Индӧд 3:12 - Коми Библия 2023

¹² «Сэки ми босьтім Арнон ю бокын сулалысь Ароэр карсянь войвылӧ паськӧдчӧм му. Тайӧ мусӧ да Галаад керӧсвыв му джынсӧ сэтчӧс каръяснас ме сеті Рувим да Гад чужанкотыръяслы.

Индӧд 3:12 Kruisverwysings

Ӧксыяслӧн 4 небӧг 10:33

Йӧрдан асыввылын Азаил босьтіс Галаад да Васан муяс – Арнон ю бокын сулалысь Ароэр карсянь войвылӧ став мусӧ, кӧні олісны Гад, Рувим да Манассей чужанкотыръяс.

Лыд 32:40

Мӧисей сетіс Галаад му Макирсянь чужысьяслы, и найӧ овмӧдчисны сэтчӧ.

Индӧд 2:36

Ковтысын сулалысь карсянь да Арнон ю бокын сулалысь Ароэр карсянь Галаад керӧсвыв муӧдз став карсӧ ми босьтім аслыным. Господь, миян Енным, ставсӧ сетіс миян киӧ.

Индӧд 29:7

Кор ми локтім татчӧ, хешбонса Сигон ӧксы да васанса Ог ӧксы уськӧдчисны миян вылӧ, но ми пасьвартім найӧс.

Индӧд 29:8

Босьтім налысь мусӧ да сетім сійӧс Рувим да Гад чужанкотыръяслы да Манассейлӧн джын чужанкотырлы.

Индӧд 3:13

Галаад мулысь мӧд джынсӧ да Васан му – Ог ӧксылысь Аргов мусӧ – ме сеті Манассейлӧн джын чужанкотырлы. Васан мусӧ шулісны тшӧтш рефа войтырлӧн муӧн.

Индӧд 4:48

Тайӧ муыс заводитчис Арнон ю бокын сулалысь Ароэр карсянь да нюжӧдчис Сирион керӧсӧдз, мӧд ногӧн кӧ, Ермон керӧсӧдз.