Индӧд 2:8 - Коми Библия 2023

⁸ Ми мунім Сеир керӧсвыв муын олысь Исав пиян дінті, миян вокъяс дінті. Восьлалім Арава туйӧд, мый нуӧдӧ Элатсянь да Эцион-Геверсянь. Сэсся ми кежим Моав овтӧминлань.

Индӧд 2:8 Kruisverwysings

Олӧм 25:23

Господь висьталіс: – Кык войтыр тэ пытшкын, кык чужанкотыр кынӧмсьыд петас. Ӧтиыс лоӧ вынаджык мӧдсьыс, ыджыдджыкыс кутас кесъявны ичӧтджыкыслы.

Ӧксыяслӧн 3 небӧг 9:26

Соломон вӧчис корабльяс Эцион-Гевер карын. Карыс сулаліс Эдом муын Гӧрд саридз дорын, Элат карсянь матын.

Ӧксыяслӧн 4 небӧг 14:22

Амасей ӧксылӧн кулӧм бӧрын да батьясыс дінӧ вуджӧм бӧрын Азарий бӧр босьтіс Элат кар да выльысь лэптіс сійӧс.

Ӧксыяслӧн 4 небӧг 16:6

Сійӧ кадас арамейяслӧн Рецин ӧксы бӧр бергӧдіс Арамлы Элат кар да вӧтліс сэтысь Иуда войтырӧс. Сэтчӧ овмӧдчисны эдомсаяс, и найӧ ӧнӧдз сэні олӧны.

Лыд 21:4

Ор керӧссянь Израиль войтыр муніс Гӧрд саридзлань, эз пыр Эдом муӧ. Туяс войтырыс мудзис.

Лыд 33:35

Авронаысь мунӧм бӧрын сувтісны Эцион-Геверӧ.

Индӧд 1:1

Мӧисей сёрнитіс став Израиль войтыркӧд, кор найӧ вӧліны Йӧрдан ю сайын овтӧминын, Суфлы паныда ковтысын, Паран кар да Тофел, Лаван, Хацерот да Дизахав каръяс костын.

Ёрдысьяс 11:18

Сэсся войтырыс муніс овтӧминӧд, Эдом да Моав муясӧ эз пырав, но матыстчис Моав му дінӧ асывладорсяньыс. Сэні израильсаяс сувтісны чомъяснаныс Арнон ю бокӧ. Арнон ю вомӧн найӧ эз вуджны да Моав муӧ эз пырны.