Индӧд 26:15 - Коми Библия 2023

¹⁵ Видзӧдлы Аслад вежа оланінсянь, енэжсяньыд, да бурси Ассьыд Израиль войтыртӧ да тайӧ мусӧ, кӧні визувтӧ йӧв да ма, мусӧ, мый Тэ сетін миянлы, кыдзи кыв сетӧмӧн кӧсйысин миян батьяслы”.

Индӧд 26:15 Kruisverwysings

Ӧксыяслӧн 3 небӧг 8:27

Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.

Ӧксыяслӧн 3 небӧг 8:43

сэки Тэ кыв сійӧс енэжсяньыд, Аслад оланінсянь. Кора Тэнӧ, вӧч йӧз муысь локтысьлӧн кевмӧм серти, медым мувывса войтыръяс тӧдісны Тэнсьыд нимтӧ да Тэнад Израиль войтырыд моз полісны-вежавидзисны Тэысь. Сэки найӧ тӧдмаласны, мый Тэнад нимлы сиӧма тайӧ крамсӧ, мый ме лэпті.

2 Каднебӧг 30:27

Попъяс да левитъяс бурсиисны войтырсӧ. Енмыс кыліс налысь гӧлӧс шысӧ, налӧн кевмӧмыс воис енэжӧдз, Енлӧн вежа оланінӧдз.

Псалтыр 28:9

Господьлӧн гӧлӧс шыысь вайсьӧны кӧръяс, Сылӧн гӧлӧс шыысь кушмӧны вӧръяс. Сылӧн крамын ставныс гораа шуалӧны: «Ошкӧм Сылы!»

Псалтыр 68:5

Помкатӧг менӧ мустӧмтысьыс унджык менам юрси дорысь, менӧ дзескӧдысьяс ёнмӧдчӧны, меным ковмас сетны весиг сійӧ, мый эг босьтлы налысь.

Псалтыр 80:14

Менам войтырӧй кӧ кывзіс Менӧ, Израиль войтыр кӧ ветліс Менам туйясӧд,

Псалтыр 80:15

Ме эськӧ ӧдйӧ ланьтӧді налысь вӧрӧгсӧ, Ассьым киӧс эськӧ лэпті найӧс дзескӧдысьяслы паныд,

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 61:1

Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Исай 63:15

Видзӧдлы енэжсяньыс, видзӧдлы Аслад вежа да дзирдлуна оланінсянь! Кӧні Тэнад вежӧгтӧмыд да вынйӧрыд? Тэнад сьӧлӧмыд тупкыса меным, Тэ он бурав ме дінӧ.

Еремей 31:23

Господь Саваоф, Израильлӧн Ен, тадзи висьталӧ: «Кор Ме бӧр бергӧда Иуда войтырӧс пленысь, Иуда муын да иудаса каръясын бара кутасны шуавны: ”Мед Господь бурсиас тэнӧ, вежа керӧс, веськыдлуныслӧн оланін!”

Закар 2:13

Господь водзын мед ланьтас быд морт, ӧд Господь петӧ Аслас вежа оланінысь.

Матвей 6:9

Кевмысьӧй тадзи: – Енэжвывса миян Бать, мед лоӧ вежаӧн Тэнад нимыд.

Ап. уджъяс 7:49

– Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс? – висьталӧ Господь. –

Индӧд 1:8

Тайӧ мусӧ Ме сета тіянлы. Ме, Господь, кыв сетӧмӧн кӧсйыси сетны сійӧс тіян батьяслы – Ӧвраамлы, Исааклы, Яковлы да насянь чужысьяслы. Мунӧй да босьтӧй сійӧс”.

Индӧд 26:14

Бӧрдан лунъясӧ ме эг сёй вежаторсӧ, эг инмӧдчыв сы дінӧ, кор ачым вӧлі пеж, да эг вайлы кулӧмаяслы. Ме кывзыси Господьлысь, аслам Енлысь. Вӧчи ставсӧ Тэнад тшӧктӧм серти.

Индӧд 26:7

Но ми шыасим отсӧгла Господь дінӧ, миян батьяслӧн Ен дінӧ, и Господь кыліс миянӧс. Сійӧ аддзис миянлысь шогнымӧс, мырсьӧмнымӧс да миянӧс дзескӧдӧмсӧ.

Индӧд 26:9

Сійӧ вайӧдіс миянӧс татчӧ, сетіс миянлы тайӧ мусӧ, кӧні визувтӧ йӧв да ма.

Индӧд 6:3

Кывзы, Израиль! Олӧй тайӧ тшӧктӧмъясыс серти, медым тіянлы вӧлі бур да медым сійӧ муас, кӧні визувтӧ йӧв да ма, ті чужинныд-рӧдминныд, кыдзи висьталіс тіянлы Господь, тіян батьяслӧн Ен. [Господь Ен сетіс Израиль пиянлы тайӧ индӧд-тшӧктӧмъяссӧ овтӧминын Египетысь петӧм бӧрын.]