Индӧд 22:9 - Коми Библия 2023

⁹ Виноград йӧрад эн пукты мӧд сикас быдмӧг. Пуктан кӧ, воӧм быдтассӧ ни виноград вотӧссӧ тэныд сёйны оз позь.

Индӧд 22:9 Kruisverwysings

Левит 19:19

Менам тшӧктӧмъяс серти ов. Пемӧстӧ мӧд сикас пемӧскӧд эн нӧйччӧд. Мутӧ кык сикас кӧйдысӧн эн кӧдз. Кык сикас шӧртысь – вурунысь да шабдіысь – сорлалӧмӧн кыӧм кӧлуй эн пасьтав.

Матвей 6:24

Морт оз вермы кесъявны кык ыджыдлы. Ӧтисӧ кӧ радейтӧ, мӧдсӧ мустӧмтӧ. Ӧтисӧ кӧ пыдди пуктӧ, мӧдсӧ увтыртӧ. Ті онӧ вермӧй кесъявны Енлы, кесъяланныд кӧ озырлунлы».

Матвей 9:16

Важ паськӧмтӧ оз дӧмны выль дӧра дӧмасӧн. Тадзи кӧ вӧчан, выль дӧмас дортіыс нёйдас-косяссяс паськӧмыд, розьыс ёнджыка на ыдждас.

Римӧ 11:6

Бӧрйӧмыс – буралӧмыс кузя, абу уджъяс серти. Бӧрйӧмыс кӧ вӧлі уджъяс серти, сэки эськӧ буралӧмыс эз вӧв буралӧмӧн.

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

2 Коринфӧ 11:3

Коркӧ змей наяна ылӧдліс Еваӧс. Ме пола, мый ті сы моз жӧ ылаланныд да воштанныд ассьыныд восьса йитӧднытӧ Кристоскӧд.

Индӧд 22:8

Выль керка лэптігӧн керка вевт вылад гӧгӧрыс вӧч стен, медым некод оз усь тэнад керка вевт вывсянь, и тэ он ло мыжа вир кисьтӧмысь.

Яков 3:10

Ӧти вомысь петӧ ошкӧм и ёрӧм. Вокъяс, тадзи оз вермы лоны!