Индӧд 4:40 - Коми Библия 2023

⁴⁰ Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Индӧд 4:40 Kruisverwysings

Псалтыр 105:45

Сійӧ эз вунӧд накӧд кӧрталӧм йитӧдсӧ, ыджыд буралӧмыс кузя Сійӧ бурсьӧлӧмтчис на дінӧ,

Петӧм 20:12

Пыдди пукты ассьыд бать-мамтӧ, медым [тэныд вӧлі бур да] олӧмыд вӧлі кузь нэма сійӧ муас, мый Господь, тэнад Енмыд, сетас тэныд.

Петӧм 23:26

Кадысь водз чужтысьыс да нӧбасьны вермытӧмыс тіян муын оз лоны, и олан лунъяснытӧ Ме ог дженьдӧд.

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Исай 65:20

Сэні оз кув пузчужӧм кага, пӧрысь морт кутас тырвыйӧ овны ассьыс олан лунъяссӧ. Коді кулас сё арӧсаӧн, сійӧс лыддясны том кулысьӧн, а коді оз ов сё арӧсӧдз, сійӧс шуасны ёрӧмаӧн.

Еремей 11:4

Тайӧ тшӧктӧмъяссӧ Ме сеті тіян батьяслы, кор петкӧді найӧс Египетысь, кӧрт сывдан пачысь. Ме тшӧкті налы кывзыны Менӧ да ставсӧ вӧчны Менам тшӧктӧм серти, медым найӧ вӧліны Менам войтырӧн, а Ме – налӧн Енмӧн.

Еремей 35:18

Рекав рӧдлы Еремей шуис: «Господь Саваоф, Израильлӧн Ен, тадзи висьталӧ: ”Ті кывзысинныд Ионадав батьныдлысь, ті оланныд сылӧн тшӧктӧмъяс серти,

Еремей 7:23

Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Еремей 7:7

сэки Ме лэдза тіянлы овны тайӧ муас, мый Ме сеті тіян батьяслы нэмъяс кежлӧ.

Левит 22:31

Кутчысьӧй Менам тшӧктӧмъясӧ да олӧй на серти. Ме – Господь.

Лыд 10:29

Мӧисей шуис Ховавлы, мадианса Регуэл тесьтыслӧн пилы: «Ми мӧдӧдчам сійӧ муас, мый Господь кӧсйысис сетны миянлы. Мунам миянкӧд, ми кутам тӧждысьны, мый тэныд бур лоас, ӧд Господь кӧсйысис Израильлы бур вӧчны».

Иоан 14:15

«Ме кӧ муса тіянлы, олӧй Менам тшӧктӧмъяс серти.

Ефесӧ 6:3

«медым тэныд вӧлі бур да олӧмыд вӧлі кузь нэма».

Индӧд 11:9

кӧні визувтӧ йӧв да ма. Ті кутанныд дыр овны сійӧ муас, мый Господь кыв сетӧмӧн кӧсйысис сетны тіян батьяслы да насянь чужысьяслы.

Индӧд 12:25

Эн сёй вир, а вӧч Господь [аслад Ен] водзын [бурсӧ да] шогманасӧ, медым тэныд да тэсянь чужысьяслы вӧлі бур [нэмъяс чӧж].

Индӧд 12:28

Кывзӧй да олӧй тайӧ кывъясыс серти, мый висьтала тіянлы. Вӧчанныд кӧ Господь Енныд водзын бурсӧ да шогманасӧ, тіянлы да тіянсянь чужысьяслы лоӧ бур нэмъяс чӧж».

Индӧд 22:7

Мамсӧ лэдз, а пиянсӧ верман босьтны. Тадзи кӧ вӧчан, тэныд бур лоӧ, и олӧмыд лоӧ кузь нэма.

Индӧд 25:15

Гираныд да ефа дозныд мед лоӧны стӧчӧсь да веськыдӧсь, медым олӧмныд вӧлі кузь нэма сійӧ муас, мый Господь, тіян Енныд, сетас тіянлы.

