Индӧд 6:18 - Коми Библия 2023

¹⁸ Вӧчӧй Господь [асланыд Ен] водзын бурсӧ да шогманасӧ, медым тіян ставыс артмис, и медым ті мунінныд да босьтінныд аслыныд бур мусӧ, мый йылысь Господь кыв сетіс тіян батьяслы.

Индӧд 6:18 Kruisverwysings

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Исай 3:10

Висьталӧй веськыда олысьлы, мый сылы бур лоӧ, ӧд сійӧ кутас нимкодясьны аслас уджъяслӧн вотӧснас.

Исай 38:3

«Господьӧй, казьтышт, мый ме олі Тэ водзын веськыда, став сьӧлӧмсянь кесъялі Тэныд да вӧчи Тэ водзын шогманасӧ». Сэсся Езекей ёна бӧрддзис.

Езекиль 18:19

Ті юаланныд: ”Мыйла оз пиыс кывкут батьыслӧн мыж вӧсна?” Пиыс ӧд оліс веськыда да Менам индӧд-тшӧктӧмъяс серти. Та вӧсна сійӧ кутас овны.

Езекиль 18:21

Лёк вӧчысь кӧ бергӧдчас мыжсьыс, пондас овны веськыда да Менам индӧд-тшӧктӧмъяс серти, сійӧ оз кув, а кутас овны.

Езекиль 18:27

А лёк вӧчысь кӧ дугдас вӧчны лёксӧ, кутас овны веськыда да Индӧд серти, сійӧ видзас ассьыс олӧмсӧ.

Езекиль 18:5

Веськыда да Индӧд серти олысь морт

Езекиль 33:14

Кор Ме шуа лёк вӧчысьлы, мый сійӧ кулас, но сійӧ бергӧдчас мыжсьыс да пондас овны веськыда,

Езекиль 33:16

Сылысь став мыжсӧ лоӧ вунӧдӧма, ӧд сійӧ пондіс овны веськыда. Та вӧсна сійӧ кутас овны.

Езекиль 33:19

А лёк вӧчысь кӧ дугдас вӧчны лёксӧ, кутас овны веськыда да Индӧд серти, сійӧ видзас ассьыс олӧмсӧ.

Осий 14:9

Ефрем, Менӧ-ӧ тэ ӧткодялан идолъяскӧд? Ме кыла тэнӧ да вочавидза тэныд, Ме тӧждыся тэ вӧсна. Ме лоа тэныд веж кипарисӧн, Месянь лоӧ тэнад вотӧсыд.

Иоан 8:29

Менӧ Мӧдӧдысьӧй Мекӧд. Батьӧй эз коль Менӧ ӧтнамӧс, ӧд Ме ставсӧ вӧча Сылӧн кӧсйӧм серти».

Римӧ 12:2

Энӧ вужъясьӧй тайӧ мувывса оласногас. Лэдзӧй Енмыслы вежны тіянӧс, выльмӧдны вежӧрнытӧ, медым тӧдны тіянлы Сылысь кӧсйӧмсӧ: мый колана, шогмана да тыр-бур.

Индӧд 12:25

Эн сёй вир, а вӧч Господь [аслад Ен] водзын [бурсӧ да] шогманасӧ, медым тэныд да тэсянь чужысьяслы вӧлі бур [нэмъяс чӧж].

Индӧд 12:28

Кывзӧй да олӧй тайӧ кывъясыс серти, мый висьтала тіянлы. Вӧчанныд кӧ Господь Енныд водзын бурсӧ да шогманасӧ, тіянлы да тіянсянь чужысьяслы лоӧ бур нэмъяс чӧж».

Индӧд 13:18

Тадзи лоӧ, ті кӧ кутанныд кывзысьны Господьлысь, асланыд Енлысь, овны став Сылӧн тшӧктӧмыс серти, мый талун висьтала тіянлы, и вӧчны Господь Енныд водзын [бурсӧ да] шогманасӧ».

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Индӧд 5:29

Найӧ кӧ став олан лунъяс чӧжыс сьӧлӧмсяньныс кывзысисны Менсьым да олісны став Менам тшӧктӧм серти, сэки эськӧ налы да насянь чужысьяслы нэмъяс чӧж вӧлі бур.

Индӧд 5:33

Олӧй сідзи, кыдзи тшӧктӧ Господь, тіян Енныд, медым тіянлы вӧлі бур и ті дыр олінныд сійӧ муас, мый босьтанныд аслыныд».

Индӧд 6:10

Господь, тіян Енныд, нуӧдас тіянӧс сійӧ муас, мый йылысь кыв сетіс тіян батьяслы – Ӧвраамлы, Исааклы да Яковлы. Сійӧ сетас тіянлы ыджыд да бур каръяс, мый ті энӧ кыпӧдлӧй,

Индӧд 6:19

Сійӧ вӧтлас тіян водзысь став вӧрӧгнытӧ, кыдзи и шуліс.

Индӧд 8:11

Видзчысьӧй, медым энӧ вунӧдӧй Господьӧс, ассьыныд Ентӧ. Олӧй Сылӧн индӧд-тшӧктӧмъяс серти, мый талун висьтала тіянлы.