Индӧд 32:21 - Коми Библия 2023

²¹ Ылӧг енъяслы юрбитӧмнас найӧ кыпӧдісны Ме пытшкын вежӧгтӧм, идолъяснас дӧзмӧдісны Менӧ. Та вӧсна Ме кыпӧда на пытшкын вежӧгтӧм войтыр пыр, кодӧс оз позь шуны войтырӧн, дӧзмӧда найӧс вежӧртӧм войтыр пыр.

Индӧд 32:21 Kruisverwysings

Ӧксыяслӧн 3 небӧг 14:22

Иуда войтыр вӧчис Господь водзын шогмытӧмсӧ. Асланыс мыж вӧчӧмнас найӧ дӧзмӧдісны Господьӧс батьясныс дорысь ёнджыка на.

Ӧксыяслӧн 3 небӧг 14:9

Тэ вӧчин лёксӧ унджык на дорысь, кодъяс вӧліны тэӧдз. Тэ сувтӧдалін аслыд мукӧд енъясӧс да бӧлбанъясӧс, медым Менӧ скӧрмӧдны. Тадзи тэ ӧтдортін Менӧ.

Ӧксыяслӧн 3 небӧг 16:13

Ваас да сылӧн Элай пиыс мыж вӧчисны да Израиль войтырӧс кежӧдісны мыжас. Идолъяслы юрбитӧмнас найӧ скӧрмӧдісны Господьӧс, Израильлысь Енсӧ.

Ӧксыяслӧн 3 небӧг 16:26

Омри ветліс Неват Еровамлӧн туйӧд, вӧчис сійӧ жӧ мыжъяссӧ, мыйӧн Еровам коркӧ кежӧдіс Израиль войтырӧс мыжас. Идолъяслы юрбитӧмнаныс найӧ скӧрмӧдісны Господьӧс, Израильлысь Енсӧ.

Ӧксыяслӧн 4 небӧг 17:11

Войтыръяс моз, кодъясӧс Господь вӧтліс израильсаяс водзысь, найӧ сотісны висьяс мылькъяс вылын. Асланыс лёк вӧчӧмнаныс найӧ дӧзмӧдісны Господьӧс.

Ӧксыяслӧн 4 небӧг 17:15

Найӧ ӧтдортісны Господьлысь тшӧктӧмъяссӧ, ӧлӧдӧмъяссӧ да йитӧдсӧ, мый Сійӧ кӧрталіс налӧн батьяскӧд. Найӧ мунісны шогмытӧм ылӧг енъяс бӧрся, и асьныс лоины сэтшӧм жӧ шогмытӧмӧсь. Найӧ олісны на гӧгӧр олысь войтыръяс моз, эз кывзыны Господьлысь ӧлӧдӧмсӧ.

Ӧксыяслӧн 4 небӧг 21:6

Ассьыс писӧ Манассей сотіс биын. Сійӧ кимӧститчис, тунасис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Ӧксыяслӧн 4 небӧг 22:17

Тайӧ войтырыс эновтіс Менӧ, найӧ сотісны висьяс мукӧд енъяслы, ёна дӧзмӧдісны Менӧ асланыс киӧн вӧчӧмторъясӧн. Таысь Менам скӧрлунӧй ыпъялӧ тайӧ карыс вылӧ да оз куслы”.

Псалтыр 31:6

Эскана войтырыд мед кевмысяс Тэныд, кор позьӧ на шыасьны Тэ дінӧ. Сэки ыджыд валӧн ойдӧмыс оз су найӧс.

Исай 65:3

Ме нюжӧдлі киӧс войтыр дінӧ, коді яндысьтӧг дӧзмӧдліс Менӧ. Расъясын найӧ вайӧны висьяс, тшынӧдчӧны кирпичысь вӧчӧм висьпуктанін вылын,

Еремей 10:8

Став войтыръясыс вежӧртӧмӧсь да мывкыдтӧмӧсь, и пуысь вӧчӧмтор оз вермы велӧдны найӧс.

Еремей 14:22

Мукӧд войтыръяслӧн идолъясыс ӧмӧй вермасны мӧдӧдны зэр? Енэжыс ӧмӧй вермас ачыс кисьтны сувтса зэр? Господьӧй, миян Енмӧй, он ӧмӧй зэрсӧ Тэ мӧдӧд? Тэ вылӧ ми лача кутам, ӧд ставсӧ тайӧс Тэ вӧчан!

