Индӧд 4:34 - Коми Библия 2023

³⁴ Некутшӧм ен эз торйӧд аслыс войтыр мукӧд войтыр пӧвстысь чорыд мыждӧмъясӧн, шензьӧданаторъяс да индысьпасъяс вӧчӧмӧн, тыш отсӧгӧн, вына кисӧ да ён сойсӧ лэптӧмӧн, ыджыдсьыс-ыджыд повзьӧданаторъяс вӧчӧмӧн. Но Египетын ті аддзылінныд, мый тадзи вӧчис Господь, тіян Енныд.

Индӧд 4:34 Kruisverwysings

Псалтыр 24:8

Господь бур сьӧлӧма да веськыд, Сійӧ веськӧдӧ мыжаясӧс бур туй вылӧ.

Псалтыр 78:12

Господьӧй, водзӧс перйы миянкӧд орччӧн олысьяслысь, сизим пӧв унджык водзӧс перйы Тэнӧ лёкӧдӧмысь.

Петӧм 1:9

Аслас войтырлы ӧксы шуис: «Израиль войтыр миян дорысь лои уна лыда да ён.

Петӧм 10:21

Господь шуис Мӧисейлы: «Лэпты китӧ енэжланьыс, и Египет му вылӧ лэччас сап пемыд, киӧн видлавны позяна пемыд».

Петӧм 10:7

Фараонлӧн йӧзыс шуисны сылы: «Дыр-ӧ на миянлы сьӧкыдавны тайӧ мортыс понда? Лэдз тайӧ войтырсӧ, мед мунасны да юрбитасны Господьлы, асланыс Енлы. Он ӧмӧй аддзы, мый Египетным быранвыйын?»

Петӧм 13:3

Мӧисей шуис войтырыслы: «Энӧ вунӧдӧй сійӧ лунсӧ, кор Господь вына кинас петкӧдіс тіянӧс Египетысь, и ті мынінныд нартитӧм улысь. Тайӧ лунӧ энӧ сёйӧй шоммӧдӧм нянь.

Петӧм 14:30

Сійӧ лунӧ Господь мездіс Израиль войтырӧс египетса кипод улысь. Кор израильсаяс аддзисны саридз дорысь египетсалысь шойяссӧ,

Петӧм 15:11

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Петӧм 19:4

ті аддзылінныд, мый Ме вӧчи египетсакӧд. Кутш бордъяс вылын моз Ме лэбӧді тіянӧс, вайӧді Ас дінӧ.

Петӧм 3:10

Ме ыста тэнӧ фараон дінӧ [египетса ӧксы дінӧ]. Мун, петкӧд Египетысь Менсьым войтырӧс, Израиль пиянӧс!»

Петӧм 6:6

Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Петӧм 7:3

Но Ме чорзьӧда фараонлысь сьӧлӧмсӧ и петкӧдла Египет муын уна индысьпас да шензьӧданатор.

Исай 51:9

Садьмы, кыпӧдчы, вынсяв, Господьлӧн ки! Садьмы важся кадӧ моз, кыпӧдчы, кыдзи важӧн вӧчлін. Эз-ӧ Господьлӧн киыс ви Рахавӧс, зэ-ӧ бытшкы саридзса гундырӧс?

Еремей 21:5

Ме Ачым понда тышкасьны тіянлы паныд вына киӧс кыпӧдӧмӧн, скӧрлунӧн, ярлунӧн да ыджыд лӧглунӧн.

Еремей 32:21

Тэ петкӧдін Ассьыд Израиль войтыртӧ Египет муысь шензьӧданаторъяс да индысьпасъяс вӧчӧмӧн, Ассьыд вына китӧ нюжӧдӧмӧн да ёна повзьӧдлӧмӧн.

Лыд 20:16

Но кор ми шыасим Господь дінӧ, Сійӧ кыліс миянӧс да мӧдӧдіс анделсӧ, медым петкӧдны миянӧс Египетысь. Ӧні ми сулалам Кадеш карын, кысянь заводитчӧ тэнад муыд.

