Индӧд 4:20 - Коми Библия 2023

²⁰ А тіянӧс Господь [Ен] петкӧдіс Египетысь, биа пачысь, медым ті вӧлінныд Сылӧн войтырӧн, и тайӧ ӧніӧдз тадзи.

Индӧд 4:20 Kruisverwysings

Ӧксыяслӧн 3 небӧг 8:51

Ӧд найӧ – Тэнад войтыр да Тэнад бӧрйӧм йӧз. Тэ петкӧдін найӧс Египетысь, тайӧ донӧдӧм пачсьыс.

Псалтыр 135:4

Ошкӧй Сійӧс, коді вӧчӧ ыджыд шензьӧданаторъяс, Сылӧн буралӧмыс оз помасьлы.

Псалтыр 28:9

Господьлӧн гӧлӧс шыысь вайсьӧны кӧръяс, Сылӧн гӧлӧс шыысь кушмӧны вӧръяс. Сылӧн крамын ставныс гораа шуалӧны: «Ошкӧм Сылы!»

Псалтыр 33:12

Локтӧй, челядь, кывзӧй менӧ! Ме велӧда тіянӧс овны Господьысь полӧмӧн.

Петӧм 1:13

и найӧ чорыдджыка на пондісны уджӧдны Израиль войтырӧс.

Петӧм 1:14

Курыд синва сора лои олӧмыс Израиль войтырлӧн. Найӧс ёна нартитісны, тшӧктісны вӧчны быдпӧлӧс сьӧкыд уджсӧ: талявны сёй, вӧчавны кирпич, уджавны видз-му вылын.

Петӧм 34:9

Сійӧ шуис: «Ыджыдӧй, Тэ кӧ бур сьӧлӧма ме дінӧ, лок да мун миянкӧд водзӧ. Збыльысь, тайӧ войтырыс асныра. Прӧстит миянлысь мыжнымӧс да лёк вӧчӧмнымӧс. Вӧч миянӧс Аслад войтырӧн».

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Исай 30:6

Негев овтӧминса пемӧсъяс йылысь водзвыв висьталӧм. Шогнас да сьӧкыднас тырӧм му вывті, кӧні олӧны левъяс, гадюкаяс да лэбалысь змейяс, иудаса юралысьяс нуӧны осёлъяс вылын ассьыныс озырлунсӧ, верблюдъяс вылын – ассьыныс эмбурсӧ сійӧ войтырлы, коді оз вермы налы отсавны.

Исай 48:10

Ме сывді тэнӧ, но эзысьӧс моз тэнӧ он сӧстӧммӧд, Ме тӧдмалі тэнӧ сьӧкыд нуӧм пыр.

Еремей 11:4

Тайӧ тшӧктӧмъяссӧ Ме сеті тіян батьяслы, кор петкӧді найӧс Египетысь, кӧрт сывдан пачысь. Ме тшӧкті налы кывзыны Менӧ да ставсӧ вӧчны Менам тшӧктӧм серти, медым найӧ вӧліны Менам войтырӧн, а Ме – налӧн Енмӧн.

Даниил 3:26

– Господьӧй, миян батьяслӧн Енмӧй, Тэ ёна ошкана! Мед лоӧ ошкӧма-нимӧдӧма Тэнсьыд нимтӧ нэмъяс чӧж!

Ефесӧ 1:11

Кристос пыр ми лоим Ен войтырӧн, тадзи водзвыв вӧлі мӧвпыштӧма Енмыслӧн, ӧд Сійӧ ставсӧ вӧчӧ Ас кӧсйӧм сертиыс.

Ефесӧ 1:18

Сійӧ мед югдӧдас тіянлысь сьӧлӧмнытӧ, медым ті гӧгӧрвоинныд, кутшӧм лачаӧ Сійӧ корӧма тіянӧс, кутшӧм ыджыд озырлун вичмӧ вежа войтырлы,

Индӧд 14:2

Ӧд ті – Господь Енлӧн вежа войтырыс. Господь бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Индӧд 26:18

Талун Господь юӧртіс тіянлы, мый Сылӧн кӧсйысьӧм серти ті лоанныд Сылӧн войтырӧн, кутанныд кӧ овны став Сылӧн тшӧктӧмыс серти.

Индӧд 32:9

Израиль войтыр – Господьлӧн юкӧныс, Яковсянь чужысьяс – Сылӧн пайыс.

Индӧд 7:6

Ӧд ті – Господь Енлӧн вежа войтырыс. Господь, тіян Енныд, бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Индӧд 9:26

Ме кевмыси Господьлы: ”Господьӧй Ыджыдӧй, [енъяслӧн Ӧксы,] эн бырӧд Ассьыд войтыртӧ. Ӧд Тэ мездін найӧс Аслад ыджыд вынӧн, петкӧдін Египетысь вына кинад [да ён сойнад].

Индӧд 9:29

Но ӧд тайӧ войтырыс – Тэнад войтырыд, кодӧс Тэ петкӧдін Египет муысь Аслад ыджыд выннад да Ассьыд вына китӧ лэптӧмӧн”».

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.