Индӧд 32:47

Тіянлы тайӧ абу куш кывъяс, ӧд тайӧ кывъясас тіян олӧмныд. Кутчысянныд кӧ тайӧ Индӧдас, ті дыр кутанныд овны сійӧ муас, кытчӧ ті вуджанныд Йӧрдан ю сайӧ, медым босьтны сійӧс аслыныд».

Индӧд 33:25

Кӧртысь да ыргӧнысь сылӧн иганыс, став олан лунъяс чӧжыс сійӧ лоӧ вына.

Индӧд 4:1

«Израиль войтыр, кывзӧй индӧд-тшӧктӧмъяс, мыйӧ [талун] велӧда тіянӧс. Кутчысьӧй наӧ, медым ті олінныд [чужтысинныд-рӧдминныд] да босьтінныд аслыныд сійӧ мусӧ, мый Господь, тіян батьяслӧн Ен, сетӧ тіянлы.

Индӧд 4:2

Тайӧ тшӧктӧмъясыс дінӧ, мый ме [талун] висьтала тіянлы, нинӧм энӧ содтӧй да сэтысь нинӧм энӧ чинтӧй. Олӧй асланыд Господь Енлӧн тшӧктӧмъяс серти.

Индӧд 4:5

Ме велӧді тіянӧс индӧд-тшӧктӧмъясӧ, кыдзи тшӧктіс меным Господь, менам Енмӧй. Олӧй на серти сійӧ муас, кытчӧ ті мунанныд, медым босьтны сійӧс аслыныд.

Индӧд 4:6

Видзӧй тшӧктӧмъяссӧ да олӧй на серти, сэки мукӧд войтыръяс аддзасны, кутшӧм ті мывкыдӧсь да сюсьӧсь. И кор найӧ кыласны тайӧ тшӧктӧмъясыс йылысь, сэки шуасны: ”Кутшӧм мывкыд да сюсь тайӧ вына войтырыс!”

Индӧд 5:10

А налы, кодъяс радейтӧны Менӧ да олӧны Менам тшӧктӧмъяс серти, Ме петкӧдла Ассьым буралӧмӧс сюрс чужанвужйӧдз.

Индӧд 5:16

Пыдди пукты ассьыд бать-мамтӧ, кыдзи тшӧктіс тэныд Господь, тэнад Енмыд, медым олӧмыд вӧлі кузь нэма да тэныд вӧлі бур сійӧ муас, мый Господь, тэнад Енмыд, сетас тэныд.

Индӧд 5:29

Найӧ кӧ став олан лунъяс чӧжыс сьӧлӧмсяньныс кывзысисны Менсьым да олісны став Менам тшӧктӧм серти, сэки эськӧ налы да насянь чужысьяслы нэмъяс чӧж вӧлі бур.

Индӧд 5:33

Олӧй сідзи, кыдзи тшӧктӧ Господь, тіян Енныд, медым тіянлы вӧлі бур и ті дыр олінныд сійӧ муас, мый босьтанныд аслыныд».

Индӧд 6:18

Вӧчӧй Господь [асланыд Ен] водзын бурсӧ да шогманасӧ, медым тіян ставыс артмис, и медым ті мунінныд да босьтінныд аслыныд бур мусӧ, мый йылысь Господь кыв сетіс тіян батьяслы.

Индӧд 6:3

Кывзы, Израиль! Олӧй тайӧ тшӧктӧмъясыс серти, медым тіянлы вӧлі бур да медым сійӧ муас, кӧні визувтӧ йӧв да ма, ті чужинныд-рӧдминныд, кыдзи висьталіс тіянлы Господь, тіян батьяслӧн Ен. [Господь Ен сетіс Израиль пиянлы тайӧ индӧд-тшӧктӧмъяссӧ овтӧминын Египетысь петӧм бӧрын.]

1 Тимофейлы 4:8

Вир-яйтӧ ёнмӧдӧмысь бурыс этша, а вежавидзана олӧмысь – уна, ӧд сійӧ сетӧ лача ӧнія да локтана олӧм вылӧ.