Индӧд 7:12 - Коми Библия 2023

¹² Ті кӧ кутанныд кывзысьны да овны тайӧ тшӧктӧмъясыс серти, сэки Господь, тіян Енныд, тіянкӧд кӧрталӧм йитӧдсӧ оз торк да оз босьт Ассьыс буралӧмсӧ, мый йылысь кыв сетіс тіян батьяслы.

Индӧд 7:12 Kruisverwysings

Ӧксыяслӧн 3 небӧг 8:23

да шуис: «Господьӧй, Израильлӧн Енмӧй! Тэ кодь мӧд енмыс абу енэжас ни му вылас! Тэ видзан кӧрталӧм йитӧдтӧ да буралӧмтӧ Аслад кесйӧгъясыд дінӧ, кодъяс став сьӧлӧмсяньыс олӧны Тэнад кӧсйӧм серти.

Неемий 1:5

Ме шуи: «Господьӧй, енэжвывса Енмӧй, Тэ ыджыд да повзьӧдана Ен! Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Неемий 9:32

Миян Енмӧй, Тэ ыджыд, вына да повзьӧдана Ен, Тэ видзан Ассьыд йитӧдтӧ да буралӧмтӧ! Видзӧдлы став сьӧкыдлуныс вылӧ, мый суис миянӧс, миянлысь ӧксыясӧс да юралысьясӧс, попъясӧс да пророкъясӧс, батьяснымӧс да Тэнсьыд став войтыртӧ ассурса ӧксыяслӧн веськӧдлан кадсянь да талунъя лунӧдз.

Псалтыр 103:18

Джуджыд керӧс вылӧ овмӧдчӧны кӧзаяс, изкыртаӧ овмӧдчӧны даманъяс.

Псалтыр 149:9

Тадзи лоӧ веськыда мыждӧма войтыръясӧс, кыдзи вӧлі гижӧма на йылысь. Тадзи лоӧ нимӧдӧма эскана войтырӧс. Аллилуйя!

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Еремей 11:5

Сэки эськӧ Ме збыльмӧді Ассьым кыв сетӧмӧс. Ӧд Ме кыв сетӧмӧн кӧсйыси сетны тіян батьяслы му, кӧні визувтӧ йӧв да ма. Ӧні ті оланныд тайӧ муас». Ме вочавидзи: «Господьӧй, тайӧ збыльысь тадзи!»

Даниил 9:4

Ме кевмыси Господьлы, аслам Енлы, да висьтаси Сылы: «Господьӧй Енмӧй, Тэ ыджыд да повзьӧдана, Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Микей 7:20

Яковлы сетӧм кывтӧ Тэ кутан, Тэ бур сьӧлӧма Ӧвраам дінӧ. Та йылысь Тэ водзысяньыс кыв сетін миян батьяслы.

Лука 1:55

мый кӧсйысис сетны нэмъяс кежлӧ Ӧвраамлы да сысянь чужысьяслы. Тадзи Сійӧ висьталіс миян батьяслы.

Индӧд 1:8

Тайӧ мусӧ Ме сета тіянлы. Ме, Господь, кыв сетӧмӧн кӧсйыси сетны сійӧс тіян батьяслы – Ӧвраамлы, Исааклы, Яковлы да насянь чужысьяслы. Мунӧй да босьтӧй сійӧс”.

Индӧд 11:13

Ті кӧ кутанныд овны Сылӧн тшӧктӧмъяс серти, мый талун висьтала тіянлы, кутанныд радейтны Господьӧс, ассьыныд Ентӧ, кутанныд кесъявны Сылы став сьӧлӧмнад да став олӧмнад,

Индӧд 5:10

А налы, кодъяс радейтӧны Менӧ да олӧны Менам тшӧктӧмъяс серти, Ме петкӧдла Ассьым буралӧмӧс сюрс чужанвужйӧдз.

Индӧд 7:11

Олӧй Сылӧн индӧд-тшӧктӧмъяс серти, мый талун висьтала тіянлы.

Индӧд 7:9

Тӧдӧй, мый Господь, тіян Енныд, эм Ен. Сійӧ эскана Ен. Сійӧ видзӧ [Ассьыс] йитӧдсӧ сюрс чужанвужйӧдз. Сійӧ оз босьт Ассьыс буралӧмсӧ на дінысь, кодъяс радейтӧны Сійӧс да олӧны Сылӧн тшӧктӧмъяс серти.