Индӧд 6:2 - Коми Библия 2023

² Полӧй Господьысь, асланыд Енмысь, ті, тіян ныв-пиныд да налӧн ныв-пиыс. Став олӧм чӧжныд олӧй Сылӧн индӧд-тшӧктӧмъяс серти, мый ме [талун] висьтала тіянлы. Сэки тіян олӧмныд лоӧ кузь нэма.

Индӧд 6:2 Kruisverwysings

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Олӧм 22:12

Андел шуис: «Эн лэпты китӧ пиыд вылӧ, эн вӧрӧд сійӧс. Ӧні ме тӧда, мый тэ полан Енмысь. Тэ вӧлін дась весиг ассьыд ӧтка питӧ сетны Енлы».

Ӧксыяслӧн 3 небӧг 8:40

медым Тэнад войтырыд став олӧм чӧжыс оліс Тэысь полӧмӧн-вежавидзӧмӧн сійӧ муас, мый Тэ сетін миян батьяслы.

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Псалтыр 111:10

Тайӧс аддзигӧн Ентӧг олысь скӧралӧ, пиньсӧ йирӧ и лёкысла потӧ. Лёк вӧчысьяслӧн кӧсйӧмыс торксьӧ. Ошкӧм.

Псалтыр 128:1

Крамӧ мунігӧн сьылӧм. Том кадсянь менӧ ёна дзескӧдісны – мед шуас тадзи Израиль –

Псалтыр 91:16

юӧртӧны Господьлӧн веськыда вӧчӧмыс йылысь. Сійӧ – менам изкыртаыс, Сы пытшкын ылӧгыс абу.

Петӧм 20:12

Пыдди пукты ассьыд бать-мамтӧ, медым [тэныд вӧлі бур да] олӧмыд вӧлі кузь нэма сійӧ муас, мый Господь, тэнад Енмыд, сетас тэныд.

Петӧм 20:20

Мӧисей шуис войтырыслы: «Энӧ полӧй. Енмыс локтіс [тіян дінӧ], медым тӧдмавны тіянӧс, медым ті полінныд Сыысь да энӧ вӧчӧй мыж».

Шусьӧгъяс 16:6

Буралӧм да збыль вештӧны мыжсӧ, Господьысь полӧм ылыстӧ лёксьыс.

Шусьӧгъяс 3:16

Веськыд киас сылӧн – кузь нэм, шуйгаас – озырлун да пыдди пуктӧм. [Сылӧн вомысь петӧ збыльыс, сійӧ висьталӧ Индӧд да буралӧм йылысь.]

Шусьӧгъяс 9:11

Ме, мывкыдлуныс, олан лунъястӧ тэнсьыд содта, олан воястӧ тэнсьыд нюжӧда.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Езекиль 20:19

Ме – Господь, тіян Енныд. Олӧй Менам индӧд-тшӧктӧмъяс серти.

Лука 12:5

Висьтала, кодысь колӧ повнысӧ. Полӧй Сыысь, коді виӧм бӧрас вермӧ шыбитны адӧ. Шуа тіянлы: Сыысь полӧй.

Индӧд 10:20

Полӧй Господьысь, асланыд Енмысь, Сылы [ӧтнаслы] кесъялӧй, Сы дінӧ кутчысьӧй да Сылӧн нимӧн кӧсйысьӧй.

Индӧд 11:9

кӧні визувтӧ йӧв да ма. Ті кутанныд дыр овны сійӧ муас, мый Господь кыв сетӧмӧн кӧсйысис сетны тіян батьяслы да насянь чужысьяслы.

Индӧд 13:4

Асланыд Господь Ен бӧрся мунӧй да Сыысь полӧй. Сылӧн тшӧктӧмъяс серти олӧй, Сылысь кывзысьӧй, Сылы кесъялӧй да Сы дінӧ кутчысьӧй.

Индӧд 15:5

сӧмын понданныд кӧ сьӧлӧмсяньныд кывзысьны Господьлысь, асланыд Енлысь, да овны став тайӧ тшӧктӧмыс серти, мый талун висьтала тіянлы.

Индӧд 22:7

Мамсӧ лэдз, а пиянсӧ верман босьтны. Тадзи кӧ вӧчан, тэныд бур лоӧ, и олӧмыд лоӧ кузь нэма.

Индӧд 30:19

Талун енэжыс да муыс водзын вӧзъя тіянлы олӧм и кулӧм, бурсиӧм и ёрӧм. Бӧрйӧй олӧмсӧ, медым ті да тіянсянь чужысьяс олінныд

Индӧд 30:20

да радейтінныд Господьӧс, ассьыныд Ентӧ, кывзысинныд Сылысь да кутчысинныд Сы дінӧ. Сэки ті кутанныд дыр овны сійӧ муас, мый Господь [Ен] кыв сетӧмӧн кӧсйысис сетны тіян батьяслы – Ӧвраамлы, Исааклы да Яковлы».

Индӧд 4:10

Висьталӧй налы сійӧ луныс йылысь, кор ті [чукӧртчинныд да] сулалінныд Господь Енныд водзын Хорив керӧс дорын. Сэні Господь шуис меным: ”Чукӧрт войтырсӧ Ме дінӧ, Ме висьтала налы Ассьым кывъясӧс. Му вылын став олан лунъяс чӧжныс найӧ мед поласны Меысь да мед велӧдасны ассьыныс ныв-пинысӧ тадзи овны”.

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Индӧд 4:9

Сюся видзӧдӧй ас бӧрсяныд, видзӧй сьӧлӧмнытӧ. Энӧ вунӧдӧй, мый аддзылінныд асланыд синмӧн, видзӧй сійӧс сьӧлӧманыд став олан лунъяс чӧжныд да висьталӧй сы йылысь асланыд ныв-пилы да налӧн ныв-пиыслы.

Индӧд 5:16

Пыдди пукты ассьыд бать-мамтӧ, кыдзи тшӧктіс тэныд Господь, тэнад Енмыд, медым олӧмыд вӧлі кузь нэма да тэныд вӧлі бур сійӧ муас, мый Господь, тэнад Енмыд, сетас тэныд.

Индӧд 5:33

Олӧй сідзи, кыдзи тшӧктӧ Господь, тіян Енныд, медым тіянлы вӧлі бур и ті дыр олінныд сійӧ муас, мый босьтанныд аслыныд».

Индӧд 6:1

«Господь, тіян Енныд, тшӧктіс велӧдны тіянӧс индӧд-тшӧктӧмъясӧ, медым ті олінныд на серти сійӧ муас, кытчӧ ті мунанныд сійӧс босьтӧм могысь.

Индӧд 6:24

Господь тшӧктіс миянлы кутчысьны став тайӧ индӧд-тшӧктӧмас да повны Господьысь, миян Енмысь, медым став олан лунъясным чӧж миянлы вӧлі бур да медым ми вӧлім ловъяӧсь, кыдзи ӧні.

Индӧд 6:7

Велӧд наӧ ныв-питӧ. Висьтав гортад и туйын, висьтав водігад и чеччигад.

Нав Исус 4:24

Господь вӧчис тадзи, медым му вылын олысь войтыръяс тӧдмалісны, мый Сылӧн киыс вына, и медым ті став олан лунъяс чӧжныд полінныд Господьысь, асланыд Енмысь».

1 Петыр 1:17

Ті кӧ шуанныд Батьӧн Сійӧс, коді чужӧм вылӧ видзӧдтӧг мыждӧ быдӧнӧс уджъясыс серти, сідзкӧ, олӧй тайӧ му вылас Енсьыс полӧмӧн.