Индӧд 17:16 - Коми Библия 2023

¹⁶ Ӧксыныд мед оз лӧсьӧд уна вӧв да оз мӧдӧд ассьыс йӧзсӧ Египетӧ, медым ньӧбны сэтысь вӧвъясӧс. Ӧд Господь шуис тіянлы, сэтчӧ пӧ бӧрсӧ энӧ бергӧдчӧй.

Индӧд 17:16 Kruisverwysings

Ӧксыяслӧн 2 небӧг 8:4

Давид босьтіс сылысь сюрс сизимсё верзьӧмаӧс да кызь сюрс подаӧс. Давид кольӧдіс аслыс тарантаса сё вӧлӧс, а мукӧд вӧлыслысь сӧнсӧ сійӧ вундаліс.

Ӧксыяслӧн 3 небӧг 1:5

Адоний, кодлӧн мамыс вӧлі Агита, асьсӧ вылӧ пуктіс да шуаліс, ме пӧ лоа ӧксыӧн. Сійӧ лӧсьӧдіс аслыс тарантасъяс, верзьӧмаясӧс да ветымын тышкамортӧс, кодъяс ветлісны сы водзвылын да видзисны сійӧс.

Ӧксыяслӧн 3 небӧг 4:26

Соломонлӧн вӧліны вӧв картаяс, кӧні видзисны нелямын сюрс тарантасӧ доддялан вӧвъясӧс. Сылӧн вӧлі дас кык сюрс верзьӧма.

Ӧксыяслӧн 3 небӧг 5:6

Сідзкӧ, тшӧкты пӧрӧдны Ливанысь сус пуяс. Менам кесйӧгъяс тшӧтш кутасны уджавны тэнад кесйӧгъяскӧд. Ме мынтыся тэнад йӧзлы, мыйтӧм шуан. Тэ ӧд ачыд тӧдан, мый сидонса кодь бур пӧрӧдчысьясыс менам абуӧсь».

2 Каднебӧг 1:16

Вӧвъяссӧ Соломонлы вайлісны Египетысь да Куваысь. Найӧс ньӧблісны ӧксылӧн вузасьысьяс.

2 Каднебӧг 9:25

Соломонлӧн вӧлі нёль сюрс лэбув, кӧні видзисны вӧвъясӧс да тарантасъяс. Сылӧн вӧлі дас кык сюрс верзьӧма, кодъясӧс сійӧ овмӧдіс тарантаса тышкайӧзлы торйӧдӧм каръясӧ да аслас Ерусалим карӧ.

Псалтыр 20:7

бурсиин сійӧс нэмъяс кежлӧ. Тэ сетан сылы нимкодясьны Аслад чужӧмбан водзын.

Петӧм 13:17

Кор фараон лэдзис Израиль войтырӧс, Енмыс эз нуӧд найӧс филистимсаяслӧн му пыр, кӧть тайӧ вӧлі медся дженьыд туйыс. Ен мӧвпыштіс, мый Израиль войтыр вермас бӧр бергӧдчыны Египетӧ, на вылӧ кӧ уськӧдчасны филистимсаяс.

Петӧм 13:18

Та вӧсна Ен нуӧдіс войтырсӧ Гӧрд саридзлань кытшола туйӧд, овтӧминті. Израиль войтыр петіс Египет муысь тышкайӧз моз чукӧръясӧн.

Петӧм 14:13

Мӧисей шуис войтырыслы: «Энӧ полӧй. Сулалӧй да видзӧдӧй, кыдзи Господь талун мездас тіянӧс. Египетса йӧзӧс, кодъясӧс ті ӧні аддзанныд, сэсся онӧ нин аддзылӧй.

Исай 2:7

Тэнад войтырлӧн муыс озыр эзысьӧн да зарниӧн, озырлуныс помтӧм-дортӧм. Налӧн эм уна вӧв, тарантасъяслӧн лыдыс лыдтӧм-тшӧттӧм.

Еремей 42:19

Иудалӧн коляс войтырыс, кывзӧй! Господь висьталӧ тіянлы: ”Энӧ мунӧй Египетӧ!” Тӧдӧй, талун ме ӧлӧді тіянӧс.

Езекиль 17:15

Но иудаса ӧксы кыпӧдчис вавилонса ӧксылы паныд. Сійӧ мӧдӧдіс ассьыс йӧзсӧ Египетӧ, медым найӧ ваясны сэтысь вӧвъясӧс да уна лыда тышкайӧзӧс. Но лоӧ-ӧ сылы бур? Сёрнитчӧмсӧ торкысь морт оз пышйы мыждӧмысь.

Осий 11:5

Найӧ эз кӧсйыны бергӧдчыны Ме дінӧ, та вӧсна налы бӧр ковмас мунны Египетӧ, Ассур кутас ыджыдавны на вылын.

Осий 14:3

Кевмысьӧмӧн бергӧдчӧй Господь дінӧ, шуӧй Сылы: прӧстит миянлысь мыжъяснымӧс да сибӧд миянлысь козиннымӧс, ӧш пыдди ми ваям Тэныд кевмысьӧмнымӧс.

Микей 5:10

Сійӧ лунӧ, – висьталӧ Господь, – Ме бырӧда тіянлысь вӧвъяснытӧ, жугла тарантасъяснытӧ,

Индӧд 28:68

Господь бӧр бергӧдас тіянӧс Египетӧ корабльяс вылын сійӧ туйӧдыс, мый йылысь ме шулі тіянлы, мый некор сэсся онӧ аддзылӧй сійӧс. Сэні ті ставныд, айулов и аньяс, кутанныд вӧзйыны вӧрӧглы, медым босьтас тіянӧс кесйӧг туйӧ, но некод оз ньӧб тіянӧс».

Ӧксыяслӧн 1 небӧг 8:11

Сійӧ висьталіс налы: «Со, мый вӧчас ӧксы, коді кутас ыджыдавны тіян вылын: сійӧ босьтас тіянлысь пияннытӧ аслас тышкайӧз лыдӧ. Ӧтиясӧс сійӧ индас веськӧдлыны тарантасъясӧн, мӧдъясӧс пуктас верзьӧмаясӧ, а коймӧдъяслы тшӧктас котӧртны аслас тарантас водзын.