӧ вузалӧй йӧз муысь локтысьяслы, кодъяс олӧны тіян каръясын. Ті – Господь Енлӧн вежа войтырыс. Эн пу кӧзапиӧс мамыслӧн йӧв пиын».

Индӧд 26:18

Талун Господь юӧртіс тіянлы, мый Сылӧн кӧсйысьӧм серти ті лоанныд Сылӧн войтырӧн, кутанныд кӧ овны став Сылӧн тшӧктӧмыс серти.

Индӧд 26:19

Сійӧ вӧчис войтыръясӧс, но наысь вылӧ кӧсйысис кыпӧдны тіянӧс, медым ті ошкинныд, пыдди пуктінныд да нимӧдінныд Сійӧс. Сэки ті лоанныд асланыд Господь Енлӧн вежа войтырӧн, кыдзи Сійӧ кӧсйысис».

Индӧд 28:9

Господь [тіян Енныд] вӧчас тіянӧс Аслас вежа войтырӧн, ті кӧ кутанныд овны асланыд Господь Енлӧн тшӧктӧмъяс серти да ветлыны Сылӧн туйясӧд. Ӧд та йылысь Сійӧ кыв сетіс тіянлы [да батьясныдлы].

Индӧд 33:3

Збыльысь Сійӧ радейтӧ Ассьыс войтырсӧ, став вежа войтырыс Сылӧн киын. Сылӧн кок дорын найӧ велӧдчӧны Сылӧн кывъясӧ.

Индӧд 4:20

А тіянӧс Господь [Ен] петкӧдіс Египетысь, биа пачысь, медым ті вӧлінныд Сылӧн войтырӧн, и тайӧ ӧніӧдз тадзи.

Индӧд 4:37

Господьлы вӧліны мусаӧсь тіян батьясныд, та вӧсна Сійӧ бӧрйис тіянӧс, насянь чужысьясӧс. Сійӧ Ачыс петкӧдіс тіянӧс Египетысь Аслас ыджыд выннас.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

2 Петыр 2:5

Эз видз и Ентӧг олысьясӧн тырӧм воддза муюгыдсӧ, а бырӧдіс ыджыд ваӧн. Колис ловъяӧн сӧмын кӧкъямысӧс, на пиысь ӧтиыс вӧлі веськыдлун йылысь юӧртысь Ной.

2 Петыр 2:9

Господь тӧдӧ, кыдзи мездыны вежавидзысьӧс сьӧкыдалӧмсьыс, а лёк вӧчысьӧс Сійӧ видзӧ, медым мыждан лунӧ сійӧс чорыда мыждыны.

Ӧксыяслӧн 1 небӧг 12:22

Аслас ыджыд нимыс вӧсна Господь оз коль тіянӧс, Ассьыс войтырсӧ. Господь бӧрйис тіянӧс, мед ті вӧлінныд Сылӧн войтырӧн.