Индӧд 32:27 - Коми Библия 2023

²⁷ но вӧрӧглӧн лёкӧдӧм вӧсна ог вӧч тайӧс, медым мустӧмтысь ылӧдлӧмӧн эз шу: «Миян киным ён. Эз Господь тайӧс вӧч».

Индӧд 32:27 Kruisverwysings

Ӧксыяслӧн 3 небӧг 20:28

Сэки израильса ӧксы дінӧ матыстчис Енлӧн морт да шуис: «Господь тадзи висьталӧ: ”Арамейяс шуӧны, Господь пӧ керӧсъяслӧн ен, абу ковтыслӧн ен. Та вӧсна Ме сета налысь уна лыда тышкайӧзсӧ тэнад киӧ. Сэки ті тӧдмаланныд, мый Ме – Господь”».

Псалтыр 140:8

Господьӧй Ыджыдӧй, ме лэпта синмӧс Тэлань, ме лача кута Тэ вылӧ, эн эновт менӧ!

Псалтыр 140:9

Меным октӧмаӧсь лэч, видз менӧ сэтчӧ шедӧмысь, мезды менӧ лёк вӧчысьяслӧн налькйысь.

Петӧм 32:12

Ӧд египетсаяс кутасны шуны, Енмыс пӧ петкӧдіс найӧс, медым керӧсъяс вылын вины найӧс да бырӧдны му вылысь. Дугды скӧравнытӧ, Господьӧй, эн бырӧд Ассьыд войтыртӧ.

Исай 37:10

висьтавны иудаса Езекей ӧксылы: «Тэнад Енмыд, код вылӧ тэ лача кутан, ылӧдлӧ тэнӧ, кор шуӧ, мый Ерусалимӧс оз ло сетӧма ассурса ӧксы киӧ.

Исай 37:35

Ме видза тайӧ карсӧ, мезда сійӧс Ас ради да Аслам Давид кесйӧгӧй ради».

Исай 47:7

Тэ шуалін: «Ме пыр лоа ӧксы-аньӧн», но тэ эн мӧвпыштлы, эн кӧсйы тӧдны, мый лоӧ бӧрыннас.

Исай 48:11

Ас вӧсна, дзик Ас вӧсна Ме вӧча тадзи, Ме ог лэдз янӧдны Ассьым нимӧс, Ассьым дзирдлунӧс Ме некодлы ог сет.

Еремей 19:4

Ерусалимын олысьяс эновтісны Менӧ, пежалісны тайӧ ковтыссӧ, сотӧны тані висьяс мукӧд енъяслы, кодъясӧс эз тӧдлыны ни найӧ, ни налӧн батьясныс, ни иудаса ӧксыяс. Найӧ тыртісны тайӧ ковтыссӧ мыжтӧм йӧзлӧн вирӧн.

Бӧрданкыв 1:9

Бӧждорыс сылӧн няйтчӧма пежнас. Сійӧ эз мӧвпав, мый виччысьӧ сійӧс. Сійӧ дзикӧдз усис, но сійӧс бурӧдысьыс эз вӧв. «Господьӧй, видзӧдлы менам шогсьӧм вылӧ, ӧд вӧрӧг асьсӧ вылӧ кыпӧдӧ».

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Лыд 15:30

Вужвойтырысь либӧ йӧз муысь локтысьясысь кӧ кодкӧ тӧдӧмӧн мыж вӧчӧ, сійӧ омӧльтӧ Господьӧс. Сійӧс лоӧ бырӧдӧма аслас войтыр пӧвстысь,

Индӧд 9:28

медым сійӧ муас, кытысь Тэ петкӧдін миянӧс, йӧзыс эз шуны, мый Господь эз вермы вайӧдны найӧс кӧсйысьӧм муӧ, Сійӧ мустӧмтіс найӧс, та вӧсна нуӧдіс овтӧминӧ, медым бырӧдны.

Нав Исус 7:9

Кор ханаансаяс да тайӧ муас мукӧд олысьыс кыласны та йылысь, найӧ кытшаласны миянӧс да вуштасны нимнымӧс войтыръяс пӧвстысь. Мый Тэ вӧчан, медым дорйыны Ассьыд ыджыд нимтӧ?»

Ӧксыяслӧн 1 небӧг 12:22

Аслас ыджыд нимыс вӧсна Господь оз коль тіянӧс, Ассьыс войтырсӧ. Господь бӧрйис тіянӧс, мед ті вӧлінныд Сылӧн войтырӧн.