Индӧд 2:34 - Коми Библия 2023

³⁴ Ми босьтім сылысь став карсӧ. Ми дзикӧдз бырӧдім налысь каръяссӧ, айуловӧс, аньясӧс да челядьӧс. Некодӧс ловйӧн эгӧ кольӧй.

Индӧд 2:34 Kruisverwysings

Индӧд 3:6

Ми дзикӧдз бырӧдім налысь каръяссӧ, айуловӧс, аньясӧс да челядьӧс, кыдзи вӧчим хешбонса Сигон ӧксылы.

Индӧд 7:2

Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.

Индӧд 7:26

Зывӧкторсӧ энӧ пыртӧй асланыд керкаясӧ, медым зывӧкторсӧ моз тіянӧс эз бырӧдны. Мустӧмтӧй-зывӧктӧй идолъясӧс, найӧс колӧ дзикӧдз бырӧдны».

Нав Исус 10:28

Тайӧ лунӧ Исус босьтіс Македа кар, шыпуртӧн виис сэтчӧс олысьясӧс да налысь ӧксысӧ. Дзикӧдз бырӧдіс став ловъя олысьсӧ. Некод ловйӧн эз коль [и эз пышйы]. Македаса ӧксылы Исус вӧчис ериконса ӧксылы моз.

Нав Исус 10:40

Исус босьтіс керӧсвыв му, Негев му, нӧшта рытыввыв да асыввыв керӧсбердса муяс, виис сэтчӧс ӧксыясӧс да олысьясӧс. Исус дзикӧдз бырӧдіс став ловъя олысьсӧ, кыдзи тшӧктіс Господь, Израильлӧн Ен.

Нав Исус 11:14

Тайӧ каръясысь шедӧдӧмторсӧ да ыж-мӧссӧ Израиль пиян босьтісны аслыныс. А став йӧзсӧ виалісны шыпуртӧн, ловъя морт эз коль.

Нав Исус 6:21

Тайӧ муас кыйӧдчыны волысь кык мортлы Исус шуис: «Мунӧй кырсалысь аньлӧн керкаӧ да кыв сетӧм сертиныд петкӧдӧй сійӧс да став сылысь гортсасӧ».

Нав Исус 7:11

Израиль войтыр мыж вӧчис. Найӧ торкисны йитӧдӧс, мый Ме кӧрталі накӧд. Меным сиӧмторйысь аслыныс юкӧн босьтісны. Тадзи найӧ гусясисны да гусялӧмторсӧ асланыс кӧлуй улас дзебисны.

Нав Исус 9:24

Найӧ шуисны Исуслы: «Миянлы, тэнад кесйӧгъяслы, юӧртісны, мый Господь, тіян Енныд, тшӧктӧма Аслас Мӧисей кесйӧглы, сетны тіянлы став тайӧ мусӧ да бырӧдны [миянӧс да] тайӧ муас олысьяссӧ. Ми ёна полім, мый ті бырӧданныд миянӧс, та вӧсна тадзи вӧчим.

Ӧксыяслӧн 1 небӧг 15:3

Ӧні мун да пасьварт амаликъясӧс [да ерим войтырӧс]. Бырӧд ставсӧ, мый налӧн эм. [Эн босьт аслыд нинӧм, но бырӧд ставсӧ да сет ёрӧм улӧ.] Эн жалит найӧс, виав айуловӧс и аньясӧс, челядьӧс и пузчужӧм кагаясӧс. Виав тшӧтш налысь ӧшъяссӧ, ыжъяссӧ, верблюдъяссӧ да осёлъяссӧ”».