Индӧд 22:8 - Коми Библия 2023

⁸ Выль керка лэптігӧн керка вевт вылад гӧгӧрыс вӧч стен, медым некод оз усь тэнад керка вевт вывсянь, и тэ он ло мыжа вир кисьтӧмысь.

Индӧд 22:8 Kruisverwysings

Ӧксыяслӧн 2 небӧг 11:2

Ӧтчыд рытладорыс Давид чеччис вольпасьсьыс да петіс ыркӧдчыны керка вевт вылас. Сэтысянь сійӧ аддзис мыссьысь-сӧстӧммӧдчысь аньӧс. Аньыс вӧлі зэв мича.

Петӧм 22:6

Биыс кӧ вуджас йӧн вылӧ, сотас зорӧдъяс, быдман нянь да видз-му, бисӧ пестысь мед вештысяс ставсьыс.

Исай 22:1

Ковтыс йылысь водзвыв висьталӧм. Тайӧ ковтыссӧ Исай аддзыліс Енсянь восьтӧмын. Мый тэ вӧчан? Мыйла тэнад олысьясыд кайӧмаӧсь керка вевт вылӧ?

Еремей 19:13

Ерусалим карлӧн керкаясыс да иудаса ӧксыяслӧн керкаясыс лоӧны Тофет кодь пежӧсь. Тадзи лоӧ став керкаясыскӧд, кӧні вевт вылас тшынӧдчисны енэжвыв кодзувъяслы да вайисны вина вись мукӧд енъяслы».

Езекиль 3:18

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс да ловйӧн коляс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Езекиль 3:20

Веськыда олысь кӧ кежас веськыдлунысь да кутас вӧчны лёксӧ, сэки Ме потшӧсала сылысь туйсӧ, и сійӧ крукасяс да кулас. Тэ кӧ он ӧлӧд сійӧс, сійӧ аслас мыж вӧсна кулас, и сылысь веськыдлуна олӧмсӧ лоӧ вунӧдӧма. Сылӧн вирысь Ме водзӧс перъя тэнсьыд.

Матвей 10:27

Мый Ме шуа тіянлы пемыдын, висьталӧй югыдын. Пеляныд вашкӧдӧмасӧ юӧртӧй керка вывсянь.

Марк 2:4

но уна йӧз вӧсна найӧ эз вермыны матыстчыны Исус дінӧ. Та вӧсна найӧ разисны керка вевтсӧ да Исус весьтті лэдзисны висьысьӧс вольпасьнас.

Ап. уджъяс 10:9

Мӧд луннас найӧ вӧлі матыстчӧны карланьыс. Буретш сэки, луншӧр кадӧ, Петыр кайис керка вылас кевмысьны.

Римӧ 14:13

Водзӧ огӧ кутӧй мыжавны ӧта-мӧднымӧс. Мӧдарӧ, видзӧдӧй, медым энӧ крукӧдӧй да энӧ уськӧдӧй вокнытӧ.

1 Коринфӧ 10:32

Энӧ лоӧй крукӧдӧн некодлы: ни иудейяслы, ни грекъяслы, ни Енлӧн вичколы.

Индӧд 22:7

Мамсӧ лэдз, а пиянсӧ верман босьтны. Тадзи кӧ вӧчан, тэныд бур лоӧ, и олӧмыд лоӧ кузь нэма.

Индӧд 22:9

Виноград йӧрад эн пукты мӧд сикас быдмӧг. Пуктан кӧ, воӧм быдтассӧ ни виноград вотӧссӧ тэныд сёйны оз позь.

Филипӧ 1:10

медым верминныд тӧдмавны медбурсӧ. Сэки Кристослӧн лунӧ ті лоанныд сӧстӧмӧсь да мыжтӧмӧсь,

1 Фессалоникаӧ 5:22

Ылыстчӧй быдпӧлӧс лёксьыс.

Ӧксыяслӧн 1 небӧг 9:25

Сэсся вись ваян мыльк вылысь найӧ бӧр лэччисны карас. Самуил да Саул пукалісны керка вевт вылын да сёрнитісны. [Сауллы вольсалісны, и сійӧ узис сэні.]