Индӧд 2:9 - Коми Библия 2023

⁹ Господь шуис меным: ”Энӧ зыксьӧй моавса войтыркӧд, энӧ панӧй накӧд тыш. Налӧн муысь Ме тіянлы нинӧм ог сет. Ӧд Ар-Моавсӧ Ме сеті Лотсянь чужысьяслы”.

Индӧд 2:9 Kruisverwysings

2 Каднебӧг 20:10

Ӧні татчӧ локтӧны аммон войтыр, моавсаяс да Сеир керӧсвыв муын олысьяс. Кор израильсаяс локтісны Египет муысь, Тэ эн лэдз налы мунны тайӧ войтыръяслӧн муясӧд. Та вӧсна израильсаяс ордйисны налысь муяссӧ да эз бырӧдны найӧс.

Псалтыр 83:8

Найӧ восьлалӧны да вынсялӧны, локтӧны Ен водзӧ Сионӧ.

Исай 15:1

Моав йылысь водзвыв висьталӧм. Войнас лоӧ куштӧма-бырӧдӧма Ар-Моавӧс. Войнас лоӧ куштӧма-бырӧдӧма Кир-Моавӧс.

Лыд 21:15

«Суфаса Вагев кар да Арнон ю ковтыс, мый нюжӧдчӧ Ар сиктӧдз да мунӧ Моав му пӧлӧн».

Лыд 21:28

Сигонлӧн Хешбон карысь ыпнитіс-петіс би, ньылыштіс Ар-Моав, сотіс найӧс, кодъяс ыджыдалісны Арнон мылькъяс вылын.

Лыд 22:4

Найӧ шуисны мадианса юрнуӧдысьяслы: «Тайӧ уна лыда Израиль войтырыс ньылыштас татысь ставнымӧс, кыдзи ӧшъяс сёйӧны став веж турунсӧ видз вылысь!» Сійӧ кадас Моав муын ӧксыаліс Сеппорлӧн Валак пиыс.

Индӧд 2:29

Сеир керӧсвыв муын олысь Исав пиян да Арын олысь моавсаяс лэдзисны миянлы мунны. Ми мунам Йӧрдан ю сайӧ, муӧ, мый Господь, миян Енным, сетас миянлы”.

Индӧд 2:5

энӧ панӧй накӧд тыш. Налӧн муысь Ме тіянлы весиг кок пыдӧс пасьта му ог сет. Ӧд Сеир керӧсвыв мусӧ Ме сеті Исавлы.

Ёрдысьяс 11:15

медым висьтавны сылы: «Со мый висьталӧ Еффай. Израиль войтыр эз мырддьыв моав да аммон войтыръяслысь муяссӧ.

Ёрдысьяс 11:17

Сэтысянь израильсаяс мӧдӧдісны юӧртысьясӧс эдомса ӧксы дінӧ, медым корны мунны сылӧн муӧд. Но эдомса ӧксы эз лэдз. Моавса ӧксылысь тшӧтш вӧлі корӧма, медым сійӧ лэдзас мунны. Но сійӧ эз лэдз. Та вӧсна Израиль войтыр кольччис Кадешӧ.

Ёрдысьяс 11:18

Сэсся войтырыс муніс овтӧминӧд, Эдом да Моав муясӧ эз пырав, но матыстчис Моав му дінӧ асывладорсяньыс. Сэні израильсаяс сувтісны чомъяснаныс Арнон ю бокӧ. Арнон ю вомӧн найӧ эз вуджны да Моав муӧ эз пырны.