Индӧд 4:21 - Коми Библия 2023

²¹ Господь скӧрмис ме вылӧ тіян вӧсна да кыв сетӧмӧн шуис, мый ме ог вудж Йӧрдан ю сайӧ да ог пыр сійӧ бур муас, мый Господь, тіян Енныд, сетас тіянлы пыр кежлӧ.

Индӧд 4:21 Kruisverwysings

Лыд 20:12

Но Господь шуис Мӧисейлы да Ааронлы: «Ті энӧ эскӧй Меным, энӧ лыддьӧй Менӧ вежаӧн. Израиль пиян водзын ті торкинныд Менсьым шуӧмӧс. Та вӧсна тайӧ войтырсӧ ті онӧ пыртӧй сійӧ муас, мый Ме сета налы».

Индӧд 1:37

Тіян вӧсна Господь скӧрмис тшӧтш ме вылӧ да шуис: ”Тэ он пыр сійӧ муас,

Индӧд 12:9

Ті энӧ на воӧй шойччанінӧ – сійӧ муас, мый Господь, тіян Енныд, сетас тіянлы.

Индӧд 15:4

Сійӧ муас, мый Господь, тіян Енныд, пыр кежлӧ сетас тіянлы, Господь озыра бурсиас тіянӧс. Тіян пӧвстын оз лоны гӧльяс,

Индӧд 19:10

Энӧ кисьтӧй мыжтӧмлысь вирсӧ сійӧ муас, мый Господь, тіян Енныд, сетас тіянлы. Кисьтанныд кӧ мыжтӧмлысь вирсӧ, мыжыс лоӧ тіян вылын.

Индӧд 19:3

Мусӧ, мый Господь, тіян Енныд, сетас тіянлы, юкӧй куим пельӧ, медым торйӧдӧм каръясас вермас пышйыны быдӧн, коді виас мортӧс. Нюжӧдӧй каръясӧдзыс туйяс.

Индӧд 20:16

А татчӧс войтыръяслӧн каръясысь, мый Господь, тіян Енныд, сетас тіянлы, некодӧс ловйӧн энӧ кольӧй.

Индӧд 21:23

сылысь шойсӧ сэтчӧ энӧ кольӧй вой кежлас, а дзебӧй сійӧ жӧ луннас. Ен водзын ёрӧма быдӧнӧс, кодӧс ӧшӧдӧма [пу вылӧ]. Энӧ пежалӧй мунытӧ, мый Господь, тіян Енныд, сетас тіянлы.

Индӧд 24:4

сэки воддза верӧсыс оз вермы сійӧс выльысь босьтны гӧтырӧ, ӧд аньыс лои пеж. Господьлы [тіян Енлы] тайӧ зывӧк. Мыж вӧчӧмнаныд энӧ пежалӧй мусӧ, мый Господь, тіян Енныд, сетас тіянлы.

Индӧд 26:1

«Кор ті локтанныд сійӧ муас, мый Господь, тіян Енныд, сетас тіянлы, босьтанныд сійӧс аслыныд да овмӧдчанныд сэтчӧ,

Индӧд 3:26

Но Господь тіян вӧсна скӧраліс ме вылӧ да эз кывзы менӧ. Сійӧ шуис: ”Тырмас! Водзӧ эн сёрнит Мекӧд та йылысь.

Индӧд 31:2

«Меным сё кызь арӧс. Ме ог нин вермы водзӧ нуӧдны тіянӧс. Господь шуис, мый ме Йӧрдан ю сайӧ ог вудж.