Индӧд 27:2 - Коми Библия 2023

² Йӧрдан ю сайӧ вуджӧм бӧрын, кор пыранныд сійӧ муас, мый Господь, тіян Енныд, сетас тіянлы, сувтӧдӧй сэні аслыныд ыджыд изъяс да мавтӧй найӧс еджыд коризӧн.

Индӧд 27:2 Kruisverwysings

Иов 19:24

кӧрттувйӧн из вылӧ серлӧдлӧма, нэм кежлӧ свинечӧн мавтӧма.

Езекиль 11:19

Ме сета налы ӧти сьӧлӧм да пукта на пытшкӧ выль лов. Нетшышта морӧс кудсьыныс из сьӧлӧмнысӧ да сы пыдди пукта яй сьӧлӧм,

Езекиль 36:26

Ме сета тіянлы выль сьӧлӧм, пукта тіян пытшкӧ выль лов. Нетшышта морӧс кудсьыныд из сьӧлӧмнытӧ да сы пыдди пукта яй сьӧлӧм.

Индӧд 11:31

Ӧні ті вуджанныд Йӧрдан ю сайӧ, медым босьтны аслыныд му, мый Господь, тіян Енныд, сетас тіянлы [пыр кежлӧ]. Ті босьтанныд сійӧс аслыныд да кутанныд сэні овны.

Индӧд 26:1

«Кор ті локтанныд сійӧ муас, мый Господь, тіян Енныд, сетас тіянлы, босьтанныд сійӧс аслыныд да овмӧдчанныд сэтчӧ,

Индӧд 27:1

Мӧисей израильса юрнуӧдысьяскӧд тшӧктіс войтырыслы: «Олӧй став тшӧктӧмыс серти, мый талун висьтала тіянлы.

Индӧд 27:3

Тайӧ изъяс вылас гижӧй Индӧд кывъяссӧ, кор вуджанныд Йӧрдан ю сайӧ да пыранныд сійӧ муас, мый Господь, тіян Енныд, сетас тіянлы, муас, кӧні визувтӧ йӧв да ма. Тайӧ мусӧ тіянлы кӧсйысис сетны Господь, тіян батьяслӧн Ен.

Индӧд 27:4

Йӧрдан ю сайӧ вуджӧм бӧраныд сувтӧдӧй тайӧ изъяссӧ менам тшӧктӧм серти Эвал керӧс вылӧ да мавтӧй найӧс коризӧн.

Индӧд 6:1

«Господь, тіян Енныд, тшӧктіс велӧдны тіянӧс индӧд-тшӧктӧмъясӧ, медым ті олінныд на серти сійӧ муас, кытчӧ ті мунанныд сійӧс босьтӧм могысь.

Индӧд 9:1

«Кывзы, Израиль! Ӧні ті вуджанныд Йӧрдан ю сайӧ, медым босьтны мусӧ войтыръяслысь, кодъяс тіян дорысь вынаӧсь да уна лыдаӧсь, кодъяслӧн ыджыд каръясыс сулалӧны зумыда да зурасьӧны енэжӧдз.

Нав Исус 1:11

кытшовтны чомъяссӧ да висьтавны войтырыслы: «Дасьтӧй сёян, ӧд куим лун мысти ті вуджанныд Йӧрдан ю сайӧ, медым босьтны аслыныд му, мый Господь, тіян [батьяслӧн] Ен, сетас тіянлы пыр кежлӧ».

Нав Исус 4:1

Кор став войтырыс вуджис Йӧрдан ю вомӧн, Господь шуис Исуслы:

Нав Исус 8:30

Эвал керӧс вылӧ Исус лэптіс висьпуктанін Господьлы, Израильлӧн Енлы.

Нав Исус 8:31

Висьпуктанінсӧ вӧчис керавтӧм-шыльӧдтӧм изъясысь, кыдзи Мӧисей, Господьлӧн кесйӧг, тшӧктіс Израиль пиянлы. Та йылысь гижӧма Мӧисейлӧн Индӧд небӧгӧ. Тайӧ висьпуктанін вылас Израиль войтыр вайисны Господьлы сотан да бурасян висьяс.

Нав Исус 8:32

Израиль войтырлӧн син водзын Исус гижис изъяс вылас Мӧисейлысь Индӧдсӧ.