Индӧд 18:16 - Коми Библия 2023

¹⁶ Тадзи збыльмас сійӧ, мый ті коринныд Господьлысь, асланыд Енлысь, кор войтырыс чукӧртчис Хорив керӧс бокын. Ті ӧд шуинныд: ”Водзӧ ми огӧ вермӧй кывзыны асланым Господь Енлысь гӧлӧс шысӧ да видзӧдны тайӧ ыджыд би вылас. Ми полам, мый кулам”.

Индӧд 18:16 Kruisverwysings

Петӧм 20:18

Став войтырыс аддзис гымалӧм-чардалӧм да тшынасьысь керӧс, кыліс буксан шы. Тайӧс аддзӧмысь найӧ бӧрыньтчӧмӧн сувтісны ылӧджык.

Петӧм 20:19

Найӧ шуисны Мӧисейлы: «Тэ сёрнит миянкӧд, а ми кутам кывзыны. Енмыс мед оз сёрнит миянкӧд, медым ми эгӧ кулӧй».

Еремей 1:9

Господь нюжӧдіс кисӧ, инмӧдчыліс менам вомӧ да шуис меным: – Ассьым кывъясӧс Ме пукті тэнад вомӧ.

Индӧд 1:6

«Хорив керӧсын Господь, миян Енным, шуис: ”Тырмас тіянлы тайӧ керӧс бокас овнысӧ.

Индӧд 10:4

Изпӧвъяс вылас Господь гижис дас тшӧктӧм, мый вӧлі гижӧма воддзаясас. Тайӧ тшӧктӧмъяссӧ Господь висьталіс тіянлы керӧсвывса би пытшсянь тіян ӧтлаын чукӧртчигӧн. Изпӧвъяссӧ Господь сетіс меным.

Индӧд 9:10

Господь сетіс меным кык изпӧв, кытчӧ Аслас киӧн Сійӧ вӧлі гижӧма ставсӧ, мый висьтавліс нин тіянлы керӧсвывса би пытшсянь тіян ӧтлаын чукӧртчигӧн.

Еврейяслы 12:19

локтінныд энӧ труба шы улӧ да гора сёрни шы улӧ. Тайӧ шысӧ кылысьяс корисны Енсӧ, медым дугдіс накӧд сёрнитны.