Индӧд 3:18 - Коми Библия 2023

¹⁸ Тайӧ чужанкотыръяслы ме шуи: ”Господь, тіян Енныд, сетіс тіянлы тайӧ мусӧ. Быдӧн, коді вермӧ петны тышӧ, мед босьтас шыпуртсӧ да мунас аслас вокъяс, Израиль пиян, водзвылын.

Индӧд 3:18 Kruisverwysings

Олӧм 15:7

Господь шуис Ӧврамлы: «Ме Господь, коді петкӧдіс тэнӧ Калдея Урысь, медым сетны тайӧ мусӧ тэныд».

Лыд 33:53

Босьтӧй сійӧ мусӧ аслыныд да овмӧдчӧй сэтчӧ, ӧд тіянлы Ме сета сійӧс.

Индӧд 12:1

«Тайӧ индӧд-тшӧктӧмъяссӧ тіянлы колӧ тӧдны да на серти овны сійӧ муас, мый Господь, тіян батьяслӧн Ен, сетас тіянлы. Став олан лунъяс чӧжныд олӧй на серти сійӧ муас, мый босьтанныд аслыныд.

Индӧд 15:4

Сійӧ муас, мый Господь, тіян Енныд, пыр кежлӧ сетас тіянлы, Господь озыра бурсиас тіянӧс. Тіян пӧвстын оз лоны гӧльяс,

Индӧд 19:14

«Кор ті босьтанныд аслыныд мусӧ, мый Господь, тіян Енныд, сетас тіянлы, да тіянлы вичмас му юкӧныс, му юкӧнъяс костӧ сувтӧдӧм пасъяс энӧ вештӧй.

Индӧд 19:2

сэки торйӧдӧй куим кар сійӧ муас, мый Господь, тіян Енныд, сетас тіянлы.

Индӧд 19:7

Та вӧсна ме тшӧкта тіянлы торйӧдны аслыныд куим кар.

Индӧд 21:1

«Сійӧ муас, мый Господь, тіян Енныд, сетас тіянлы, тэ кӧ аддзан видз-му вылысь мортлысь шойсӧ, и некод оз тӧд, коді сійӧс виис,

Индӧд 25:19

Та вӧсна вуштӧй енэж улысь амалик войтырлысь нимсӧ, кор Господь, тіян Енныд, сетас тіянлы лӧнь олӧм да быд боксянь видзас тіянӧс вӧрӧгъясысь сійӧ муас, мый Господь, тіян Енныд, сетас тіянлы. Энӧ вунӧдӧй тайӧс!»

Индӧд 5:31

А тэ кольччы татчӧ Мекӧд. Ме висьтала тэныд став индӧд-тшӧктӧмсӧ, мыйӧ тэ сэсся велӧдан найӧс. Мед на серти оласны сійӧ муас, мый Ме сета налы”.

Индӧд 6:1

«Господь, тіян Енныд, тшӧктіс велӧдны тіянӧс индӧд-тшӧктӧмъясӧ, медым ті олінныд на серти сійӧ муас, кытчӧ ті мунанныд сійӧс босьтӧм могысь.

Индӧд 9:6

[Ӧні] тӧдӧй, мый Господь, тіян Енныд, оз тіян веськыдлун вӧсна сет тайӧ бур мусӧ, ӧд ті асныра войтыр».

Нав Исус 1:11

кытшовтны чомъяссӧ да висьтавны войтырыслы: «Дасьтӧй сёян, ӧд куим лун мысти ті вуджанныд Йӧрдан ю сайӧ, медым босьтны аслыныд му, мый Господь, тіян [батьяслӧн] Ен, сетас тіянлы пыр кежлӧ».