Индӧд 17:8 - Коми Библия 2023

⁸ «Асланыд карын кор ті кутанныд видлавны виӧм, вензьӧм либӧ дойдӧм йылысь могъяс, и тіянлы лоӧ сьӧкыд веськыда мыждыны, сэки мунӧй сійӧ местаас, мый Господь, тіян Енныд, бӧръяс [медым сэні ті шыасинныд Сы дінӧ].

Индӧд 17:8 Kruisverwysings

Ӧксыяслӧн 2 небӧг 15:2

Сійӧ чеччыліс водз асывнас да сувтліс карса дзиръялань мунан туй вылӧ. Кор кодкӧ вӧлі локтӧ ёрдӧ, мед ӧксы видлаліс сылысь могсӧ, Авессалом сувтӧдліс сійӧс да юавліс, кутшӧм карысь пӧ тэ. Мӧдыс вочавидзліс, ме пӧ, тэнад кесйӧг, израильса татшӧмтӧ чужанкотырысь.

1 Каднебӧг 26:29

Ицгар рӧдысь Кенанийӧс да сылысь пиянсӧ вӧлі индӧма Израиль войтырлӧн гижалысьясӧн да ёрдысьясӧн.

Петӧм 18:15

Мӧисей висьталіс тесьтыслы: «Войтырыс локтӧ ме дінӧ юасьны Енлысь кӧсйӧмсӧ.

Петӧм 18:26

Найӧ вӧліны войтырлы ёрдысьясӧн, видлалісны ичӧт могъяс. А сьӧкыд могъясӧн войтыр локтіс Мӧисей дінӧ.

Петӧм 21:20

Коді беддьӧн вачкас кесйӧгсӧ либӧ кесйӧг аньсӧ кувмӧныс, сійӧс мед мыждасны.

Петӧм 21:22

Зык-вен дырйи кӧ морт вачкас кынӧма аньӧс, и кагаыс петас, но кага воштӧмысь ӧтдор аньлӧн мукӧдлаті оз доймав, таысь мыжаыс мед вештысяс, мыйта шуас аньлӧн верӧсыс либӧ ёрдысь.

Петӧм 21:28

«Айловӧс либӧ аньӧс кувмӧныс люкалысь ӧшкӧс изъялӧй. Сылысь яйсӧ энӧ сёйӧй. Кӧзяиныс абу мыжа.

Петӧм 22:2

Коді суас керка помсьыс гусясьысьӧс да кувмӧныс вачкас сійӧс, морт виӧмысь оз ло мыжа.

Петӧм 22:8

Гусясьысьыс кӧ оз сюр, сетӧмторсӧ видзысьыс мед локтас ёрдысь водзӧ да кыв сетас, мый эз гусясь.

Езекиль 44:24

Попъяслы колӧ ёрдын видлавны вензьӧмъяс да веськыда мыждыны Менам тшӧктӧмъяс серти. Налы колӧ вежӧдны Менсьым шойччан лунӧс да тӧждысьны, медым Менсьым вежа гажӧдчан лунъяс пасйисны Менам индӧд-тшӧктӧмъяс серти.

Аггей 2:11

«Господь Саваоф тадзи висьталӧ: юав попъяслысь, мый Индӧдыс висьталӧ та йылысь.

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Лыд 35:11

бӧрйӧй аслыныд каръяс, кытчӧ вермас пышйыны быдӧн, коді мӧвпышттӧг виас мортӧс.

Лыд 35:16

Коді вачкас мӧд мортӧс кувмӧныс кӧртысь вӧчӧмторйӧн, сійӧ лоӧ морт виысьӧн, а морт виысьӧс колӧ вины.

Индӧд 1:17

Ёрд вылын ӧткодя кывзӧй тӧдчана да абу тӧдчана мортӧс. Энӧ полӧй мортысь, ӧд мыждӧмыс Енсянь. А могыс кӧ тіянлы сьӧкыд, локтӧй ме дорӧ, и ме ачым видлала сійӧс”.

Индӧд 12:11

Кутшӧм места Господь, тіян Енныд, бӧръяс Аслас нимлы оланінӧн, сэтчӧ вайӧй ставсӧ, мый ме [талун] тшӧкта тіянлы: сотан висьястӧ да мукӧд висьястӧ, мувыв быдтасысь дасӧд юкӧнтӧ, вайӧмторъястӧ да кыв сетан медбур висьнытӧ, мый кӧсйысинныд Господьлы [асланыд Енлы].

Индӧд 12:14

Кутшӧм чужанкотырлӧн муын Господь [тіян Енныд] бӧръяс места, сэні вайӧй сотан висьяснытӧ. Сэні вӧчӧй ставсӧ, мый ме [талун] тшӧкта.

Индӧд 12:5

Господь, тіян Енныд, бӧръяс Аслас нимлы оланін ӧти чужанкотырлӧн муын. Сэтчӧ мунӧй

Индӧд 19:17

сэки кыкнанныслы колӧ локны Господь водзӧ, сувтны попъяс да ёрдысьяс водзӧ, кодъяс сійӧ кадас уджалӧны.

Индӧд 19:4

Мортыс кӧ оз лӧгав матыссаыс вылӧ, а мӧвпышттӧг виас сійӧс, вермас пышйыны татшӧм карас да ловйӧн кольны.

Индӧд 21:5

Сэтчӧ мед локтасны попъяс, Левийсянь чужысьяс, кодъясӧс Господь, тіян Енныд, бӧрйис, медым найӧ кесъялісны Сылы да бурсиисны Сылӧн нимӧн. Ӧд быдсикас вензьӧм да дойдӧм колӧ видлавны, сэсся мыждыны попъяслӧн шуӧм серти.

Индӧд 25:1

Локтасны кӧ ёрд водзӧ кык вензьысь, сэні мед веськыда мыждасны. Мыжтӧмӧс мед шуасны мыжтӧмӧн, а мыжаӧс мед мыждасны.