Индӧд 2:14 - Коми Библия 2023

¹⁴ Сійӧ кадсяньыс, кор ми мунім Кадеш-Варниысь, да сійӧ кадӧдзыс, кор ми вуджим Заред ковтыс, коли комын кӧкъямыс во. Тайӧ кадӧ Израиль войтыр пӧвстысь кулісны ставныс, кодъяс вӧліны тышкайӧз лыдын, кор ми петім Египетысь. Кыдзи кыв сетӧмӧн шуис Господь [Ен],

Индӧд 2:14 Kruisverwysings

Псалтыр 106:26

Корабльын кывтысьяс кыптылісны енэжӧдзыс, усьлісны саридз пыдӧсӧдзыс, полӧмнысла налӧн сьӧлӧмныс лэччывліс коклябӧрӧдзыс.

Псалтыр 90:15

Сійӧ шыасяс Ме дінӧ, и Ме вочавидза сылы. Ме лоа сыкӧд сьӧкыд нуигас, мезда сійӧс да нимӧда сійӧс.

Псалтыр 90:3

Господь видзӧ тэнӧ налькйӧ шедӧмысь, мездӧ тэнӧ пӧрӧс висьӧмысь.

Псалтыр 90:9

Ӧд Господь – тэнад лачаыд, Медвылыссаӧс тэ бӧрйин аслыд сайӧдчанінӧн.

Псалтыр 95:11

Мед гажӧдчас енэжыс, мед нимкодясяс муыс, мед шызяс саридзыс да став сэні олысьыс,

Езекиль 20:15

Овтӧминын Ме киӧс лэптӧмӧн кыв сеті налы, мый ог петкӧд найӧс сійӧ муас, мый кӧсйыси сетны налы, мича да бур муӧ, кӧні визувтӧ йӧв да ма.

Лыд 1:1

Синай овтӧминын, вежа чомйын, Господь сёрнитіс Мӧисейкӧд. Тайӧ вӧлі Египетысь петӧм бӧрын мӧд вонас, мӧд тӧлысьлӧн медводдза лунӧ. Господь шуис:

Лыд 13:26

Нелямын лун чӧж мусӧ видзӧдалӧм бӧрын найӧ бӧр локтісны

Лыд 32:11

”Египетысь петӧм йӧзыс, кызь арӧса да ыджыдджык арлыда айулов, [кодъяс тӧдӧны бурсӧ и лёксӧ,] оз аддзыны мусӧ, мый йылысь Ме кыв сеті Ӧвраамлы, Исааклы да Яковлы. Ӧд тайӧ йӧзыс эз кывзысьны Менсьым.

1 Коринфӧ 10:5

Но унджыкыс на пиысь эз шогмыны Енмыслы да кулісны овтӧминын.

Индӧд 1:19

Хорив керӧссянь ми мӧдӧдчим водзӧ, мунім паськыд да повзьӧдана овтӧминӧд. Сійӧс ті аддзылінныд, кор ми мунім аморейяслӧн керӧсвыв мулань асланым Господь Енлӧн тшӧктӧм серти. Сэсся ми воим Кадеш-Варниӧ.

Индӧд 1:2

Дас ӧти лун колӧ вӧлі мунны Сеир керӧсвыв муӧд Хорив керӧссянь Кадеш-Варниӧдз.

Индӧд 1:46

Та вӧсна тіянлы ковмис кольччыны Кадешӧ дыр кежлӧ».

Индӧд 2:13

Господь тшӧктіс миянлы вуджны Заред ковтыс. Ми тадзи и вӧчим.

Индӧд 2:16

Кор войтыр пӧвстысь став тышкайӧзыс кулісны,

Индӧд 2:7

Господь, тіян Енныд, бурсиис тіянлысь уджнытӧ, видзис тіянӧс тайӧ паськыд [да повзьӧдана] овтӧминтіыс ветліганыд. Нелямын во чӧж Господь, тіян Енныд, вӧлі тіянкӧд, и тіян ставыс вӧлі тырмана”.

Нав Исус 24:7

Сэки батьясныд шыасисны отсӧгла Ме дінӧ, и Ме торйӧді найӧс египетсаясысь [кымӧрӧн да] пемыдӧн. Ме кыпӧді-бузниті саридз гыяс египетсаяс вылӧ да пӧдті найӧс. Асланыд синмӧн ті аддзылінныд ставсӧ, мый Ме вӧчи Египетын. Та бӧрын дыр кад чӧж ті олінныд овтӧминын.

Нав Исус 5:4

[Египетысь петӧм бӧрын овтӧминті мунігкості чужӧм Израиль пиян вӧліны вундыштчытӧмӧсь.] Исус вундыштіс став айуловсӧ, ӧд Египетысь петӧм бӧрын ставныс, кодъяс вермисны петны тышӧ, овтӧминын кулалісны.

Нав Исус 5:6

Ӧд Израиль войтыр нелямын [кык] во чӧж ветлӧдліс овтӧминті. [Та вӧсна унаӧс абу на вӧлі вундыштӧма.] Египетысь петӧм израильса тышкайӧз эз нин вӧвны ловъяӧсь, ӧд найӧ эз кывзысьны Господьлысь. Господь кыв сетӧмӧн шуліс налы, мый найӧ оз аддзыны мусӧ, кӧні визувтӧ йӧв да ма, мусӧ, мый налӧн батьяслы кыв сетӧмӧн Господь кӧсйысис сетны миянлы.

Иуда 1:5

Ті, дерт, тӧданныд нин ставсӧ, но кӧсъя казьтыштны тіянлы, мый Господь мездіс Ассьыс войтырсӧ Египет муысь, но бӧрыннас на пӧвстысь бырӧдіс эскытӧмъясӧс.