Индӧд 18:5 - Коми Библия 2023

⁵ Ӧд Господь, тіян Енныд, чужанкотыръясныд пӧвстысь бӧрйис Левийӧс да сысянь чужысьясӧс, медым найӧ став олан лунъяс чӧжныс кесъялісны Господьлы [тіян Енлы, да бурсиисны Господь нимӧн].

Индӧд 18:5 Kruisverwysings

Петӧм 29:9

Сэсся вӧньӧд Ааронӧс да сылысь пиянсӧ, юр выланыс пукты юрвевттьӧд. Аарон да сылӧн пияныс пыр кежлӧ лоӧны попъясӧн. Пукты найӧс кесъявны.

Лыд 16:5

Сэсся Корейлы да сылӧн йӧзыслы шуис: «Аски Господь петкӧдлас, коді вежа, коді Сылӧн, да кодлы Сійӧ лэдзӧ матыстчыны Ас дінас. Кодӧс Господь бӧръяс, сійӧс и лэдзас матыстчыны Ас дінас.

Лыд 25:13

Тайӧ йитӧд сертиыс сылы да сысянь чужысьяслы нэмъяс кежлӧ шуӧма кесъявны попъясӧн. Ӧд сійӧ петкӧдліс аслас Ен вӧсна вежӧгтӧмсӧ, и тадзи вештіс Израиль пиянлысь мыжсӧ».

Лыд 3:10

Ааронлы пияныскӧд тшӧкты [видзӧдны вежа чом бӧрся да] кесъявны попъясӧн. [Найӧ мед видзӧдасны ставыс бӧрся, мый эм висьпуктанін гӧгӧр да Вежаинын ӧшалысь дӧра сайын.] Но бокыса морт кӧ матыстчас вежа чом дорӧ, сійӧс лоӧ виӧма».

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Индӧд 17:12

Но коді кутас ышнясьны да оз кывзысь поплысь, коді кесъялӧ сэні Господь Енныд водзын, либӧ оз кывзысь [сійӧ кадас уджалысь] ёрдысьлысь, сійӧс колӧ вины. Бырӧдӧй Израильысь лёксӧ.