Индӧд 7:19 - Коми Библия 2023

¹⁹ Тайӧ чорыда мыждӧмсӧ, [ыджыд] индысьпасъяссӧ да шензьӧданаторъяссӧ ті асланыд синмӧн аддзылінныд. Энӧ вунӧдӧй, кыдзи Господь, тіян Енныд, петкӧдіс тіянӧс Египетысь Ассьыс вына кисӧ да ён сойсӧ лэптӧмӧн. Войтыръяслы, кодъясысь ті поланныд, Господь, тіян Енныд, вӧчас сійӧ жӧ, мый вӧчис египетсаяслы.

Индӧд 7:19 Kruisverwysings

Псалтыр 44:4

Вынаӧй, вӧняв коскад ассьыд шыпурттӧ, кышанӧс моз пасьтав ас вылад дзирдлунтӧ да вынтӧ.

Псалтыр 77:12

Налӧн батьяслӧн син водзын Енмыс вӧчис шензьӧданаторъяс Египет муын, Цоан эрд вылын.

Петӧм 6:6

Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Индӧд 29:3

Асланыд синмӧн ті аддзылінныд чорыда мыждӧмсӧ, ыджыд шензьӧданаторъяссӧ да индысьпасъяссӧ [Сылысь вына кисӧ да ён сойсӧ].

Индӧд 3:21

Сійӧ кадас ме шуи Исуслы: ”Аслад синмӧн тэ аддзылін, мый вӧчис тайӧ кык ӧксыыслы Господь, тіян Енныд. Тадзи Господь вӧчас ӧксылы быд муын, кытчӧ тэ кокнад сувтан.

Индӧд 4:34

Некутшӧм ен эз торйӧд аслыс войтыр мукӧд войтыр пӧвстысь чорыд мыждӧмъясӧн, шензьӧданаторъяс да индысьпасъяс вӧчӧмӧн, тыш отсӧгӧн, вына кисӧ да ён сойсӧ лэптӧмӧн, ыджыдсьыс-ыджыд повзьӧданаторъяс вӧчӧмӧн. Но Египетын ті аддзылінныд, мый тадзи вӧчис Господь, тіян Енныд.

Нав Исус 10:25

Исус шуис аслас йӧзлы: «Энӧ полӧй да энӧ тіралӧй! Лоӧй зумыдӧсь да повтӧмӧсь! Господь тадзи вӧчас став вӧрӧгныдкӧд, кодъяскӧд кутанныд тышкасьны».

Нав Исус 24:17

Ӧд Господь – миян Ен. Сійӧ петкӧдіс миянӧс да батьяснымӧс Египет муысь нартитӧм улысь. Миян син водзын Сійӧ вӧчис ыджыд индысьпасъяс, видзис миянӧс ветлан туйясын, дорйис войтыръясысь, кодъяслысь мусӧ ми вуджим.

Нав Исус 3:10

Сэсся шуис: «Ӧні ті тӧдмаланныд, мый тіян пӧвстын ловъя Ен, коді вӧтлас тіян водзысь ханаансаясӧс, хеттейясӧс, хивейясӧс, перезейясӧс, гергесейясӧс, аморейясӧс да евуссаясӧс.