Индӧд 1:30

Господь, тіян Енныд, мунӧ тіян водзвылын. Сійӧ вермасьӧ тіян пыдди. Асланыд синмӧн ті аддзылінныд, мый Сійӧ вӧчис тіянлы Египетын.

Индӧд 10:21

Господьӧс ошкӧй, ӧд Сійӧ – тіян Енныд, коді вӧчис тіянлы ыджыд да повзьӧдана уджъяс. Тайӧ уджъяссӧ ті асланыд синмӧн аддзылінныд.

Индӧд 11:2

Ныв-пиныд эз тӧдлыны да эз аддзывны тіян Господь Енлысь мыждӧмсӧ, эз аддзывны Сылысь ыджыд вынйӧрсӧ, Сылысь вына кисӧ да ён сойсӧ,

Индӧд 26:8

Господь петкӧдіс миянӧс Египетысь [Аслас ыджыд вынйӧрнас,] Ассьыс вына кисӧ да ён сойсӧ лэптӧмӧн, чорыда повзьӧдлӧмӧн, шензьӧданаторъяс да индысьпасъяс вӧчӧмӧн.

Индӧд 29:3

Асланыд синмӧн ті аддзылінныд чорыда мыждӧмсӧ, ыджыд шензьӧданаторъяссӧ да индысьпасъяссӧ [Сылысь вына кисӧ да ён сойсӧ].

Индӧд 33:29

Израиль, тэ шуда, тэ кодь мӧд войтырыс абу, тэ – Господьӧн мездӧм войтыр. Сійӧ – сайӧдыс, мый видзӧ тэнӧ, шыпуртыс, мый тышын вермӧ. Вӧрӧгыд кутас леститчыны тэ водзын, а тэ кокнад сы вылӧ тувччан.

Индӧд 34:12

Вына киыс отсӧгӧн Мӧисей петкӧдліс ыджыд да повзьӧдана уджъяс став Израиль войтырлӧн син водзын.

Индӧд 5:15

Эн вунӧд, мый Египетын тэ ачыд вӧлін кесйӧг туйын, но Господь, тэнад Енмыд, петкӧдіс тэнӧ сэтысь Ассьыс вына кисӧ да ён сойсӧ лэптӧмӧн. Та вӧсна Господь, тэнад Енмыд, тшӧктіс видзны шойччан лунсӧ [мед сійӧ лоас тэныд вежа].

Индӧд 6:21

Сэки вочавидз сылы тадзи: ”Ми вӧлім Египетын фараонлӧн нартитӧм улынӧсь, но Господь [Ен] Аслас вына кинас [да ён сойнас] петкӧдіс миянӧс сэтысь.

Индӧд 7:19

Тайӧ чорыда мыждӧмсӧ, [ыджыд] индысьпасъяссӧ да шензьӧданаторъяссӧ ті асланыд синмӧн аддзылінныд. Энӧ вунӧдӧй, кыдзи Господь, тіян Енныд, петкӧдіс тіянӧс Египетысь Ассьыс вына кисӧ да ён сойсӧ лэптӧмӧн. Войтыръяслы, кодъясысь ті поланныд, Господь, тіян Енныд, вӧчас сійӧ жӧ, мый вӧчис египетсаяслы.

Индӧд 9:29

Но ӧд тайӧ войтырыс – Тэнад войтырыд, кодӧс Тэ петкӧдін Египет муысь Аслад ыджыд выннад да Ассьыд вына китӧ лэптӧмӧн”».

Нав Исус 24:7

Сэки батьясныд шыасисны отсӧгла Ме дінӧ, и Ме торйӧді найӧс египетсаясысь [кымӧрӧн да] пемыдӧн. Ме кыпӧді-бузниті саридз гыяс египетсаяс вылӧ да пӧдті найӧс. Асланыд синмӧн ті аддзылінныд ставсӧ, мый Ме вӧчи Египетын. Та бӧрын дыр кад чӧж ті олінныд овтӧминын.

1 Петыр 5:6

Сідзкӧ, раммӧдчӧй Енлӧн вына кипод улӧ, и ас кадӧ Сійӧ кыпӧдас тіянӧс.