Индӧд 17:5 - Коми Библия 2023

⁵ сэки сійӧс вӧчысь айловӧс либӧ аньӧс вайӧдӧй карса дзиръя дорӧ да изъялӧй кувтӧдзыс.

Индӧд 17:5 Kruisverwysings

Иов 31:28

тайӧ эськӧ тшӧтш вӧлі мыжӧн, мыйысь колӧ мыждыны, тайӧ эськӧ вӧлі Медвылысса Енмысь соссьӧм.

Петӧм 22:19

Быдӧнӧс, коді узьлӧ пемӧскӧд, колӧ вины.

Левит 20:2

«Висьтав Израиль пиянлы: мед виасны мортӧс, коді сетас ныв-писӧ Молок идоллы. Израиль войтыр мед изъялас тайӧ мортсӧ, Израиль войтырысь-ӧ сійӧ либӧ йӧз муысь локтысь.

Левит 24:14

«Петкӧд тайӧ омӧльтысьсӧ чомъяс сайӧ. Найӧ, кодъяс кывлісны сылысь омӧльтӧмсӧ, мед пуктыласны кинысӧ сылы юр вылас. Сэсся став войтырыс мед изъялас сійӧс.

Левит 24:16

Господьлысь нимсӧ омӧльтысьӧс колӧ вины. Став войтырыс мед изъялас сійӧс. Вужвойтырысь либӧ йӧз муысь локтысьяс пӧвстысь коді кутас омӧльтны Господьлысь нимсӧ, сійӧс мед виасны.

Индӧд 13:5

А пророкӧс да вӧтъяс аддзылысьӧс колӧ вины, мыйла сійӧ ышӧдіс тіянӧс паныд кыпӧдчыны Господьлы, тіян Енлы, коді петкӧдіс тіянӧс Египетысь да мездіс нартитӧм улысь. Бырӧдӧй лёксӧ ас пӧвстсьыныд, ӧд татшӧм мортыс кежӧдӧ тіянӧс туйысь, кыті Господь, тіян Енныд, тшӧктіс тіянлы муннысӧ.

Индӧд 17:4

и ті кыланныд та йылысь, сэки бура тӧдмалӧй та йылысь. И Израильын кӧ вӧлі вӧчӧма татшӧм зывӧксӧ,

Индӧд 21:21

Карса олысьяс мед изъяласны сійӧс кувтӧдзыс. Бырӧдӧй лёксӧ ас пӧвстсьыныд. Став Израиль войтыр мед кылас та йылысь да кутас повны.

Индӧд 22:21

сэки аньсӧ мед вайӧдасны бать керка ӧдзӧс дорас, и карса айулов мед изъяласны сійӧс кувтӧдзыс. Ӧд бать керкаын олігас сійӧ кырсалӧмнас шогмытӧмтор вӧчис Израильын. Бырӧдӧй лёксӧ ас пӧвстсьыныд.

Индӧд 22:24

тіянлы колӧ кыкнаннысӧ вайӧдны карса дзиръя дорӧ да кувтӧдзныс изъявны – нывсӧ сыысь, мый эз горзы, ӧд карын позьӧ вӧлі корны отсӧг, а айловсӧ сыысь, мый янӧдіс матыссаыслысь гӧтырсӧ. Бырӧдӧй лёксӧ ас пӧвстсьыныд.

Нав Исус 7:25

Исус шуис: «Сыысь, мый тэ вайин миянлы шог, Господь вайӧ талун шогсӧ тэныд». Израильсаяс изъялісны Аканӧс да сылысь котырсӧ, сэсся сотісны да тыртісны изъясӧн.

Ёрдысьяс 6:31

Но Йоас шуис налы: «Ті кӧсъянныд дорйыны Ваалӧс? Кӧсъянныд сылы отсавны? Коді кутас дорйыны Ваалӧс, сійӧс асылӧдзыс мед виасны. Ваал кӧ ен, мед ачыс асьсӧ дорйӧ, ӧд Гедеон жугӧдӧма сылысь висьпуктанінсӧ».