Индӧд 29:5 - Коми Библия 2023

⁵ Нелямын во чӧж Сійӧ нуӧдіс тіянӧс овтӧминӧд, и тіян паськӧмныд эз важмыв да кӧмныд эз киссьыв.

Индӧд 29:5 Kruisverwysings

Неемий 9:21

Нелямын во чӧж Тэ тӧждысин на вӧсна овтӧминын, налы ставыс вӧлі тырмана, налӧн паськӧмыс эз важмыв, кокныс эз пыктавлы.

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Петӧм 7:7

Мӧисейлы вӧлі кӧкъямысдас арӧс, а сылӧн Аарон воклы – кӧкъямысдас куим, кор найӧ сёрнитісны фараонкӧд.

Лыд 14:33

Тіян пиянныд кутасны ыж-мӧс видзны овтӧминын нелямын во чӧж. Сыысь, мый ті эновтінныд Менӧ, налы ковмас нуны мыждӧмсӧ, кытчӧдз медбӧръяыс тіян пӧвстысь оз кув овтӧминын.

Матвей 10:10

ноп, вежан кӧм-пась ни бедь. Ӧд уджалысьӧс вердӧны уджыс серти.

Индӧд 1:3

Египетысь петӧмсянь нелямынӧд воӧ, дас ӧтиӧд тӧлысьлӧн медводдза лунӧ, Мӧисей висьталіс Израиль пиянлы ставсӧ, мый Господь тшӧктіс.

Индӧд 8:2

Энӧ вунӧдӧй, кыдзи нелямын во чӧж Господь, тіян Енныд, нуӧдіс тіянӧс овтӧминӧд, медым раммӧдны тіянлысь сьӧлӧмнытӧ да тӧдмавны тіянӧс, тіянлысь сьӧлӧмпытшса мӧвпнытӧ, кутанныд-ӧ овны Сылӧн тшӧктӧмъяс серти.

Индӧд 8:3

Сійӧ раммӧдіс тіянӧс – сетіс тіянлы тшыгъявны, сэсся вердіс маннаӧн. Татшӧм сёянсӧ ті и тіян батьясныд энӧ тӧдлӧй. Тадзи Сійӧ кӧсйис петкӧдлыны тіянлы, мый оз куш няньӧн мортыд ов, а Господьсянь быд шуӧм кывйӧн.

Индӧд 8:4

Став тайӧ нелямын во чӧжыс тіян паськӧмныд эз важмывлы, и кокныд эз пыктавлы.

Нав Исус 9:13

Вина тыра кучик дозъясным выльӧсь вӧліны, а ӧні со косясьлӧмаӧсь. Кузь туй вӧсна миян паськӧмным дзикӧдз киссьӧма».

Нав Исус 9:5

Асьныс кӧмалісны дӧмлӧм кӧмъяс, пасьталісны киссьӧм паськӧм, туяныс босьтісны кос да чирйыссьӧм нянь.