Индӧд 17:3 - Коми Библия 2023

³ кутас кесъявны-юрбитны мукӧд енъяслы, шонділы, тӧлысьлы да кодзувъяслы, мыйысь Господь ӧлӧдіс тіянӧс –

Индӧд 17:3 Kruisverwysings

Олӧм 2:1

Тадзи вӧлі вӧчӧма енэжсӧ, мусӧ да ставсӧ, мый сэні эм.

Ӧксыяслӧн 4 небӧг 21:3

Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Вааллы висьпуктанінъяс, израильса Ахав ӧксы моз сувтӧдіс юрбитан пуяс, юрбитіс енэжвыв вынъяслы.

Петӧм 22:20

Коді вайӧ вись мукӧд енъяслы Господьлы кындзи, сійӧс мед лоӧ бырӧдӧма.

Еремей 19:5

Найӧ лэптісны Ваал идоллы вись ваян мылькъяс, медым сотан вись пыдди вайны Вааллы ассьыныс ныв-пинысӧ. Но татшӧмторсӧ Ме эг тшӧктывлы вӧчнысӧ, тайӧ Меным абу сьӧлӧм серти.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 7:31

Бен-Хинном ковтысын найӧ лэптісны Тофет нима вись ваян мыльк, медым сотны сэні ассьыныс ныв-пинысӧ. Но тайӧс Ме эг тшӧктывлы вӧчнысӧ, тайӧ Меным абу сьӧлӧм серти.

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Езекиль 8:16

Господь вайӧдіс менӧ крамлӧн пытшкӧс йӧрӧ. Крам пыранін дорын, посводз да висьпуктанін костын, сулалісны кызь вит кымын айлов. Найӧ сулалісны Господьлӧн крамлы мышкӧн, чужӧмнаныс асыввылӧ, да копрасисны шонділы.

Индӧд 11:16

Видзчысьӧй, медым сьӧлӧмныд эз ылав. Веськыд туйсьыс энӧ кежӧй, мукӧд енъяслы энӧ кесъялӧй да энӧ юрбитӧй.

Индӧд 17:4

и ті кыланныд та йылысь, сэки бура тӧдмалӧй та йылысь. И Израильын кӧ вӧлі вӧчӧма татшӧм зывӧксӧ,

Индӧд 4:19

Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.

Нав Исус 23:16

Ті кӧ торканныд асланыд Господь Енлысь йитӧдсӧ, мый Сійӧ кӧрталіс тіянкӧд, да кутанныд кесъявны-юрбитны мукӧд енъяслы, сэки Господьлӧн скӧрлуныс ӧзъяс тіян вылӧ, и регыдъя кадӧн ті быранныд тайӧ бур му вывсьыс, мый Господь сетіс тіянлы».