Индӧд 17:9 - Коми Библия 2023

⁹ Матыстчӧй сэні поп-левитъяс дінӧ да сійӧ кадас уджалысь ёрдысь дінӧ и юалӧй налысь. Найӧ висьталасны, кыдзи колӧ веськыда мыждыны.

Индӧд 17:9 Kruisverwysings

1 Каднебӧг 26:29

Ицгар рӧдысь Кенанийӧс да сылысь пиянсӧ вӧлі индӧма Израиль войтырлӧн гижалысьясӧн да ёрдысьясӧн.

Петӧм 18:16

Асланыс вензьӧмъясӧн найӧ локтӧны ме дінӧ. Ме ёрдысь на костын. Ме тӧдмӧда найӧс Енлӧн индӧд-тшӧктӧмъясӧн».

Петӧм 22:8

Гусясьысьыс кӧ оз сюр, сетӧмторсӧ видзысьыс мед локтас ёрдысь водзӧ да кыв сетас, мый эз гусясь.

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Езекиль 44:24

Попъяслы колӧ ёрдын видлавны вензьӧмъяс да веськыда мыждыны Менам тшӧктӧмъяс серти. Налы колӧ вежӧдны Менсьым шойччан лунӧс да тӧждысьны, медым Менсьым вежа гажӧдчан лунъяс пасйисны Менам индӧд-тшӧктӧмъяс серти.

Аггей 2:11

«Господь Саваоф тадзи висьталӧ: юав попъяслысь, мый Индӧдыс висьталӧ та йылысь.

Закар 3:7

«Господь Саваоф тадзи висьталӧ: тэ кӧ пондан ветлыны Менам туйясӧд да овны Менам тшӧктӧмъяс серти, сэки кутан веськӧдлыны Менам керкаӧн, юравны Менам йӧрын. Ме лэдза тэнӧ Ас дінӧ тані сулалысь анделъясӧс моз».

Закар 7:3

да юавны пророкъяслысь да Господь Саваоф крамын кесъялысь попъяслысь, колӧ-ӧ миянлы витӧд тӧлысьнас видзалӧмӧн пасйыны бӧрдан лун, кыдзи уна во чӧж нин ми вӧчам.

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Индӧд 16:18

«Быд карын, мый Господь, тіян Енныд, сетас тіянлы, индӧй чужанкотыръяслы ёрдысьясӧс да веськӧдлысьясӧс. Найӧ мед веськыда мыждасны войтырӧс.

Индӧд 17:10

Ставсӧ вӧчӧй сы серти, мый найӧ тшӧктасны тіянлы сійӧ местаас, мый бӧръяс Господь [тіян Енныд, медым сэні ті шыасинныд Сы дінӧ]. Ставсӧ вӧчӧй налӧн туйдӧдӧм серти,

Индӧд 21:5

Сэтчӧ мед локтасны попъяс, Левийсянь чужысьяс, кодъясӧс Господь, тіян Енныд, бӧрйис, медым найӧ кесъялісны Сылы да бурсиисны Сылӧн нимӧн. Ӧд быдсикас вензьӧм да дойдӧм колӧ видлавны, сэсся мыждыны попъяслӧн шуӧм серти.

Индӧд 25:1

Локтасны кӧ ёрд водзӧ кык вензьысь, сэні мед веськыда мыждасны. Мыжтӧмӧс мед шуасны мыжтӧмӧн, а мыжаӧс мед мыждасны.

Индӧд 33:10

Яковӧс велӧдӧ Тэнад тшӧктӧмъясӧ, Израильӧс – Тэнад Индӧдӧ. Тэ водзын тшынӧдӧ чӧскыд ӧвтантор, висьпуктанін вылын сотӧ Тэныд висьяс.