13 Лоӧй Господь Енныд водзын сӧстӧмӧсь.
Ӧврамлы вӧлі ӧкмысдас ӧкмыс арӧс, кор Господь петкӧдчис сылы да шуис: «Ме – Ставсӧвермысь Ен, ов Ме водзын сӧстӧма.
Ной да сысянь чужысьяс йылысь. Сійӧ кадас сӧмын Ной оліс веськыда да кывзысис Енлысь. Сійӧ вӧлі сӧстӧм сьӧлӧма морт.
Тіян сьӧлӧмныд мед лоӧ йитчӧма Господькӧд, миян Енкӧд, медым и водзӧ ті олінныд Сылӧн индӧд-тшӧктӧмъяс серти».
Уц муын оліс Иов нима морт. Сійӧ вӧлі сӧстӧм сьӧлӧма веськыд морт, поліс Енсьыс да ӧтдортчис лёксьыс.
«Казялін-ӧ Менсьым Иов кесйӧгӧс? – юаліс Господь. – Му вылас ӧд сы кодь мӧдыс абу. Сійӧ сӧстӧм сьӧлӧма веськыд морт, полӧ Енсьыс да ӧтдортчӧ лёксьыс».
Лоӧй енэжвыв Батьныд моз тырвыйӧ бурӧсь».
Ме ог шу, мый вои нин тыр-бурас, но зіля воны тыр-бурас, ӧд татчӧ менӧ корис Исус Кристос.
Сідзкӧ, коді миян пиысь лыддьӧ асьсӧ тыр-бурас воысьӧн, сійӧ мед мӧвпалӧ миян моз. А мӧвпаланныд кӧ мӧд ногӧн, Енмыс восьтас тайӧс тіянлы.
Сідзкӧ, полӧй Господьысь да кесъялӧй Сылы сӧстӧм сьӧлӧмӧн да веськыда. Эновтчӧй енъясысь, кодъяслы кесъялісны батьясныд Ефрат ю сайын да Египетын. Кесъялӧй сӧмын Господьлы.
Садьмӧдчы да ёнмӧд сійӧ, мый тэнад эм – сійӧ, мый куланвыйын нин. Ме ӧд аддза, мый тэнад уджъясыд Менам Ен водзын абу тыр-бурӧсь.
