Индӧд 7:16 - Коми Библия 2023

¹⁶ Ті бырӧданныд войтыръясӧс, кодъясӧс Господь, тіян Енныд, сетас тіян киӧ. Сьӧлӧмнаныд на дінӧ энӧ нормӧй да налӧн енъяслы энӧ юрбитӧй, медым энӧ шедӧй налькйӧ.

Индӧд 7:16 Kruisverwysings

Псалтыр 106:34

бур муысь – сола му сэтчӧс олысьяслӧн лёк оласногныс вӧсна.

Псалтыр 106:36

овмӧдӧ сэтчӧ тшыгъялысьясӧс. Найӧ лэптӧны сэні аслыныс кар,

Петӧм 23:33

Тіян муын тайӧ войтыръясыс мед оз овны, ӧд найӧ кыскасны тіянӧс мыж вӧчны Меным паныд. Кутанныд кӧ юрбитны налӧн енъяслы, шеданныд налькйӧ».

Еремей 21:7

Та бӧрти, – висьталӧ Господь, – иудаса Седекей ӧксыӧс, сылысь кесъялысьяссӧ да став войтырсӧ, кодъяс тайӧ карас оз кувны пӧрӧс висьӧмысь, шыпуртысь да тшыгъялӧмысь, Ме сета вавилонса Навукодоносор ӧксылӧн киӧ да вӧрӧглӧн киӧ, коді кӧсйӧ босьтны налысь олӧмсӧ. Вавилонса ӧксы виас найӧс шыпуртӧн, оз жалит найӧс, оз бурсьӧлӧмтчы на дінӧ».

Лыд 33:55

Сэтчӧс олысьяссӧ кӧ ті онӧ вӧтлӧй, найӧ лоӧны тіянлы синтӧ сутшкысьясӧн да боктӧ бытшкысьясӧн. Найӧ дзескӧдасны тіянӧс муын, кӧні ті кутанныд овны.

1 Коринфӧ 15:33

Видзчысьӧй, мед некод оз ылӧдлы тіянӧс, ӧд «лёк оласногаяс тшыкӧдӧны бур оласногаӧс».

Индӧд 13:8

сэки эн кӧсйысь да эн кывзы сійӧс. Эн нормы сьӧлӧмнад сы дінӧ, эн жалит, эн дорйы,

Индӧд 13:9

а ви сійӧс. Тэ лый сійӧс изнас медводдзаӧн, а тэ бӧрся – войтырыд.

Индӧд 19:13

Сы дінӧ сьӧлӧмнаныд энӧ нормӧй. Тадзи ті вештанныд мыжтӧм вирсӧ Израиль вылысь, и тіянлы лоӧ бур».

Индӧд 19:21

Энӧ нормӧй сьӧлӧмнаныд лёк вӧчысь дінӧ. Олӧмысь перйы олӧм, синмысь – син, пиньысь – пинь, киысь – ки, кокысь – кок. [Кыдзи сійӧ дойдаліс ассьыс матыссасӧ, сылы сідзи жӧ мед вӧчасны.]»

Индӧд 25:12

тайӧ гӧтырыслысь керыштӧй кисӧ. Энӧ нормӧй сьӧлӧмнаныд сы дінӧ.

Индӧд 7:2

Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Нав Исус 11:20

Ӧд Господь чорзьӧдіс тайӧ войтыръяслысь сьӧлӧмсӧ да ышӧдіс найӧс уськӧдчыны Израиль войтыр вылӧ, медым израильсаяс жалиттӧг дзикӧдз бырӧдісны найӧс, кыдзи Господь тшӧктіс Мӧисейлы.

Ёрдысьяс 2:12

Найӧ эновтісны Господьӧс, батьясныслысь Енсӧ, коді петкӧдіс найӧс Египетысь. Найӧ пондісны юрбитны на гӧгӧр олысь войтыръяслӧн енъяслы. Тадзи скӧрмӧдісны Господьӧс.

Ёрдысьяс 2:3

Та вӧсна Ме шуа, мый ог вӧтлы тіян дінысь тайӧ муас олысьясӧс [кодъясӧс Ме кӧсйи вӧтлынысӧ]. Найӧ кутасны дзескӧдны тіянӧс, а налӧн енъясыс лоӧны тіянлы налькйӧн».

Ёрдысьяс 3:6

Налысь нывъяссӧ израильсаяс босьтлісны гӧтырӧ, и ассьыныс нывъяссӧ сетлісны налӧн пиян сайӧ, весиг пондісны кесъявны налӧн енъяслы.

Ёрдысьяс 8:27

Тайӧ зарнисьыс Гедеон вӧчис ефод да пуктіс сійӧс аслас Офра карӧ. Израиль войтыр пондіс юрбитны ефодлы да эновтіс Господьӧс. Гедеонлы да сылӧн рӧдыслы ефодыс лои налькйӧн.