Еремей 18:15

Но Менам войтырӧй вунӧдіс Менӧ, найӧ сотӧны висьяс абутӧм енъяслы. Найӧ крукасисны асланыс туй вылын, кежисны важ туй вылысь, ӧні ветлӧдлӧны сэті, кӧні туйыс абу.

Еремей 2:11

Мукӧд войтыръяслӧн енъясыс – абу збыль Ен, но найӧ оз вежлавны енъяснысӧ. А Менам войтырӧй вежис Менӧ, найӧ вежисны ассьыныс дзирдлунсӧ идолъяс вылӧ, кодъяс отсавны оз вермыны.

Еремей 5:7

– Кыдзи Меным прӧститны Ерусалимын олысьясӧс? Найӧ эновтісны Менӧ, ылӧг енъяс водзын кыв сетӧны. Ме пӧткӧді найӧс, а найӧ пежалӧны гозъякост олӧм, чукӧръясӧн ветлӧдлӧны кырсалысь аньяслӧн керкаясӧ.

Еремей 7:18

Челядь пес чукӧртӧны, батьяс бипур пестӧны, аньяс няньшом дасьтӧны, медым кӧвдум пӧжавны идоллы, кодӧс шуӧны енэжвывса ӧксы-аньӧн. Найӧ вайӧны вина вись мукӧд енъяслы и тадзи дӧзмӧдӧны Менӧ.

Еремей 8:19

– Ылі муысь Ме кыла Аслам войтырлысь отсӧг йылысь горзӧмсӧ: «Сионын ӧмӧй абу Господьыс, сэні ӧмӧй абу ӧксыыс?» Мыйла найӧ скӧрмӧдісны Менӧ асланыс идолъясӧн, мукӧд войтыръяслӧн шогмытӧм идолъясӧн?

Езекиль 8:3

Сійӧ нюжӧдіс ки сямаӧс да босьтіс менӧ юрсиӧд. Лов кыпӧдіс менӧ енэжа-муа костас да вайӧдіс Ерусалимӧ. Тайӧ вӧлі Енсянь петкӧдлӧм. Лов сувтӧдіс менӧ пытшкӧс йӧрлӧн войвывса дзиръя дорӧ, кӧні сулаліс Господьлысь вежӧгтӧмсӧ кыпӧдысь бӧлбан.

Осий 1:10

– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».

Иона 2:8

Кор нюкыртчис менам лолӧй, сэки тӧд вылӧ усин меным, Господьӧй. Менам кевмӧмӧй воис Тэӧдз, Тэнад вежа крамӧдз.

Ап. уджъяс 11:15

И кор ме куті сёрнитны, на вылӧ лэччис Вежа Лов, кыдзи водзынсӧ миян вылӧ.

Ап. уджъяс 14:15

«Мый ті вӧчанныд? Ми ӧд тіян кодь жӧ мортъяс. Ми вайим Бур Юӧр тіянлы, медым ті бергӧдчинныд ковтӧм енъяссьыныд ловъя Ен дінӧ, коді вӧчис енэжсӧ, мусӧ, саридзсӧ да ставсӧ, мый сэні эм.

Римӧ 10:19

Нӧшта юала: «Израиль ӧмӧй эз гӧгӧрво?» Ӧд Мӧисей пыр на Енмыс шуліс: – Ме кыпӧда тіян пытшкын вежалӧм войтыр дінӧ, кодӧс оз позь шуны войтырӧн, дӧзмӧда тіянӧс вежӧртӧм войтыр пыр.

Римӧ 9:25

Осий небӧгын Сійӧ висьталӧ: – Кодъяс эз вӧвны Менам войтырӧн, найӧс шуа Аслам войтырӧн, мустӧмӧс шуа мусаӧн.

1 Коринфӧ 10:22

Ми огӧ кӧсйӧй дӧзмӧдны Господьӧс, ми ӧд Сыысь абу вынаджыкӧсь.

Индӧд 32:16

Мукӧд енъяслы юрбитӧмнас Израиль войтыр скӧрмӧдіс Сійӧс, зывӧкторъяснас дӧзмӧдіс Сійӧс.

Индӧд 32:17

Найӧ вайисны висьяссӧ эз Енлы, а пеж ловъяслы, тӧдтӧм выль енъяслы, орччӧн олысь войтыръяслӧн енъяслы, кодъясӧс батъясныс эз тӧдлыны.

Ӧксыяслӧн 1 небӧг 12:21

Энӧ мунӧй идолъяс бӧрся, кодъяс оз вермыны отсавны да мездыны тіянӧс, ӧд найӧ – нинӧм.