Индӧд 24:15 - Коми Библия 2023

¹⁵ Вештысь сылы шонді пуксьытӧдзыс сійӧ жӧ лунӧ, ӧд гӧльлун вӧснаыс сійӧ виччысьӧ ассьыс удждонсӧ. Он кӧ вӧч тадзи, сійӧ шыасяс Господь дінӧ, норасяс тэ вылӧ, и тэ мыжа лоан.

Индӧд 24:15 Kruisverwysings

Иов 31:13

Ме кӧ эг вӧв веськыдӧн кесйӧгъяс дінӧ, кор найӧ норасьлісны меным,

Иов 31:38

Аслам видз-муӧй кӧ менӧ мыжалӧ, гӧрӧм муӧй кӧ ме вылӧ элясьӧ,

Иов 34:28

Мыждӧ найӧс, ӧд гӧльяслӧн бӧрдӧмыс воис Сыӧдз, коньӧръяслысь ойзӧмсӧ Сійӧ кыліс.

Иов 35:9

Йӧзыс ойзӧны дзескӧдӧмысь, горзӧны вынаяслӧн нартитӧмысь.

Иов 7:2

Кесйӧг моз сійӧ корсьӧ пуксьывны гож сайӧ, медалӧм морт моз виччысьӧ удждон.

Псалтыр 24:4

Господьӧй, инды меным Ассьыд туйтӧ, велӧд менӧ ветлыны Тэнад кок туйӧд.

Псалтыр 25:1

Давидлӧн псалом. Господьӧй, мыжды менӧ веськыда, ӧд ме ола сӧстӧма да Тэ вылӧ зумыд лача кута.

Псалтыр 86:4

Египетын да Вавилонын олысьяс йылысь, Тир карын, Филистим да Эфиопия муясын олысьяс йылысь Ме шуа, мый найӧ тӧдӧны Менӧ, шуа, мый найӧ чужлісны Сион карын.

Исай 5:7

Господь Саваофлӧн виноград йӧрыс – Израиль войтыр. Иуда войтыр – Сылӧн муса быдтасыс. Сійӧ кӧсйис аддзыны веськыда вӧчӧм, но аддзис вир кисьтӧм. Кӧсйис аддзыны веськыда олӧм, но аддзис бӧрдӧм-ойзӧм.

Еремей 22:13

– Курыд шог сылы, коді лэптӧ ассьыс керкасӧ ылӧг отсӧгӧн, оз лэпты ассьыс жыръяссӧ веськыдлун отсӧгӧн, коді уджӧдӧ матыссасӧ, а удждон оз мынты.

Левит 19:13

Некодӧс эн дзескӧд, некодлысь эн мырддяв. Медалӧм мортлысь удждонсӧ ас дінад асылӧдзыс эн кут.

Левит 25:35

«Тэнад войтырысь кӧ кодкӧ гӧльмас да оз вермы тӧждысьны ас вӧснаыс, отсав сылы. Сійӧ мед тэ ордын олас йӧз муысь локтысь морт моз.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 20:8

Рытнас овмӧс кутысь шуас уджӧн веськӧдлысьыслы: ”Кор уджалысьястӧ да мынтысь налы. Сёрӧнджык локтӧмаяслы мынты водзджык, сэсся водзынджык локтӧмаяслы”.

Марк 10:19

Тэ ӧд тӧдан тшӧктӧмъяссӧ: гозъякост олӧм эн пежав, эн ви, эн гусясь, эн пӧръясь, эн мырддьы мукӧдлысь, пыдди пукты ассьыд бать-мамтӧ».

Индӧд 15:9

Видзчысь, сьӧлӧмад эн лэдз шогмытӧм мӧвп, мый сизимӧд воыс, уджйӧз киритан воыс, матыстчӧ нин, и та вӧсна гӧль вокыдлы нинӧм он сет. Тэ кӧ он ло бур сьӧлӧма сы дінӧ, сійӧ кутас норасьны тэ вылӧ Господьлы, и тэ вылын лоӧ [ыджыд] мыж.

1 Тимофейлы 5:18

Ӧд Гижӧдыс висьталӧ: «Вартысь ӧшкӧс сёйӧмысь эн кут» и «Уджалысьлы мынтысьӧны уджыс серти».

Яков 5:4

Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.